Hébreuli 2:3 - Féké Testament 1947

³ Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

Hébreuli 2:3 ပူးပေါင်းရင်းမြစ်များ

Hébreuli 12:25

Oui pèng mone baï bèlta an ouime pong kè on ya, ko̱ mi sa baï. Baï tokoré kli on ma baï ngouna ya, ko̱ kli pong kè on ko̱ wara kli an koukoula, na ma baï ngouna kè on ko̱ na pong nè ko̱ wara na an nonkala mahana ka fèn lé?

Romainli 2:3

Mo kèrè fal mono, o njoukou, mo on, ko̱ wal baï hi kli on ko̱ nding fèn aïnli, da mo fèno mi ndé nding fèn aïnli mabahana kéng, yé mo ma pènrèn walabaï a Ouone dé?

Hébreuli 5:9

Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

Pinali a Njou‐Mboro‐Pinali 4:12

Da yana‐baï‐toul tane ti bila njoukou aféké ya, baï ko̱ ling aféké an bo̱ko̱ nonkala tane tiya ko̱ hi an jéng an njoukouli ko̱ ma kou na.

Hébreuli 4:11

Mono on, dadaon an name nza mborokè baï kana guèl yanatana on, an njoukouna mi lé ya, ka mboro séna fal mbé mèrènkè a kli on ko̱ kaou ka ndouri jinguèl.

Hébreuli 1:2

Da afal ka name o̱kèo̱, kè sa hi na ka bila Goune nè, kè on ko̱ Ouone same baï yana pélé a fènli bon, da kè ndé mosso koukoula bon ka mboro nè kéng.

Saint Luc 1:2

mahana ko̱ klime sa hi na, kli on ko̱ ba njou‐sana bongbaïli ko̱ mi ko̱ko̱ ka none kli jinguèl ka titilikè, da ba njou‐bakarali a baïnjaka;

Apocalypse 7:10

Da kli bouka béta guè siya, ka sa: Yana‐baï‐toul a Ouone na ko̱ mi kaou toul kangala njaka bara on, da a Goune badoua.

Tite 2:11

Baï ko̱ ndingna mbo̱l a Ouone mi bi nonkè kala tou ko̱ mi gui jing yana‐baï‐toul hi njoukouli bon,

1 Timothée 1:15

Baïnjaka aïn mi na lodok, da mi ma an njoukouli bon mi ya, ko̱ Christ‐Jésus mi gui koukoula aïn baï yana baï toula njou‐békéfènli, da ko̱ mème ba titili njou‐békéfèn an woro kli.

Saint Matthieu 23:33

Oui choïli, oui mèran a béké choïli; yé oui ngou barabaï a guèl hèlè mahana ka fèn lé?

Hébreuli 4:1

Mono on, dadaon an name nding waou, baï ko̱ Ouone mi bi gonjaka hi na baï an name kan guèl yanatana nè, an njoukouna an woro baï mi tane pènrèn bina gonjaka on ya.

Pinali a Njou‐Mboro‐Pinali 2:22

Oui njoïli an Israël, oui la baïnjaka aïnli! Jésus an pou Nazareth, njoukou aïn ko̱ gui ka Ouone ko̱ kème to̱ko̱ nè bi kala an none baï, ka mboro njèran pinali da fèn sakamli tèn fèn to̱ko̱nakèli on ko̱ Ouone mi nding ka mboro nè an woro baï mahana ka on ko̱ oui fèn baï mi ndé toutou kéng.

Pinali a Njou‐Mboro‐Pinali 1:22

tinassaonkè jing baptême a Jean bo̱l tèn name on ko̱ kème hé sé guè siya an woro na, an zéng akli on, dadaon njoukouna mbéo mi gui ba njou‐sana bongbaï jing na toul tomnahoul amè.

Saint Jean 15:27

Da yé oui ma ndé sa bongbaï ni kéng, baï ko̱ ouime ti kaou jing mi ambèl ka titilikè.

Saint Luc 24:19

Da kè sa hi kli: Fèn ba fèn lé? Da kli féré sa hi nè: Ba baï a Jésus a pou Nazareth, ko̱ ba njèran prophète, ka mboro ndingna fèn, tèn baïnjaka an nona Ouone, tèn nona njoukouli bon,

Saint Marc 1:14

Da afal ko̱ klime bou Jean jo̱bo̱ tou, Jésus mi sé an guèl Galilée, ka sa mboura bèlabaï a Ouone.

1 Thessalonicienli 5:3

Ko̱ klime sa: Go̱ro̱ iki da longna pou, koukoulion fèn bona mi lé toul kli, mahana ka séta bo̱ran mboungna goune ko̱ mi lé toula waïn bil, da klime tane ma baï ngouna ya.

Saint Luc 1:69

Kè hi bèla njèran Njou‐yana‐baï‐toul hi na. An bil voula David, njou‐bakara nè,

Saint Matthieu 4:17

Ka name o̱kèo̱ Jésus tissaon baï sana mboura, ka sa: Oui hèkè békéfèn abaï, baï ko̱ bilkaou a nonkala hèdi tou.

Romainli 11:14

Mono ka touya mè ma zara mèran njou‐naïn monili an klime passèra, da mè ma kou hanali an woro kli.

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

Hébreuli 1:1

Ouone, ko̱ sa ka tang ambèl hi baba nali kon njaka prophèteli, ka saka hanali mbéo mbéo, da ka mboro toutoul.

Hébreuli 1:14

Kli on bon ba espritli ba ndingna bakara hi Ouone, kli on ko̱ Ouone mi pi baï ndingna bakara hi kli, ko̱ yé kli ma ya pélé yana‐baï‐toul ya lé?

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

Titili Takarata a Jean ko̱ dé 1:1

Fèn on ko̱ mi na jinguèl ka titilikè, fèn on ko̱ name la tou, fèn on ko̱ name ko̱ ka nona tou, fèn on ko̱ name ènrèn, ka da ka ndo̱ko̱ na, baï toul Baïnjaka a yana,

Jude 1:17

Da oui on, ko̱ mème sé hang baï nyèta, oui bi hang baï toul baïnjaka on ko̱ njou‐mboro pinali a Nanjou na Jésus‐Christ mi sa jinguèl,