Hébreuli 2:10 - Féké Testament 1947

¹⁰ Baï an kè on ko̱ fènli bon na mbo̱l kè, da fènli bon gui ka mbora mè, baï ko̱ kème ji mira goundi nyèta kan jonafèn, an mi ma an kème nding nanjou yana‐baï‐toul akli mi tèn guédék ka mboro to̱ko̱nassé.

Hébreuli 2:10 ပူးပေါင်းရင်းမြစ်များ

Romainli 11:36

Baï ko̱ fènli bon mi gui ka monè, da fènli bon mi gui ka mboro nè, da fènli bon ba amè. Mi hi jonafèn hi nè, kambèlè! Amen!

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 6:20

Da guèl ko̱ Jésus ri baï na mahana ka njou?-?dana mbèlkè da tèn zaworo sacrificateur kambèlè, an mi ma ka mbora Melchisédek.

Pinali a Njou‐Mboro‐Pinali 5:31

Ouone mi bi ling‐è ti guè siya an mboro wonron ndo̱kè, baï tèna ba zaworo da Njou‐yana‐baï‐toul baï hina njou‐Israël baï hèkèna békéfèn, da baï jingna yèngna bi mboro békéfènli.

Saint Luc 24:46

Da kè sa hi kli: Mahana ka on ko̱ mi dé, yé Christ ma to̱ko̱ssé, ka tome an wora houlkèli ka name an saïkè.

Saint Luc 24:26

On ba baï a Christ, an kème to̱ko̱ssé toul fènli on ka ri sé guè bil jonafèn nè ya lé?

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

1 Corinthienli 8:6

da ama, Ouone ba mbéo bo̱l, ko̱ ba Baba fènè, kè on ko̱ fènli bon mi gui ka monè, da na ba amè, da Nanjou ba mbéo bo̱l ko̱ ba Jésus‐Christ, kè on ko̱ fènli bon mi gui ka mboro nè, da name ndé gui ka mboro nè.

Hébreuli 7:28

Babaï, baï guingna mi di njoukouli ba zaworo sacrificateurli da kli‐mone kli mi na hèfèrè; da jing baïnjaka a lounafèn on ko̱ tong guingna, same Goune on fènè ko̱ bi nè guédék kambèlè.

Éphésienli 3:10

mono on an gangna pouli, da njèranli an guèli an nonkalali mi tou kassénaï ka mbora église, cho̱kna a Ouone toutoul, toutoul,

Apocalypse 4:11

Mo mabongkè Nanjou ama da Ouone ama, baï jingna jonafèn on, da dikna on da njèran on; baï ko̱ mo mosso fènli bon jinguèl tou, da baï ko̱ mome ji mi yé kli mana, da mi mosso tou.

2 Tim 2:10

Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

Colossienli 3:4

Ko̱ Christ ko̱ ba yana na mi tèn, mono on, yé oui ma ndé tèn jing nè ka jonafèn kéng.

Galateli 3:26

Baï ko̱ oui bon ba goundi a Ouone ka mboro tounassaon ka bila Christ‐Jésus.

2 Corinthienli 3:18

Da na bon ko̱ voile mi tane goukou bi nona ya, name ko̱ jonafèn a Nanjou mahana ka njoukou on ko̱ mi ko̱ an bil tatara, da name komo tèn ba tétéme mabahana jing jonafèn ko̱ kan jonafèn mabahana ko̱ mi kan ka Nanjou Esprit fènè.

Romainli 9:23

da tokoré kème ji baï to̱ko̱na nguèra jonafèn nè kon toul ili haïo on, ko̱ kème badi da mbo ka tang ambèl baï toul jonafèn ya lé?

Pinali a Njou‐Mboro‐Pinali 3:15

Da ouime i Zaworo a yana tou, kè on ko̱ Ouone mi tome nè an wora houli, da na ba njou‐sana bongbaï toul baï on.

Apocalypse 7:9

Da afal fèn aïnli, mè ko̱ da mono, njoukouli ro̱ko̱ta ko̱ njoukou mbéo tane ma baï kèna kli ya, kli gui ka pime pouli, njoukouli bon, kadouk bon, da mèran njoukouli toutoul bon, da ka njakabaïli bon. Kli o bèl kangala njaka bara da mona Goune badoua, kli bou pouki la da kli ba di ndèng‐è an ndo̱ko̱ kli.

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

1 Titili Takarata a Pierre ko̱ dé 1:12

Mi to̱ko̱ hi kli on, ko̱ on ti ba baï akli fèn kli ya, da ba baï abaï ko̱ klime nding bakara fèn aïnli, ko̱ kassénaï kli on ko̱ sa mboura bèlabaï mi sa hi oui tou, ka bila Saint‐Esprit ko̱ kè pi ka nonkala, da fèn on ko̱ angeli mi bi hang kli baï ko̱na saonkè.

Hébreuli 7:26

On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

Éphésienli 2:7

Baï an kème to̱ko̱ kakaïya nguèra ndingna mbo̱l nè ka sakali on ko̱ mi nding baï guina ka mboro pana bilè jing na ka bila Christ‐Jésus.

2 Corinthienli 6:18

Da mè ma tèn ba Baba abaï, Da yé oui ma tèn ba goune wonron nili tèn goune waïn nili, Nanjou Njèran‐honta‐bon mi ko̱ sa.

2 Corinthienli 5:18

Da fènli on bon mi gui ka ba mona Ouone, kè on ko̱ mi nding na baï ko̱na ndo̱ko̱ na fal hana jing nè mbo̱l Christ, da kème hi bakara ko̱na ndo̱ko̱ fal hana hi na.

2 Corinthienli 4:17

Baï ko̱ goune lélé to̱ko̱nassé na kassénaï païn on mi lé kilo a jonafèn kambèlè nyèta maïya guèbambèl hi na,

1 Corinthienli 2:7

da name sa ba mboura cho̱kna Ouone jing didissi, da cho̱kna on ko̱ mi mou ka tang ambèl jinguèl, da ko̱ Ouone mi badi ka tang ambèl jinguèl hi sakali bon baï toul jonafèn na,

Saint Jean 19:30

Da mono, afal ko̱ Jésus mi njo fona‐mbi‐lénadi on tou, kè sa: Fènli bon o̱tou, ka ding toulè guè tiya da féré hi esprit nè.

Saint Jean 11:52

Da tane ti ba baï pime pou aïn ho̱kè ya; da mono baï an kème ndoï goundi a Ouone bon on ko̱ mi yaïli manguèl toutoul ba mone mbéo.

Saint Luc 13:32

Da kè sa hi kli: Oui sé ka sa hi guè on: Ko̱, mè ni zabololi da haï mona njou‐jangmali kassénaï da yépélé, da name a saïkè mè nding fèn nili o̱tou.

Saint Luc 2:14

Jonafèn hi Ouone an nonkala an sèkèrè guèl ndèk. Da go̱ro̱ iki an koukoula an wora njoukouli ko̱ kème ko̱ kli bèl monè ta!