3 Baï ko̱ kè bi zaworo sacrificateur mbéo mbéo bon baï hina toul ndo̱ko̱li da sacrificeli; mono baï on, dadaon an zaworo sacrificateur on mi ndé hi fèn a sacrifice kéng.
Baï ko̱ zaworo sacrificateurli bon ko̱ klime ya kli mbéo mbéo an wora njoukouli, mi sane baï a njoukouli jing ndingna bakara a fèn on a Ouone, an kème hi toul ndo̱ko̱li da sacrificeli baï toula békéfènli.
da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.
Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?
On ba baï nè baï hina sacrificeli hanran siya, mahana ka zaworo sacrificateurli on ya, titilikè ba baï dodok békéfèn nèli da afal ba baï békéfèn a njoukouli, baï ko̱ kè nding on bo̱ko̱ mbéo bo̱l kambèlè ko̱ kè hi monè fènè mahana ka sacrifice.
kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.
Mè ba mapa yana, on ko̱ mi diri gui tiya ka nonkala tou. Tokoré njoukouna mi son mapa aïn, kè ma yan kambèlè; da mapa aïn ko̱ mè ma hi, on ba naïn‐moni, baï hina yana hi njou‐koukoulali.
Mè hou an di‐croix jing Christ tou, da tane ti ba mè on mi ko̱ yan ba aféké ya, da ba Christ mi ko̱ yan an bili; da yana on ko̱ mème yan jing naïn‐mone kassénaï, mè yan ka ba tounassaon on, ko̱ mi na an bila Goune a Ouone, kè on ko̱ mi sé hang ni ta, ka hi monè fènè baï touli.
Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.
Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.