Hébreuli 7:25 - Féké Testament 1947

²⁵ baï on kéng, kè ma baï kouna kli on guédék, ko̱ gui mona Ouone, ka mboro nè ko̱ kè yan jing yana guèbassoko baï hiouna Ouone kon toul kli.

Hébreuli 7:25 ပူးပေါင်းရင်းမြစ်များ

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

1 Timothée 2:5

Baï ko̱ Ouone ba mbéo bo̱l, da njou‐vonabaï mbéo bo̱l kèng an hanguèl a Ouone jing njoukouli, kè fènè njoukou Christ‐Jésus,

Jude 1:24

Da a kè on ko̱ ma baï guéra oui, an oui mi bèn ya, da bi oui an none jonafèn amè, ka rongo ka wal nyèta,

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

Éphésienli 2:18

Bai ko̱ mbo̱l kè na séré bon jing guèl kana baï guèna mona Baba ka bila Esprit mbéo bo̱l.

Romainli 5:2

ka bilè da name jing guèl kana ndingna mbo̱l aïn, ka mboro tounassaon, guèl on mono ko̱ name o wang an bilkè, da name jangndaï jing oliya jonafèn a Ouone.

Hébreuli 11:6

Baï ko̱ tane tounassaon, njoukou tane ma ya, an Ouone mi ko̱ nè bèl monè ta; baï ko̱ kè on ko̱ mi guè mona Ouone, ba baï nè an kème la nè bi laou‐è ko̱ kè makaou, da ko̱ kè ba njou‐hina toul ndo̱ko̱ hi kli on ko̱ nza nè.

Éphésienli 3:20

Da kè ma baï ndingnakè nyèta guèbambèl ta toul fènli on bon ko̱ name oui on maléba ko̱ name bi hang na rou, ka mboro njèran on ko̱ mi nding an bila,

Hébreuli 9:24

Baï ko̱ Christ tane ga ri bil guèl tangna fofoto on ya ko̱ ndo̱ka njoukou mi mosso, on ko̱ mi mahana ka ba gba mèrènkè a fèn on fènè, da kè ri bil nonkala fènè, an kè mi guè nona Ouone baï toula.

Hébreuli 7:19

Baï guingna tane ga mosso fèna mbéo guédék ya, da kè bourou njaka mboro a oliya ko̱ bèl honta, da bo̱l on mi na guè mona Ouone.

Saint Jean 14:13

Da fèna on ko̱ ouime oui ka ling ni, yé mè ma nding fèn on, baï an Baba mi ya jonafèn an bila Goune fènè.

Hébreuli 5:7

Kè on ka name a naïn‐monè, ko̱ kème hiou Ouone ka sa jo̱jo̱ nyèta ka lé léou guè siya mingta ka mbiléou hi nè, ko̱ ma baï kouna nè an guèl houl, da ko̱ Ouone la nè, baï ko̱ kè ngou waou nonè.

Hébreuli 13:15

Mono on, dadaon an name hi sacrifice jona Ouone guèbassoko mbo̱l kè, ko̱ mi sa ba léna a ga haou baï, ko̱ mi to̱ko̱ ling‐è bi kala.

Hébreuli 7:16

Kè on ko̱ mi nding nè, ti ka mboro guingna an bina baïnjaka an naïn‐monè ya, da mi nding nè ka mboro njèran on ko̱ mi limna ya:

Hébreuli 2:18

Baï ko̱ kè fènè mi to̱ko̱ssé an bil yakanafèn jinguèl, kè ma baï léna mbèla kli on ko̱ fèn mi yak kli.

Philippienli 3:21

Ko̱ yé kè ma komo kli‐mone aïn ko̱ ba chonron hi na, da mosso nè ba kli‐mone ko̱ ba jonafèn nè, ka mboro njèran ndingna pina nè ko̱ mème ma baï ko̱na fènli bon an bo̱ko̱ ndo̱kè.

Saint Jean 14:16

Da yé mè ma hiou Baba, da kè ma hi aféké Ke‐baïlénambèl hi oui, baï an kème kaou jing oui kambèlè.

2 Tim 1:12

Da baï toul fèn on mi ndé to̱ko̱ssé hi mi kéng, da chonron mi tane ga sé mi ya, baï ko̱ mème tou kè on ko̱ mème la ilaou‐è da on mi kara mi ka babaï, ko̱ njèran nè mi ma baï pèngna fèn on ko̱ mème yèng hi nè baï pèngnakè bo̱l tèn name on.

Hébreuli 7:24

Da baï ko̱ Jésus kaou kambèlè, njoukouna ma komo nè an pina sacrificateur ya,

Éphésienli 3:12

Da ka bilè na jing guèl baï kana mona Ouone ndo̱t tane waou, ka vona go̱ro̱ da ka mboro tounassaon‐è.

Hébreuli 7:8

Da guèl aïn njoukouli ko̱ hou, kli ya dîme da guèl mbéo mana an soko on ko̱ kli sa bongbaï toulè on ko̱ kè yan.

Romainli 5:10

Da tokoré ko̱ name pane ba bakèlio̱ jinguèl, name kon ndo̱ko̱ na fal hana jing Ouone, mbo̱l houl a Goune nè, baï ko̱ name kon ndo̱ko̱ na fal hana jing nè tou, yé na ma kou ta guèbambèl nyèta ka bil yana nè.

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

Hébreuli 2:9

Da na ko̱ Jésus, kè on ko̱ Ouone mi mosso nè an mi ma ka angeli ya, baï name gounfènakè, kè on ko̱ jing mbélé couronne a jonafèn da dikna, baï toul houl on ko̱ kème to̱ko̱ssé, an kè, ka mboro ndingna mbo̱l a Ouone, mi sanran houl baï toula njoukouli bon.