Hébreuli 12:3 - Féké Testament 1947

³ Baï on, oui bi laou baï toula kè on ko̱ bou toulè bil fanabaï a njou‐békéfènli an bèl monè, mahana on an njèran abaï mi tane o̱ ya, da laou baï mi tane loï ya.

Hébreuli 12:3 ပူးပေါင်းရင်းမြစ်များ

Galateli 6:9

An name tan baï ndingna bèlafèn ya; baï ko̱ namkè mi mafalkè, yé na ma lourou tokoré name laïbi.

2 Corinthienli 4:16

Mono baï on, name tane ga bi hang na guè siya ya, da tongna ko̱ njoukou a kala mi bo, njoukou an bilkè mi kaïn tèn ba fékékè name bon name bon.

Apocalypse 2:3

Da mo laïbi da mo to̱ko̱ssé baï toul ling ni, da mo tane ga gui tan ta ya.

1 Corinthienli 15:58

Mono, yine nili ko̱ mème sé hang baï ta, oui kaou wang, an fèna mi lang oui ya, oui taïnkon jing ndingna pina a Nanjou guèbassoko, baï ko̱ ouime toutou ko̱ bakara abaï mi tane ga na bo̱on ya, ka bila Nanjou.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

2 Corinthienli 4:1

Mono on, baï ko̱ name kaou jing bakara on, mahana ka on ko̱ name jing haïo, name joung hang na.

Saint Jean 5:16

Baï toul baï on Juifli mi sène Jésus, baï ko̱ kème nding fèn aïnli ka ba name sabbat.

Hébreuli 12:5

Da oui yangnaran warafèn on ko̱ mi sa ba oui mahana ka goundi. Goune, ni mo pong wana a Nanjou ya; Da laou‐o̱ mi loï ya ko̱ kème ba baï hi mo;

Saint Luc 14:1

Da baï mi gui mahana ka on, ka name sabbat hana, ko̱ Jésus mi sé an bil voula zaworo mbéo a pharisienli baï sona laka, kli ènrèn nè wongnonli.

2 Thessalonicienli 3:13

Da baï abaï, yindi, oui tane tan jing ndingna bèlafèn ya.

Saint Jean 18:22

Da ko̱ kème sa baï on tou, hana mbéo an zéng kabitali ko̱ mi o diya an bèl monè, mi o̱ Jésus ka ndo̱kè, ka sa: Mo féré baï mahana on hi zaworo sacrificateur lé?

Saint Jean 8:52

Juifli mi sa hi nè: Kassénaï na toutou ko̱ mome kaou jing zabolo. Abraham da prophèteli mi hou jinguèl tou; da mome sa: Tokoré njoukouna ko̱ mi pèng bong baïnjaka ni, yé kè ba ko̱na houl tane tiya kambèlè.

Saint Jean 8:59

Roko baï aïn klime bi kone baï wouna nè rou; da Jésus mi mou monè, ka tèn an bil temple.

Saint Jean 8:13

Baï toul baï aïn, pharisienli mi sa hi nè: Mo fèno mi sa bongbaï no; da bongbaï no on mi tane ga ti ba babaï ya.

Saint Jean 7:12

Da rokè njoukouli fa baï nyèta jing hana baï toulè. Hanali mi sa: Kè ba bèla njoukou. Afékéli mi sa: Haï tane ti on ya, kè ba njou‐mongna njoukouli ro̱ko̱ta.

Saint Luc 16:14

Da pharisienli ko̱ hang kli mi na toul mbori ta mi la fènli on, da kli saka nè.

Saint Luc 15:2

Da pharisienli tèn njou‐to̱ko̱na bong guingnali séré bon mi gnonronfèn, ka sa: Njoukou aïn pame njou‐békéfènli da son jing kli.

Saint Luc 5:21

Da njou‐to̱ko̱na bong guingnali tèn pharisienli on tissaon baï kèra an bo̱ko̱ go̱ro̱ kli, ka sa: Njoukou aïn ba guè da poukou ba Ouone dé? Guème ko̱ ma baï yèngna bi mboro békéfèn, wara Ouone ka ho̱kè ya lé?

Saint Luc 2:34

Da Siméon mi same kli, ka sa hi Marie, ma Jésus: Mo ko̱, baï an Goune aïn, yé njoukouli nyèta an Israël, ma lé ka kaïn ourou siya ba aféké, da kè ma tèn ba fèn to̱ko̱nakè ko̱ ma joukourou njoukouli da kli ma na bil hana,

Saint Matthieu 22:15

Da pharisienli sé da bakèdakè jing hana, baï rou?-?koudia Jésus an kème pènrèn njaka.

Saint Matthieu 21:46

Da ko̱ klime nza mborokè baï bana nè; kli waou rokè njoukouli, baï ko̱ klime ko̱ nè mahana ka ba prophète.

Saint Matthieu 21:23

Da ko̱ Jésus mi gui an bil temple, loukou sacrificateurli tèn tangchidoli a njoukouli guè monè, ko̱ kè pane to̱ko̱na fèn, kli sa: Mo nding fèn aïnli ka ba ling a guè lé? da guème ko̱ sa bi njako̱ lé?

Saint Matthieu 15:2

Baïfèn da njou‐séna bong noli mi moungnourou tang baï a tangchidoli lé? Baï ko̱ klime tane ga tourou ndo̱ko̱ kli ya ko̱ klime yé sona laka.

Saint Matthieu 12:24

Da ko̱ pharisienli mi la baï on, kli sa: Njoukou aïn mi ni zabololi tèn kala ya, bo̱l ba ka njèran Béelzébul ko̱ ba zaworo zabololi.

Saint Matthieu 11:19

Da Goune a njoukou mi gui kè son fèn ka njo, da kli sa: Oui ko̱ njoukou aïn ko̱ son laka ta, da njo vin ta, ka ba bako̱la jing njou‐mangna l’impôtli da njou‐bèkèfènli. Pina a cho̱kna bon sa baï toul cho̱kna ko̱ mi na guédék.

Saint Jean 9:40

Ko̱ pharisien hanali on ko̱ kaou jing nè mi la baïnjaka aïn, kli sa hi nè: Na ba foukoura kéng lé?

Saint Jean 10:20

Njoukou hanali nyèta an woro kli mi sa: Kè jing zabolo da kè ba ngawa, baïfèn da ouime la baï nè lé?

1 Titili Takarata a Pierre ko̱ dé 2:23

Kè on ko̱ klime poukou nè da kè tane féré poukou kli ya, ko̱ kè mi to̱ko̱ssé, kè tane ga féré to kli ya, da hi monè hi kè on ko̱ mi wal baï guédék;