Hébreuli 4:2 - Féké Testament 1947

² Ka babaï, kli sa mboura bèlabaï hi na mahana ka kli; da lana baïnjaka on na bo̱on jing kli, baï ko̱ klime tane ga ndoï ya, jing tounassaon a kli on ko̱ mi la.

Hébreuli 4:2 ပူးပေါင်းရင်းမြစ်များ

1 Thessalonicienli 2:13

Da baï on, name ndé kaou koukoula hi Ouone guèbassoko kéng, baï mahana ko̱ ouime la baïnjaka on an njaka na, kara oui, ko̱ Ouone mi hi na, oui tane ga ji mahana ko̱ ba baïnjaka a njoukouli ya, da mahana ko̱ on ba babaï, da ba baïnjaka a Ouone ko̱ mi ndé nding an bil baï on ko̱ mi la bilaou kéng.

Hébreuli 11:6

Baï ko̱ tane tounassaon, njoukou tane ma ya, an Ouone mi ko̱ nè bèl monè ta; baï ko̱ kè on ko̱ mi guè mona Ouone, ba baï nè an kème la nè bi laou‐è ko̱ kè makaou, da ko̱ kè ba njou‐hina toul ndo̱ko̱ hi kli on ko̱ nza nè.

Hébreuli 3:12

Oui pèng mone baï yindi, baï béké go̱ro̱ ndingna ka ndouri mi na jing njoukouna mbéo an woro baï ya, ko̱ ourou an mona Ouone ko̱ yan.

1 Timothée 4:8

Da mo wara mono fèno ka mboro pèngna bong njaka a Ouone; baï ko̱ njoukouna mi tane ga jing fèn nyèta ya jing ndara kli‐mone, da njoukou mi jing fèn on ko̱ ma fènli bon ka mboro pèngna bong njaka a Ouone, baï ko̱ on ba bina gonjaka an yana on ko̱ mi na kassénaï, da yana on ko̱ mi nding baï guina.

Romainli 2:25

Ina gassa hi bèlta, tokoré mome bou fal bong njaka guingna, da toko̱ré mome ba njou‐séla guingna, ina gassa no, mi tèn ba ina gassa ya.

Pinali a Njou‐Mboro‐Pinali 13:46

Da Paul kira Barnabas mi sa baï ndo̱t bi none kli, ka sa: On ba baï toul baï baï to̱ko̱na baïnjaka Ouone hi oui ti dambèl; da ba baï ko̱ ouime pong baï aïn tou, oui fèn baï mi wal baï, ko̱ oui tane ga mapélékè baï yana kambèlè ya, mono na ma ki ka sé guè mona mèran gentili.

TAKARATA A JACQUES KO̱ DÉ 1:21

Mono baï on, oui yèng go̱ro̱ dakame bon, tèn mbana sènafèn bon, oui ya baïnjaka jing bouna mone baï guè koukoula ko̱ go̱ro̱ an bil go̱ro̱ baï, on ko̱ ma baï kouna laou baï.

Hébreuli 4:6

Mono on, hanali ko̱ mi ma baï kana bilkè, da kli on ko̱ njoukouli sa mboura bèlabaï hi kli ka tang ambèl, kli pènrèn baï kana bilkè baï ko̱ klime kaou ka ndouri.

1 Corinthienli 13:3

Da tokoré mème wal fèn nili bon bi hi foïna njoukouli baï sonakè, da tokoré mème hi kli‐moni baï soungnakè, da mème tane ga ti jing sénahang ya, fèn on mi na bo̱on jing mi.

1 Titili Takarata a Pierre ko̱ dé 1:12

Mi to̱ko̱ hi kli on, ko̱ on ti ba baï akli fèn kli ya, da ba baï abaï ko̱ klime nding bakara fèn aïnli, ko̱ kassénaï kli on ko̱ sa mboura bèlabaï mi sa hi oui tou, ka bila Saint‐Esprit ko̱ kè pi ka nonkala, da fèn on ko̱ angeli mi bi hang kli baï ko̱na saonkè.

1 Thessalonicienli 1:5

Baï ko̱ bèlabaï na mi tane ga guè mone baï ka ba baïnjaka bo̱on ho̱kè ya, da ndé jing njèran kéng ka bila Saint‐Esprit, an mi kara oui ka babaï; mahana ko̱ oui mi toutou on ko̱ name to̱ko̱ tènrèn nonkè kong na ba njoukou guèli an none baï baï toul baï.

Galateli 3:8

Da baï ko̱ Takarata a Ouone mi toutou ka tang ambèl, ko̱ Ouone mi ji ndingna mèran gentili gui guédék ka mboro tounassaon, mono on, mi ti sa mboura bèlabaï hi Abraham ka tang ambèl, ka sa: Ka mboro no yé mè ma same mèrèn pime pouli bon!

Galateli 4:13

Oui tane ga nding fèn bèlya jinguèl jing mi ya. Da oui toutou ko̱ mème sa mboura bèlabaï hi oui ka titilikè jing hèfèrè naïn‐mone.

Pinali a Njou‐Mboro‐Pinali 3:26

Mono Ouone mi di njou‐bakara nè ka pi nè gui mone baï ti dambèl, baï samna oui, da féré komo go̱ra baï mbéo mbéo bon ka mboro békéfèn baïli.

Romainli 3:3

Da mono, tokoré hanali mi tane ti jing tounassaon ya, ndingna ka ndouri akli mi nding lodok a Ouone gui bo̱on lé?

Galateli 3:2

Mè ji an ouime sa bongkè ka njaka baï toul fèn aïn mbéo bo̱l hi mi: Oui ya Esprit ka mboro ndingna pina a guingna jinguèl, maléba ka ba mboro lana sana mboura tounassaon lé?