TAKARATA A JACQUES KO̱ DÉ 1:12 - Féké Testament 1947

¹² Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

TAKARATA A JACQUES KO̱ DÉ 1:12 ပူးပေါင်းရင်းမြစ်များ

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

Apocalypse 2:10

Mo ngou waou fènli on ko̱ ma to̱ko̱ssé hi mo koukoulion ya. Mo ko̱, koukoulion zabolo ma wou hanali mbéo mbéo an woro baï an voul jo̱bo̱, an on mi lé oui, da mo ma to̱ko̱ssé name bo. Mo laïbi lodok bo̱l tèn houl, da mè ma hi mbélé couronne yana hi mo.

TAKARATA A JACQUES KO̱ DÉ 5:11

Mono, ko̱ name sa jangnandaï akli on ko̱ mi laïbi jing noungna sél. Oui lala baï toul laïnabi jing noungna sél a Job, da oui ko̱ ko̱, ko̱ ka sèkèrèkè Nanjou mi lé mbèlè, baï ko̱ Nanjou mi mba jing ndingna haïo tèn ko̱na sé.

Romainli 8:28

Da name toutou kli on ko̱ sé hang a Ouone, fènli bon mi ndoï jing hana baï ndingna bèlafèn jing kli on ko̱ kè di kli ka mboro badinafèn nè.

Saint Matthieu 10:22

Da yé njoukouli bon ma jèk oui, baï toul ling ni; da kè on ko̱ mi laïbi pou ta bo̱l tèn sèkèrèkè yé kè ma kou.

1 Corinthienli 9:25

Kli mbéo mbéo bon ko̱ fa bala ngouna klime mang mone kli jing mboro fènli bon. Da klime nding on baï jingna mbélé couronne on ko̱ ma poume, da ama name nding on baï jingna mbélé couronne on ko̱ mi ba poumna tane tiya.

1 Titili Takarata a Pierre ko̱ dé 3:14

Da tongna oui mi to̱ko̱ssé baï toul ndingna guédék, jangnandaï mi ba a baï. Oui ngou waou fèn on ko̱ kli ngou waoukè ya, maléba mone baï mi hou mbi ya.

2 Tim 4:8

Afal, kassénaï on mi pèng mbélé couronne a guédék bi koro mi, ko̱ yé Nanjou njou‐walabaï guédék ma hi mi ka name o̱kèo̱, da tane ti ba mè ka ho̱ko̱ ni ya da ba kli bon on ko̱ mi ndé sé hang guina nè kéng.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

1 Titili Takarata a Pierre ko̱ dé 5:4

Da ko̱ zaworo njou‐kora badoua mi gui, yé oui jing mbélé couronne jonafèn ko̱ mi tane yéli ya.

1 Corinthienli 2:9

Da mahana ko̱ mi dé: Fènli on ko̱ none mi tane ga ko̱ ya, da soukou mi tane ga la ya, da mi tane ga gui an bil go̱ra njoukou ya, fènli on Ouone mi mosso tou baï toula kli on ko̱ mi sé hang‐è.

Apocalypse 3:21

Kè on ko̱ gnèrèn baï njèna, yé mè ma hi nè baï kaouna jing mi an kangala njaka bara ni, mahana ka mè, ko̱ gnèrèn baï njéna kéng jinguèl, da kaou jing Baba ni an kangala njaka bara nè.

1 Titili Takarata a Pierre ko̱ dé 4:13

Da mahana ko̱ oui ba ndo̱ko̱ba to̱ko̱nassé a Christ on ko̱ kème to̱ko, oui kaou ka jangnandaï, mono on, ka name guina jing jonafèn nè, oui ma jangndaï ka wala nyèta kéng.

1 Corinthienli 8:3

Da tokoré njoukouna mi sé hang a Ouone, Ouone mi toutou njoukou aïn.

Apocalypse 3:19

Kli on bon ko̱ mè sé hang kli, mè ba baï da mè wara kli. Mono on, nono mi sènta baï ni, da mo hèkè.

Hébreuli 10:32

Oui bi laou baï toul titili namli on, da ko̱ ouime toutou mbora Ouone tangta tou, oui bou toul baï ka rou an bil to̱ko̱nassé nyèta tou.

Hébreuli 6:15

Da mono on, ko̱ kème bou toulè rou ka laïnabi mi ko̱ kè jing fèn bina gonjaka on.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

Hébreuli 11:17

Ka mboro tounassaon mi ko̱ Ouone lé Abraham, da kè hi Isaac, mahana ka sacrifice, ii, kè on ko̱ jing bina gonjaka ka jangnandaï hi pomboï goune nè mahana ka sacrifice.

Titili Takarata a Jean ko̱ dé 4:19

Ama name sé hang baï ko̱ kème ti sé hang na jinguèl ka titilikè.

Hébreuli 12:5

Da oui yangnaran warafèn on ko̱ mi sa ba oui mahana ka goundi. Goune, ni mo pong wana a Nanjou ya; Da laou‐o̱ mi loï ya ko̱ kème ba baï hi mo;

Saint Luc 6:22

Jangnandaï mi ba baï abaï ko̱ njoukouli mi jèk oui, da ko̱ klime ni oui an bèl mone kli, ka kèkè oui, da pong ling abaï mahana ko̱ ba békékè, baï toula Goune a njoukou!

Romainli 5:4

Da laïnabi mi hi ba bana pou, da bana pou mi hi ba oliya.

2 Tim 2:15

Mo nza mborokè gata baï hina mono ko̱ mi ma an nona Ouone, njou‐pina on ko̱ ma baï guina ka chonron ya, ka wal baïnjaka on ko̱ ba babaï ka mborokè guédék.

1 Titili Takarata a Pierre ko̱ dé 4:14

Jangnandaï mi ba baï abaï ko̱ tokoré klime sa bèlya kon toul baï, baï ling a Christ, baï ko̱ Esprit a jonafèn, da Esprit a Ouone mi na toul baï.