Hébreuli 5:9 - Féké Testament 1947

⁹ Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

Hébreuli 5:9 ပူးပေါင်းရင်းမြစ်များ

Hébreuli 9:15

Da baï on kè ba njou‐vonabaï baï to̱ko̱na féké bina gonjaka an none hana baï njoukou mbéo mi hou, baï chona séla guingnali on ko̱ klime nding an bo̱ko̱ titili bina gonjaka an none hana, mono on kli on ko̱ kème di kli mi ma baï jingna bina gonjaka a fèn yanapélé kambèlè.

Hébreuli 2:10

Baï an kè on ko̱ fènli bon na mbo̱l kè, da fènli bon gui ka mbora mè, baï ko̱ kème ji mira goundi nyèta kan jonafèn, an mi ma an kème nding nanjou yana‐baï‐toul akli mi tèn guédék ka mboro to̱ko̱nassé.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 9:12

Kè ri bilkè ka séme a halali maléba goune ndaïyali ya. Da kè ri guèl tangna fofoto ka dodok séme nè bo̱ko̱ mbéo bo̱l baï kambèlè, da kè jing mboro chona kambèlè.

Pinali a Njou‐Mboro‐Pinali 5:32

Da na ba njou‐sana bongbaïli toul baï aïnli, tèn Saint‐Esprit kéng, kè on ko̱ Ouone mi hi kli on ko̱ mi la nè.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Hébreuli 11:8

Ka mboro tounassaon mi ko̱ Abraham, ko̱ Ouone di nè, mi la baï nè, da ourou ka sé guèl on ko̱ kè ma ya pélé ka séssé hana, da kè ourou da tou guèl on ko̱ kème guè séna ndourou ya.

2 Thessalonicienli 1:8

baï féra gnana hi njoukouli on ko̱ mi tane ga tou Ouone ya, tèn kli on ko̱ mi pong bèlabaï a Nanjou na Jésus,

Romainli 2:8

da hi barabaï jing hèrè hi kli on ko̱ njaka ka pong babaï, da kli on ko̱ nding maï maï.

Romainli 1:5

mbo̱lkè da name jing ndingna mbo̱l da pina a njou‐mboro‐pina, baï jingna njoukouli an wora mèran pime pouli bon an klime la ka mboro tounassaon, baï toul ling‐è.

2 Corinthienli 10:5

Name sokoro fèn bina laou na rou an koukoula bon, tèn fèn gangnali bon ko̱ mi joung monè fènè jing tounafèn a Ouone, da name mang kèrafènli bon tèn ba koï baï lana baï a Christ.

Romainli 15:18

Baï ko̱ mè ma sana baï toul fèna aféké tane tiya bo̱l ba fèn on ko̱ Christ mi nding baï ni, baï miran gentili baï lana baï ka mboro baïnjaka, da ka mboro ndingna fèn.

2 Tim 2:10

Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

Romainli 10:16

Da kli bon mi tane ga la bèlabaï bi go̱ro̱ kli ya. Baï ko̱ Ésaïe mi sa: Nanjou, Guème ko̱ la sanamboura na lé?

Romainli 6:17

Da name kaou koukoula hi Ouone, baï ko̱ oui ba koïli a békéfèn jinguèl, da kassénaï oui ji bo̱ko̱kè jing mèrèn to̱ko̱nafèn on, ko̱ mi to̱ko̱ an bil go̱ro̱ baï.

Hébreuli 2:3

Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

Saint Jean 19:30

Da mono, afal ko̱ Jésus mi njo fona‐mbi‐lénadi on tou, kè sa: Fènli bon o̱tou, ka ding toulè guè tiya da féré hi esprit nè.

Saint Matthieu 17:5

Da ko̱ kème pane sana baï on, yiri mbame on mi gui ka goukou toul kli ko̱ mi cha ta. Da mono, bounaka mi ba gui ka bil yiri mbame on, ka sa: Kè on ba Goune ni ko̱ mème sé hang‐è nyèta, ko̱ mi bi wélé touli ta: oui la nè!

Jude 1:21

Oui pèng mone baï an bil sénahang a Ouone, ka voro ndingna haïo a Nanjou na Jésus‐Christ baï yana kambèlè.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

Hébreuli 11:40

Baï ko̱ Ouone mi mosso fèn aféké bèl honta baï na, mono on, tokoré name tiya kli ma gui guédék bon ya.

2 Thessalonicienli 2:16

An Nanjou na Jésus‐Christ fènè da Ouone Baba na kè on ko̱ mi sé hang na, da hi na baï vona go̱ro̱ kambèlè da bèla oliya ka mboro ndingna mbo̱l.

Pinali a Njou‐Mboro‐Pinali 3:15

Da ouime i Zaworo a yana tou, kè on ko̱ Ouone mi tome nè an wora houli, da na ba njou‐sana bongbaï toul baï on.

Saint Luc 13:32

Da kè sa hi kli: Oui sé ka sa hi guè on: Ko̱, mè ni zabololi da haï mona njou‐jangmali kassénaï da yépélé, da name a saïkè mè nding fèn nili o̱tou.

Pinali a Njou‐Mboro‐Pinali 4:12

Da yana‐baï‐toul tane ti bila njoukou aféké ya, baï ko̱ ling aféké an bo̱ko̱ nonkala tane tiya ko̱ hi an jéng an njoukouli ko̱ ma kou na.

Philippienli 2:12

Mono, baï on yindi, ko̱ mème sé hang baï ta, mahana ko̱ oui ba mbéré njoukouli guèbassoko, ti ba baï noni ka ho̱kè ya, da kassénaï mi ta guèbambèl ko̱ mème tane ti jing oui ya, oui nding dodok yana‐baï‐toul abaï bi kala ka ngouna waou jing to̱na mone,

Hébreuli 1:14

Kli on bon ba espritli ba ndingna bakara hi Ouone, kli on ko̱ Ouone mi pi baï ndingna bakara hi kli, ko̱ yé kli ma ya pélé yana‐baï‐toul ya lé?

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.