Hébreuli 3:12 - Féké Testament 1947

¹² Oui pèng mone baï yindi, baï béké go̱ro̱ ndingna ka ndouri mi na jing njoukouna mbéo an woro baï ya, ko̱ ourou an mona Ouone ko̱ yan.

Hébreuli 3:12 ပူးပေါင်းရင်းမြစ်များ

Hébreuli 12:25

Oui pèng mone baï bèlta an ouime pong kè on ya, ko̱ mi sa baï. Baï tokoré kli on ma baï ngouna ya, ko̱ kli pong kè on ko̱ wara kli an koukoula, na ma baï ngouna kè on ko̱ na pong nè ko̱ wara na an nonkala mahana ka fèn lé?

1 Corinthienli 10:12

Mono baï baï on njoukou on ko̱ mi kèrè ba kème o siya dadaon kème ènrèn monè bèlta an kème tane lé ya!

Hébreuli 10:38

Da njou‐guédék ni, ma yan ka mboro tounassaon; da tokoré kème pong ka féré fal, yé laou ni ba ko̱na nè bèl moni tane tiya.

Hébreuli 12:15

Oui pèng‐bèlta an njoukouna mi pènrèn ndingna mbo̱l a Ouone ya, baï saon a joungna go̱ro̱ mi ourou ka gui nza oui ya, da njoukouli nyèta gui dakame ka mboro aïn,

Hébreuli 3:10

Mono baï on, mi go̱ro̱ ni mi sé mi jing mèlan njoukou aïnli, da mè sa: Kli nding fèn maï maï ka go̱ro̱ kli guèbassoko, Da kli tane ga tou mboro nili ya.

Saint Marc 13:33

Oui ènrèn mone baï bèlta, oui zèng, ka hiou Ouone; baï ko̱ ouime tane ga tou namkè ya.

Saint Matthieu 24:4

Da Jésus mi féré sa, ka sa hi kli: Oui ènrèn mone baï, bèlta baï an njoukouna mbéo mi tane mong oui ya.

Saint Marc 13:9

Da oui ènrèn mone baï; baï ko̱ yé kli ma souti oui bi ndo̱ka njou‐walabaïli, da yé kli ma jo̱ oui an bil synagogueli; da yé oui ma o nona njou‐name gangnali tèn nanjoukaouli baï touli, ko̱ ba sana bongbaï hi kli.

1 Thessalonicienli 1:9

Baï ko̱ kli fèn kli mi sa bongbaï na, ka mboro on ko̱ name guè mone baï kong ba na ane dé, da ka mboro on ko̱ ouime guè mona Ouone ka yèng ndamli baï ndingna bakara hi gba Ouone ko̱ yan.

Romainli 11:21

Da tokoré Ouone mi tane ga mbé dodok wana ndo̱ko̱kèli jinguèl ya, yé kè ma ndé mbé mo ya kéng.

Saint Luc 21:8

Da Jésus mi sa: Oui ènrèn mone baï bèlta an klime mong oui ya, baï ko̱ yé njoukouli nyèta ma gui ka bil ling ni, ka sa ba: Mè mini, da namkè mi tèn tou. Oui tane sé fal kli ya.

Saint Marc 13:23

Da oui ènrèn mone baï bèlta; baï ko̱ mème ti sa fèn aïnli bon hi oui ka kome.

Saint Matthieu 16:16

Da Simon Pièrre mi féré sa, ka sa: Mo ba Christ, Goune a Ouone ko̱ yan.

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Hébreuli 3:19

Da na ko̱ ko̱ kli tane ma baï rina bilkè ya, baï ko̱ klime kaou ka ndouri.

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

Hébreuli 10:31

On ba fèn hina waou nyèta baï léna an ndo̱ka Ouone ko̱ yan.

Hébreuli 12:22

Da oui gui diya jing souraguèl a Sion, da loukou pou a Ouone ko̱ yan, Jérusalem a nonkala da oui gui diya jing angeli ko̱ mi ro̱ko̱ta maïya on, ko̱ njoukouna mi ma baï kènakè ya,