Hébreuli 4:14 - Féké Testament 1947

¹⁴ Mono on baï ko̱ na jing loukou zaworo sacrificateur, Jésus, Goune a Ouone, kè on ko̱ ta sé nonkalali tou, dadaon an name ba tounassaon na pou.

Hébreuli 4:14 ပူးပေါင်းရင်းမြစ်များ

Hébreuli 9:24

Baï ko̱ Christ tane ga ri bil guèl tangna fofoto on ya ko̱ ndo̱ka njoukou mi mosso, on ko̱ mi mahana ka ba gba mèrènkè a fèn on fènè, da kè ri bil nonkala fènè, an kè mi guè nona Ouone baï toula.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 10:23

dadaon an name ba pou baï a tounassaon a oliya na, mono on, an mi lang ya, baï ko̱ kè on ko̱ bi gonjaka hi na ba lodok.

Hébreuli 9:12

Kè ri bilkè ka séme a halali maléba goune ndaïyali ya. Da kè ri guèl tangna fofoto ka dodok séme nè bo̱ko̱ mbéo bo̱l baï kambèlè, da kè jing mboro chona kambèlè.

Hébreuli 6:20

Da guèl ko̱ Jésus ri baï na mahana ka njou?-?dana mbèlkè da tèn zaworo sacrificateur kambèlè, an mi ma ka mbora Melchisédek.

Éphésienli 4:10

Kè on ko̱ mi diri, ba kè on ko̱ mi ndé sé guè siya ta toul nonkalali bon, baï an kème mba fènli bon.

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

Hébreuli 3:14

Baï ko̱ name tèn ba ndo̱ko̱ba kira Christ, tokoré name ba titili tounassaon na pou, bo̱l go̱ sèkèrèkè;

Hébreuli 2:17

Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.

Hébreuli 10:12

Da Jésus afal ko̱ kè hi sacrifice bo̱ko̱ mbéo baï békéfènli kambèlè, kè kaou an mboro wonron ndoka Ouone kambèlè.

Hébreuli 8:1

Da saou baï on ko̱ na sa ba on: Na makaou jing zaworo sacrificateur, ko̱ kaou mboro wonron ndo̱ko̱ kangala njaka bara a Gangna a Ouone an nonkalali.

Pinali a Njou‐Mboro‐Pinali 1:11

da sa hi kli: Oui njoukouli an guèl Galilée, baïfèn da ouime o ka zaili none baï ènrèn sé guè nonkala on lé? Jésus aïn ko̱ mi hé sé guè nonkala an woro baï, yé kè ma kaïn féré ba aféké mahana ka on ko̱ ouime ko̱ nè baï séna guè nonkala.

Hébreuli 1:8

Da kè sa hi Goune on: Kangala njaka bara mo, o Ouone makaou kambèlè, Da di sceptre a bilkaou no da di sceptre a guédék.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Saint Luc 24:51

Da baï mi gui mahana ka on, ko̱ kè same kli, kè yèng kli, ka hé sé guè nonkala.

Saint Marc 16:19

Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Hébreuli 2:1

Mono on, baï fènli on, dadaon an nona mi sènta toula fènli on ko̱ name la tou, an name tane yangnaran fèn aïnli ya.

Saint Marc 1:1

Titili bèlabaï a Jésus‐Christ Goune a Ouone.

Saint Matthieu 4:3

Da njou‐yaknafèn mi gui, ka sa hi nè: Tokoré mome ba Goune a Ouone, mo sa hi kone aïnli an klime féré tèn ba mapa.

2 Corinthienli 9:13

Baï ko̱ ka mboro léna oui jing bakara on, ouime jone Ouone baï toul bongbaï on ko̱ ouime sa bi kala toul bèlabaï a Christ, da baï toul hina toul ndo̱ko̱ abaï ka laou baï hi kli tèn njoukouli bon;

2 Corinthienli 12:2

Mè toutou njoukou mbéo ka bila Christ jinguèl mane saka bo‐toulè‐séré, mahana ka kli‐mone mè tane ga tou ya, maléba tokoré mi tèn an bil kli‐mone, mè tane ga tou ya, Ouone mi ko̱ toutou mi bi njoukou on bo̱l tèn nonkala an saïkè.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Hébreuli 6:6

Da afal da kli lé ka mborokè, on lata baï an klime féré tèn fékékè ka mboro hèkèna békéfèn, baï ko̱ klime féré bara Goune a Ouone ba aféké bi di‐croix baï akli fèn kli, da bi chonron nonè an nona ro̱kè.

Hébreuli 7:3

Kè tane ti jing baba da ma ya, baï tangko nèli tiya, name mboungna nè tane tiya, da sèkèrè yana amè tane tiya, da mi mosso nè mahana ka Goune a Ouone, kè kaou ba sacrificateur kambèlè.

Hébreuli 10:29

Laou baï kèrè ba fèn, ko̱ yé barabaï nyèta ba tana an toula njoukou on ya lé kè mi wal baï ko̱ kème ma, ko̱ mi nda Goune a Ouone ka bo̱kè, da kè ko̱ séme bina gonjaka an none hana ko̱ mi walè bi baï nè fènè, mahana ka ladidifèn da kè poukou Esprit a ndingna mbo̱l lé?

1 Titili Takarata a Pierre ko̱ dé 3:22

kè on ko̱ makaou mboro wonron ndo̱ka Ouone baï ko̱ kème hé sé nonkala tou, da kè bou angeli da nanjoukaouli da njèranli baï kaouna bo̱ko̱ ndo̱kè.