Hébreuli 6:6 - Féké Testament 1947

⁶ Da afal da kli lé ka mborokè, on lata baï an klime féré tèn fékékè ka mboro hèkèna békéfèn, baï ko̱ klime féré bara Goune a Ouone ba aféké bi di‐croix baï akli fèn kli, da bi chonron nonè an nona ro̱kè.

Hébreuli 6:6 ပူးပေါင်းရင်းမြစ်များ

2 Pierre 2:21

Dadaon bèlta baï a kli da tokoré klime tane ga tou mboro guédék jinguèl ya, da afal ko̱ klime tou mborokè tou, kli ki féré fal mbora tangna fofoto bina baïnjaka guingna on ko̱ mi hi kli.

Hébreuli 10:29

Laou baï kèrè ba fèn, ko̱ yé barabaï nyèta ba tana an toula njoukou on ya lé kè mi wal baï ko̱ kème ma, ko̱ mi nda Goune a Ouone ka bo̱kè, da kè ko̱ séme bina gonjaka an none hana ko̱ mi walè bi baï nè fènè, mahana ka ladidifèn da kè poukou Esprit a ndingna mbo̱l lé?

Hébreuli 6:4

Da toul akli on ko̱ la mborokè tang tou, da sanran toul ndo̱ko̱ an nonkala, da kli jing fèn akli ka Saint‐Esprit,

Titili Takarata a Jean ko̱ dé 5:16

Tokoré njoukouna mi ko̱ yine nè ko̱ nding békéfèn on ko̱ mi tane ga hi houl ya, dadaon an kème sa jo̱jo̱ Ouone, da yé Ouone ma hi yana hi kli on ko̱ mi tane ga nding ba békéfèn on ko̱ mi hi houl ya. Békéfèn hana mbéo mana ko̱ mi hi houl; tane ti ba baï békéfèn on ko̱ mème sa baï sana jo̱jo̱ Ouone ya.

2 Tim 2:25

ka to kli on ko̱ mi fa baï toul baï tang guédék jing bouna mone baï guè koukoula, ka oli ko̱ ka touya Ouone ma hi go̱ro̱ hèkèna békéfèn hi kli an klime kan baï touna babaï.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Saint Matthieu 19:26

Da Jésus mi ènrèn guè mone kli, ka sa hi kli: Mbéya a njoukouli mana bongkè tane tiya, ka mbéya an Ouone yé fènli bon mi mabongkè.

Saint Luc 11:48

Mono, oui sa bongbaï da ji bo̱ko̱kè jing ba pina a baba baïli; baï ko̱ klime i prophèteli da oui dang pal kone akli.

Hébreuli 4:14

Mono on baï ko̱ na jing loukou zaworo sacrificateur, Jésus, Goune a Ouone, kè on ko̱ ta sé nonkalali tou, dadaon an name ba tounassaon na pou.

Hébreuli 10:26

Da tokoré name ji bo̱ko̱kè jing békéfèn afal ko̱ name tou babaï nguite tou, sacrifice baï a békéfènli pane ba aféké an ndourou tane tiya.