Hébreuli 7:26 - Féké Testament 1947

²⁶ On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

Hébreuli 7:26 ပူးပေါင်းရင်းမြစ်များ

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Titili Takarata a Jean ko̱ dé 2:2

Da kè ba sacrifice‐cho̱ko̱kè baï chona békéfèn nali, da mi tane ti ba ama ka ho̱kè ya, da ndé tèn a njou‐koukoulali bon kéng.

Hébreuli 8:1

Da saou baï on ko̱ na sa ba on: Na makaou jing zaworo sacrificateur, ko̱ kaou mboro wonron ndo̱ko̱ kangala njaka bara a Gangna a Ouone an nonkalali.

1 Titili Takarata a Pierre ko̱ dé 2:22

Kè on ko̱ tane ga nding békéfèn bo̱ko̱ mbéo ya, Da kli tane ga jing rokonafèn an njakè ya.

Titili Takarata a Jean ko̱ dé 3:5

Da oui toutou ko̱ Jésus mi gui ba baï ko̱na békéfènli pa. Da békéfèn mi tane ti bilè gounfènakè ya.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Saint Luc 23:47

Da ko̱ kabita tourougouli mi ko̱ fèn on ko̱ mi nding tou, kè jone Ouone ka sa: Babaï, njoukou aïn ba njou‐guédék.

Saint Luc 23:41

Da ama mapélékè baï an name to̱ko̱ssé toul békéfèn na, ko̱ name nding; da njoukou aïn mi tane ga nding békéfèn ya.

1 Titili Takarata a Pierre ko̱ dé 3:22

kè on ko̱ makaou mboro wonron ndo̱ka Ouone baï ko̱ kème hé sé nonkala tou, da kè bou angeli da nanjoukaouli da njèranli baï kaouna bo̱ko̱ ndo̱kè.

1 Titili Takarata a Pierre ko̱ dé 1:19

Da kè cho oui jing kakaïya séme a Christ mahana ka goune badoua tane nongno da tane bila.

Hébreuli 7:11

Mono on tokoré ndingna guédék mi gui ka mboro ndo̱ko̱ba pina sacrificateur a Lévi, njoukouli mi ya guingna ka mboro pina on, baï fèn da kli ji sacrificateur aféké mi tèn ka mboro Melchisédek da kèn nè ka mboro Aaron ya lé?

Hébreuli 2:10

Baï an kè on ko̱ fènli bon na mbo̱l kè, da fènli bon gui ka mbora mè, baï ko̱ kème ji mira goundi nyèta kan jonafèn, an mi ma an kème nding nanjou yana‐baï‐toul akli mi tèn guédék ka mboro to̱ko̱nassé.

Pinali a Njou‐Mboro‐Pinali 4:27

Ka babaï, an bil pou aïn, kli pong tangna fofoto Goune no Jésus, kè on ko̱ mome same nè ka tang ambèl, Hèrode tèn Ponce Pilate kéng, da mèrèn pime pouli bon, tèn njou‐Israël mi ndoï jing hana,

Pinali a Njou‐Mboro‐Pinali 3:14

Da ouime njomo Njou‐tangna fofoto da Guédék, da ouime oui an kème hi ba njou‐ina njoukou hi oui.

Saint Jean 14:30

Yé mè ba sana baï nyèta ba aféké jing oui tane tiya; baï ko̱ zaworo a koukoula aïn mi gui, da fèna nè mbéo tane ga ti jing mi ya.

Saint Jean 8:29

Da kè on ko̱ mi pi mi makaou jing mi; kè tane ga yèng mi ka ho̱ko̱ ni ya, baï ko̱ mème nding fèn on ko̱ mi bi wélé toulè guèbassoko.

Saint Luc 24:46

Da kè sa hi kli: Mahana ka on ko̱ mi dé, yé Christ ma to̱ko̱ssé, ka tome an wora houlkèli ka name an saïkè.

Saint Luc 24:26

On ba baï a Christ, an kème to̱ko̱ssé toul fènli on ka ri sé guè bil jonafèn nè ya lé?

Saint Luc 23:22

Da Pilate mi sa hi kli mane bo̱ko̱ saï: Baï fèn da békéfèn ba fèn mi kè nding lé? mè tane ga ko̱ roko baï houlè ya. Mono on, yé mè ma wa nè ka sélè.

Saint Luc 1:35

Ange mi féré sa, ka sa hi Marie: Saint‐Esprit ma gui to̱ulo̱, da tétéme njèran a Sèkèrè Guèl Ndèk ma goukou mo. Mono baï on ko̱ mo ma bi ling a Tangna‐fofoto fèn on ko̱ mo ma mboung nè ba Goune a Ouone.

Saint Marc 16:19

Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Saint Matthieu 27:18

Baï ko̱ kè tou tou kli hi Jésus bi ndo̱kè ka ba fanahang.

Apocalypse 3:7

Mo dé takarata aïn hi ange a église a Philadelphie: Kè on ko̱ ba Tangna fofoto da ba Babaï, kè on ko̱ clélé a David mana ndo̱kè, kè on ko̱ bourou da yé njoukou mbéo ma tou njakakè birou ya, kè on ko̱ ma tou njakakè da yé njoukou mbéo ma bourou ya, kè sa fèn on:

Hébreuli 2:17

Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.