Hébreuli 6:4 - Féké Testament 1947

⁴ Da toul akli on ko̱ la mborokè tang tou, da sanran toul ndo̱ko̱ an nonkala, da kli jing fèn akli ka Saint‐Esprit,

Hébreuli 6:4 ပူးပေါင်းရင်းမြစ်များ

Saint Matthieu 5:13

Oui ba tome an koukoula. Da tokoré tome mi bo̱l rina nè, yé kè féré kaïn ri an hane dé? Kè na bo̱on, dadaon wounakè kon kala da njoukouli mi nda ka bo̱ko̱ kli.

Saint Jean 15:6

Tokoré njoukouna mi tane bi an bili ya, ka wou nè bou kala mahana ka wanando̱ko̱ di on, ko̱ mi ho̱ko̱; da klime mang kon hèlè da rèng.

Éphésienli 2:8

Baï ko̱ ka mboro ndingna mbo̱l mi ko̱ oui kou tou ka mboro tounassaon, da fèn on mi tane ti ba abaï fèn baï ya, on ba toul ndo̱ka Ouone,

Saint Jean 3:27

Jean mi féré sa ka sa: Njoukou mbéo tane ma baï yana fèna ya, wara ko̱ nonkala mi tane ga hi nè hi nè ya.

Hébreuli 10:32

Oui bi laou baï toul titili namli on, da ko̱ ouime toutou mbora Ouone tangta tou, oui bou toul baï ka rou an bil to̱ko̱nassé nyèta tou.

Saint Matthieu 12:45

Da kè sé ka ya esprit afékéli difala‐séré ko̱ ba békékè ta nè, da kli ri sé guè bilkè ka bi pou kli rou; da afal on njoukou aïn mi gui bèlya ta ambèl bon. Da on, yé mi tèn béké mèran njoukou aïnli mahana.

Galateli 3:2

Mè ji an ouime sa bongkè ka njaka baï toul fèn aïn mbéo bo̱l hi mi: Oui ya Esprit ka mboro ndingna pina a guingna jinguèl, maléba ka ba mboro lana sana mboura tounassaon lé?

2 Tim 2:25

ka to kli on ko̱ mi fa baï toul baï tang guédék jing bouna mone baï guè koukoula, ka oli ko̱ ka touya Ouone ma hi go̱ro̱ hèkèna békéfèn hi kli an klime kan baï touna babaï.

Titili Takarata a Jean ko̱ dé 5:16

Tokoré njoukouna mi ko̱ yine nè ko̱ nding békéfèn on ko̱ mi tane ga hi houl ya, dadaon an kème sa jo̱jo̱ Ouone, da yé Ouone ma hi yana hi kli on ko̱ mi tane ga nding ba békéfèn on ko̱ mi hi houl ya. Békéfèn hana mbéo mana ko̱ mi hi houl; tane ti ba baï békéfèn on ko̱ mème sa baï sana jo̱jo̱ Ouone ya.

Hébreuli 2:4

Ouone mi ndé to̱ko̱ jing kli kéng, ka mboro fèn to̱ko̱nakèli da fèn sakamli, da njèran pinali toutoul, toutoul, da ka mboro toul ndo̱ka Saint‐Esprit, ko̱ kè wal hi kli ko̱ kaou mara fal toulè.

1 Timothée 4:14

Mo tane nding chone jing toul ndo̱ko̱ on ko̱ mi na bilo̱ ya, on ko̱ mi hi mo ka mboro bong njaka a Ouone, mahana ko̱ tangchidoli mi goukou ndo̱ko̱ kli toulo̱.

Pinali a Njou‐Mboro‐Pinali 11:17

Da on tokoré, Ouone mi ndé hi mbé toul ndo̱ko̱ hi kli mahana ko̱ kème hi na kéng, ko̱ name la bilaou a Nanjou Jésus‐Christ ka tang ambèl, mè ba guè da njèran baï dèna Ouone dé?

Éphésienli 4:7

Da mi hi ndingna mbo̱l mane mbéo mbéo bon hi na ko̱ mi mabongkè jing léna toul ndo̱ko̱ a Christ.

Éphésienli 3:7

ko̱ mème tèn ba njou‐bakara on ka mboro toul ndo̱ko̱ ndingna mbo̱l a Ouone, ko̱ kème hi mi ka mboro ndingna njèran pina nè.

Pinali a Njou‐Mboro‐Pinali 10:45

Da kli on ko̱ mi i gassa ko̱ la bilaou da ko̱ gui jing Pierre, laou kli mi sè siya, baï ko̱ mi ndé mèn toul ndo̱ka Saint‐Esprit kon toula mèran gentili kéng.

Pinali a Njou‐Mboro‐Pinali 8:20

Da Pierre mi sa hi nè: Mbo̱ri no ma ndé limna jing mo, baï ko̱ mome bi hang‐o̱ baï toul ndo̱ka Ouone ka ba mbo̱ri.

Saint Jean 6:32

Mono, Jésus sa hi kli: Babaï, babaï, mi mè sa hi oui, tane ti ba Moïse mi ko̱ hi mapa on hi oui ko̱ mi diri gui ka nonkala ya, da ba Baba ni mi ko̱ hi gba mapa hi oui ko̱ mi diri gui ka nonkala.

Galateli 3:5

Mono on kè on ko̱ mi hi Esprit hi oui tou, da kème nding njèran fènli nyèta an woro baï kème nding on ka mboro ndingna pina guingna, maléba ka ba mboro lana sana mboura tounassaon lé?

Pinali a Njou‐Mboro‐Pinali 15:8

Da Ouone ko̱ mi toutou go̱ra njoukouli bon, kème sa bongbaï hi kli, ko̱ kème ndé hi Saint‐Esprit hi kli mahana ko̱ kème ti hi na jinguèl,

Saint Jean 4:10

Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo.

2 Tim 4:14

Alexandre njou‐gavou mi nding bèlya jing mi nyèta. Yé Nanjou ma féré hi nè mabong pina nè.

Romainli 1:11

Baï ko̱ mème bi hang ni baï ko̱na oui nyèta, mono on an mème hi toul ndo̱ko̱ a Esprit hanali hi oui, an mone baï mi pou oui.

2 Corinthienli 4:4

kli on ko̱ mi tane ga la bilaou ya, ko̱ ouone a saka naï mi foukourou kèrafèn akli, baï an klime tane ma baï ko̱na takanafèn bèlabaï a jonafèn a Christ ya, on ko̱ ba tétéme a Ouone.

2 Corinthienli 4:6

Baï ko̱ ba Ouone on mi ko̱ sa jinguèl: Yé takanafèn ma tèn ka cha an bil yilime! kè on ko̱ mi cha an bil go̱ro̱ na, baï takana tounafèn a jonafèn a Ouone an nona Jésus‐Christ.

Éphésienli 1:18

mono on an none a go̱ro̱ baï mi bourou baï ko̱na guèl bèlta, baï an ouime tou fèn on ko̱ ba fèn oliya baï ko̱ kème di oui, da an ouime tou fèn on ko̱ ba nguèra jonafèn an fèn yana pélé nè ka bila njou‐lana‐bilaouli,