Hébreuli 3:1 - Féké Testament 1947

¹ Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Hébreuli 3:1 ပူးပေါင်းရင်းမြစ်များ

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Philippienli 3:14

Da mème laïbi ngouna baï tèna sèkèrèkè, ka ya toul ndo̱ko̱ aïn, ko̱ Ouone mi di mi an nonkala baï yanakè ka bila Christ‐Jésus.

Hébreuli 7:26

On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

Éphésienli 4:1

Mono on, mè ko̱ ba njou‐jo̱bo̱ ka bila Nanjou, mè sa jo̱jo̱ baï nyèta an bong séna abaï mapélékè baïnjaka on ko̱ kème di oui jing rou,

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Hébreuli 2:17

Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.

Hébreuli 10:21

da na jing loukou sacrificateur ko̱ na gangna toul voula Ouone.

Éphésienli 4:4

Kli‐mone ba mbéo bo̱l, da Esprit mbéo bo̱l, mahana ko̱ mi ndé di oui jing oliya mbéo kéng ka baïnjaka on ko̱ kème di oui.

1 Thessalonicienli 2:12

Name wara oui an mone baï mi pou oui, da name sa bongbaï, mono on, dadaon an bong séna abaï mi mapélékè an nona Ouone, kè on ko̱ mi di oui guè dodok bilkaou nè tèn jonafèn nè.

1 Corinthienli 9:23

Da mème nding fènli bon baï toul bèlabaï, baï an mème ndé jing fèn ami an ndourou, mahana jing kli on ko̱ mème jing.

2 Tim 2:7

Mo kèrè fal baï on bèlta ko̱ mème sa: baï ko̱ yé Nanjou ma hi cho̱kna baï touna fènli bon hi mo.

1 Timothée 6:12

Mo rou bèla rouna a tounassaon, ching yana kambèlè, ko̱ mi di mo baï yanakè jinguèl, da mo sa bèla bongbaï bi kala an nona njou‐lana bongbaïli nyèta.

Romainli 15:8

Baï ko̱ mè sa, mi hi Christ tèn ba njou‐bakara a njou‐ina gassali baï toul babaï a Ouone. Mono on an kème ma baï pouna bi bina gonjakali on ko̱ Ouone mi hi tangko nali tèn ba babaï.

Hébreuli 2:11

Baï ko̱ kè on ko̱ wal kli bi baï nè fènè, da kli on ko̱ mi wal bi tou; kli bon ba a Baba mbéo, baï fèn on chonron tane sé nè ya, baï dina kli ba yindi.

Saint Jean 20:21

Mono, Jésus mi sa hi kli ba aféké: Go̱ro̱ iki mi na jing oui! Mahana ko̱ Baba fènè mi pi mi, mono on, mème ndé pi oui.

Jude 1:1

Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.

Hébreuli 3:14

Baï ko̱ name tèn ba ndo̱ko̱ba kira Christ, tokoré name ba titili tounassaon na pou, bo̱l go̱ sèkèrèkè;

1 Timothée 6:2

Da kli on ko̱ njou‐onatoul klili ba njou‐lana bilaouli an klime tane pong kli ya, baï ko̱ kli ba yindi jing hana; da dadaon an klime nding bakara hi kli bèlta guèbambèl baï ko̱ kli on ko̱ mi jing fèn baï bèla pina on ba njou‐lana‐bilaouli da Ouone mi sé hang kli. Fèn aïnli mo to̱ko̱ da wara.

2 Thessalonicienli 2:14

Da kème di oui baï on ka mboro bèlabaï na, baï an ouime jing jonafèn a Nanjou na Jésus‐Christ.

2 Thessalonicienli 1:11

Mono baï on, ko̱ name hiou Ouone kon toul baï kéng guèbassoko, baï an Ouone na mi ko̱ oui mabong dina on ko̱ kème di oui, da kème boufal bèla fèn ndingna nèli bon ko̱ mi na hang‐è bèlta tèn pina tounassaon abaï jing njèran nè.

1 Thessalonicienli 5:27

Mè sa bi njaka baï ka bil ling a Nanjou baï kèna takarata aïn hi yindi bon.

Colossienli 3:12

Mono mahana ka njoukouli on ko̱ Ouone mi sane oui tèn kala tou, njoukouli on ko̱ mi tang fofoto, da njoukouli on ko̱ Ouone mi sé hang baï ta, oui bou go̱ro̱ ko̱nassé, pana bil, laou kaouna ka lome, bou mone guè koukoula da vonamboï.

Colossienli 1:22

da kassénaï Christ mi nding da oui mi kon ndo̱ko̱ fal hana jing nè, ka kli‐mone a naïn‐monè ka mboro houl, baï an kème ya oui guè monè tang fofoto, tane bila da ka rongo.

Colossienli 1:12

Oui kaou koukoula hi Baba fènè, ko̱ mi mosso na ma baï yana fèn pélé, mahana ka njou‐lana‐bilaouli an bil takanafèn;

2 Corinthienli 1:7

baï ko̱ name toutou, tokoré ouime yé ba ndo̱ko̱ba to̱ko̱nassé nali, mono on oui ba ndé ndo̱ko̱ba vona go̱ro̱ jing na kéng.

1 Corinthienli 1:2

name pi takarata aïn hi église a Ouone ko̱ mi bi an pou Corinthe, kli on ko̱ Ouone mi wal bi fènè tou, ka bila Christ‐Jésus, ko̱ mi di kli ba njou‐lana‐bilaouli, mabahana jing kli on bon ko̱ mi di ling a Nanjou na Jésus‐Christ manguèl bon, Nanjou akli tèn ama:

Romainli 15:27

Ka babaï, klime ko̱ on bèl mone kli ta, da kli ba njou‐ko̱dali jing kli. Da tokoré mi nding Gentili tèn ba ndo̱ko̱ba fèn a Esprit, dadaon an klime jing bakara hi Juifli jing fèn naïn‐mondi.

Romainli 11:17

Da tokoré mi koung wana ndo̱ko̱kè hanali tou, da mo ko̱ ba di olivier woropa, mi ba mo mbo̱lo̱ jing kli, da mome gui ba mbé saonkè jing kli, da jing nome di olivier on.

Romainli 9:24

Na mini, ko̱ kème ndé di na kéng tane ti ba an wora Juifli ka ho̱ko̱ kli ya, da ndé tèn an wora Gentili kéng.

Saint Jean 20:27

Da afal kème sa hi Thomas: Ndara njangnaran no gui ka bou bil ndo̱ko̱ ni ka ko̱, da mo ndara ndo̱ko̱ gui ka bou bèl hang ni, da tane kaou ka ndouri ya, ka la bilaou.

Apocalypse 18:20

Oui jangndaï baï toulè, mo nonkala, da oui njou‐lana‐bilaouli, da oui njou‐mboro‐pinali, da oui prophèteli. Baï ko̱ Ouone mi wal baï walabaï, no, kon toulè.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

Titili Takarata a Jean ko̱ dé 1:3

fèn on ko̱ name ko̱ tou, ka la tou, mi ko̱ name ndé sa hi oui kéng, baï an oui bon mi tou baï vona ka go̱ro̱ mbéo jing na. Da ka babaï, vona ka go̱ro̱ mbéo na mi na jing ba Baba fènè da jing Goune nè Jésus‐Christ.

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

1 Titili Takarata a Pierre ko̱ dé 3:5

Baï jinguèl tangna fofoto waïnli on ko̱ oli ba Ouone, bou fèn ling akli mahana ka on, ka kaou bo̱ko̱ ndo̱ka wa klili.

Hébreuli 9:11

Da Christ baï ko̱ kème mahanak a zaworo sacrificateur baï bèla fèn on ko̱ nding baï guina; ka mbora tabernacle on ko̱ ba loukoukè honta guédék, bon ko̱ ndo̱ka njoukou mi tane ga nding ya, ko̱ sa ti ba a mèrèn njoukou aïnli on ko̱ mi mosso ya.

Hébreuli 6:20

Da guèl ko̱ Jésus ri baï na mahana ka njou?-?dana mbèlkè da tèn zaworo sacrificateur kambèlè, an mi ma ka mbora Melchisédek.

Éphésienli 3:6

On ko̱ mèran gentili ba njou‐ndo̱ko̱ba yana fèn péléli, da njou‐ndo̱ko̱ba fèn mondi a kli‐mone tèn njou‐ndo̱ko̱ba bina gonjakali jing na ka bila Christ‐Jésus ka mboro bèlabaï,

1 Corinthienli 10:17

Baï na ko̱ mi nyèta, na ba mapa mbéo bo̱l, tèn kli‐mone mbéo bo̱l; baï ko̱ name wal ba mapa on mbéo bo̱l jing hana mbéo mbéo bon.

Saint Jean 17:3

Da yana kambèlè on mono ba, an klime toutou mo, ko̱ mo ba gba Ouone mbéo bo̱l, da mi toutou kè on ko̱ mome pi tou, ko̱ ba Jésus‐Christ.

Pinali a Njou‐Mboro‐Pinali 1:15

Ka séssé o̱kèo̱ Pierre mi ourou siya an wora yindi, ro̱ko̱na njoukouli on ko̱ mi ndoï, kli mane ténakè‐mbéo‐faltoulè‐bongkè‐séré, kè sa:

2 Corinthienli 9:13

Baï ko̱ ka mboro léna oui jing bakara on, ouime jone Ouone baï toul bongbaï on ko̱ ouime sa bi kala toul bèlabaï a Christ, da baï toul hina toul ndo̱ko̱ abaï ka laou baï hi kli tèn njoukouli bon;

Hébreuli 3:12

Oui pèng mone baï yindi, baï béké go̱ro̱ ndingna ka ndouri mi na jing njoukouna mbéo an woro baï ya, ko̱ ourou an mona Ouone ko̱ yan.

Hébreuli 7:28

Babaï, baï guingna mi di njoukouli ba zaworo sacrificateurli da kli‐mone kli mi na hèfèrè; da jing baïnjaka a lounafèn on ko̱ tong guingna, same Goune on fènè ko̱ bi nè guédék kambèlè.

Hébreuli 9:15

Da baï on kè ba njou‐vonabaï baï to̱ko̱na féké bina gonjaka an none hana baï njoukou mbéo mi hou, baï chona séla guingnali on ko̱ klime nding an bo̱ko̱ titili bina gonjaka an none hana, mono on kli on ko̱ kème di kli mi ma baï jingna bina gonjaka a fèn yanapélé kambèlè.

Hébreuli 10:19

Mono yindi na ma baï rina guèl tangna fofoto tane waou, ka mboro séme a Jésus.

Hébreuli 10:23

dadaon an name ba pou baï a tounassaon a oliya na, mono on, an mi lang ya, baï ko̱ kè on ko̱ bi gonjaka hi na ba lodok.

Hébreuli 13:22

Mè wara oui yindi, oui laïbi jing mi ka la baïnjaka warafèn; baï ko̱ mème dé takarata hi oui gounfènakè ka baïnjaka nyèta ya.