Hébreuli 12:2 - Féké Testament 1947

² Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 12:2 ပူးပေါင်းရင်းမြစ်များ

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

Philippienli 1:6

Go̱ro̱ ni mi iki toul fèn aïn baï kè on ko̱ mi tissaon bèla pina aïn an bil baï, yé kè ma nding fèn aïn guédék bo̱l tèn name a Jésus‐Christ.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

Saint Jean 6:40

Baï kaouna mara fal toula Baba mono, njoukouli on bon ko̱ mi ko̱ Goune nè, da la bilaou‐è ma jing yana kambèlè; da mè ma tome nè ka sèkèrè name.

1 Titili Takarata a Pierre ko̱ dé 3:22

kè on ko̱ makaou mboro wonron ndo̱ka Ouone baï ko̱ kème hé sé nonkala tou, da kè bou angeli da nanjoukaouli da njèranli baï kaouna bo̱ko̱ ndo̱kè.

Pinali a Njou‐Mboro‐Pinali 5:31

Ouone mi bi ling‐è ti guè siya an mboro wonron ndo̱kè, baï tèna ba zaworo da Njou‐yana‐baï‐toul baï hina njou‐Israël baï hèkèna békéfèn, da baï jingna yèngna bi mboro békéfènli.

Saint Luc 24:26

On ba baï a Christ, an kème to̱ko̱ssé toul fènli on ka ri sé guè bil jonafèn nè ya lé?

Jude 1:21

Oui pèng mone baï an bil sénahang a Ouone, ka voro ndingna haïo a Nanjou na Jésus‐Christ baï yana kambèlè.

Hébreuli 8:1

Da saou baï on ko̱ na sa ba on: Na makaou jing zaworo sacrificateur, ko̱ kaou mboro wonron ndo̱ko̱ kangala njaka bara a Gangna a Ouone an nonkalali.

2 Tim 4:8

Afal, kassénaï on mi pèng mbélé couronne a guédék bi koro mi, ko̱ yé Nanjou njou‐walabaï guédék ma hi mi ka name o̱kèo̱, da tane ti ba mè ka ho̱ko̱ ni ya da ba kli bon on ko̱ mi ndé sé hang guina nè kéng.

Philippienli 3:20

Da bil goto pou na mana an nonkala, ko̱ name voro Njou‐yana‐baï‐toul Nanjou Jésus‐Christ an ndourou.

Saint Marc 14:36

Da kème sa: Abba, Baba, mo mabong fènli bon, mo ya kopo aïn guèfal hi mi! Da tane ti ba baï kaouna mara fal touli fèni ya, da ba baï kaouna mara fal toulo̱.

Apocalypse 2:8

Da mo dé takarata aïn hi ange a église a Smyrne: Kè ka titilikè, da kè ka sèkèrèkè, kè on ko̱ hou jinguèl, da féré yan ba aféké, kè sa fènli on.

Hébreuli 13:13

Baï on dadaon an name tèn kala baï séna monè an kala an guèl ndoïna an name bou toula chonron on ko̱ mi gui toulè.

Hébreuli 5:9

Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

Saint Jean 13:3

Jésus toutou baï ko̱ Baba mi hi fènli bon bi ndo̱kè tou, da kème ourou gui ka mona Ouone, da kaïn féré sé guè mona Ouone,

Saint Luc 17:5

Da njou‐mboro‐pinali mi sa hi Nanjou: Mo taïn tounassaon kon hi na an mi guèbambèl.

Saint Marc 9:24

Koukoulion baba a goune on mi wan njaka, ka sa: Mè la bilaou! lémbèl ndingna ka ndouri ni!

Hébreuli 12:3

Baï on, oui bi laou baï toula kè on ko̱ bou toulè bil fanabaï a njou‐békéfènli an bèl monè, mahana on an njèran abaï mi tane o̱ ya, da laou baï mi tane loï ya.

Éphésienli 2:16

Mono on, an kème ndé ndo̱ko̱ kli séré bon kon fal hana jing Ouone jing kli‐mone mbéo ka mboro di‐croix, baï ko̱ kème i baï ènran none hana jèkèdè ka mboro on.

Pinali a Njou‐Mboro‐Pinali 5:41

Da klime tèn kala an mona njou‐walabaïli jing jangnandaï maïya, baï ko̱na kli mapélékè baï to̱ko̱nassé chonron baï toul ling a Jésus.

Saint Jean 12:32

Da mè, tokoré klime haka mi guè siya an koukoula, yé mè ma lang njoukouli bon gui moni.

1 Titili Takarata a Pierre ko̱ dé 1:11

Da kli koro ka nza baï aïn ba fèn, maléba namkèli ba fèn ko̱ Esprit a Christ on ko̱ na bil kli mi to̱ko̱ baï on, ko̱ kè sa bongkè ka kome jinguèl toul to̱ko̱nassé a Christ, da jonafèn ko̱ ma tèn afal.

Hébreuli 10:14

Baï kè ka mboro sacrifice mbéo, kè mosso kli gui guédék kambèlè, kli on ko̱ kè wal kli bi baï nè fènè.

Saint Jean 12:24

Babaï, babaï, mi mè sa hi oui, tokoré mèrèn mapa mi lé koukoula, da tane ga hou ya, kè na ho̱kè; da tokoré kème hou tou, kè lé lénakè nyèta.

Saint Jean 8:56

Abraham, baba baï, mi jangndaï nyèta baï ko̱ kè ma baï ko̱na name ni; da kème ko̱ jinguèl tou, da jangndaï nyèta.

Saint Jean 1:29

Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa.

Saint Luc 23:11

Da Hérode kira tourougou nèli mi jèk nè, ka gaï nè, da bou bèla la ko̱ mi o̱ta hi nè, da Hérode mi féré pi nè hi Pilate.

Saint Matthieu 20:28

mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

Saint Matthieu 16:21

Da ka name o̱kèo̱, Jésus mi tissaon baï to̱ko̱na hi njou‐séna bong nèli, on ba baï nè baï séna guè pou Jérusalem da tangchidoli da loukou sacrificateurli tèn njou‐to̱ko̱na bong guingnali ma to̱ko̱ssé hi nè, ka i nè, da name an saïkè kè ma tome an houl.

Apocalypse 1:17

Da ko̱ mème ko̱ nè, mè lé bou mbèlè, mahana ka njoukou ko̱ mi hou tou. Da kè goukou wonron ndo̱kè touli, ka sa: Mo ngou waou ya! Mè ba titilikè da sèkèrèkè bon,

Apocalypse 1:11

mi sa: Fèn on ko̱ mome ko̱ mo dé an takarata, da mo pi on hi égliseli difala‐séré on, hi Éphèse, da hi Smyrne da hi Pergame, da hi Thyatire, da hi Sardes, da hi Philadelphie, da hi Laodicée.

Hébreuli 7:19

Baï guingna tane ga mosso fèna mbéo guédék ya, da kè bourou njaka mboro a oliya ko̱ bèl honta, da bo̱l on mi na guè mona Ouone.

Hébreuli 1:13

Hana mbéo an angeli ko̱ kème sa ka name hana jinguèl lé: Mo kaou an mboro wonron ndo̱ko̱ ni, Bo̱l ko̱ mème mosso bakèlio̱ jing mo ba fèn ndana ka bo̱ko̱ no lé?

Pinali a Njou‐Mboro‐Pinali 2:36

Mono on, an oui njoukouli bon an voula Israël mi toutou ka babaï, ko̱ Ouone mi hi Jésus aïn ko̱ ouime bara nè bi di‐croix tèn ba Nanjou da Christ.

Saint Marc 9:12

Da kème sa hi kli: Ka babaï yé Élie ma ti gui ti dambèl, da féré rèk fènli bon mahana ka tang ambèl. Da mahana ka on ko̱ mi dé baï toula Goune a njoukou, ko̱ yé kè ma to̱ko̱ssé jing fènli nyèta, da yé kli ma aili nè lé?

Apocalypse 1:8

Mè ba Alpha da Oméga, Nanjou, Ouone mi sa, kè on ko̱ mi yé, da kè ko̱ yé jinguèl, da kè on ko̱ ma gui o, Njèran‐honta‐bon.

Hébreuli 11:36

Da mi nza afékéli ka mboro gaïna kli, ka jo̱ kli jing baraza, ii, on ko̱ mi ta ka yèng kli an bil sal réme da jo̱bo̱ kéng.

Hébreuli 10:33

Ka mboro lèkè mbéo, mi nding oui ba fèn on ko̱ njoukouli mi gui baï ko̱na guèl kèkèna oui, da baï ndingna fèn go̱ro̱ séta hi oui, da aféké an mboro lèkè oui tèn ba ndo̱ko̱ba akli ko̱ njoukouli mi nding mahana on hi kli.

Saint Marc 16:19

Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Pinali a Njou‐Mboro‐Pinali 3:15

Da ouime i Zaworo a yana tou, kè on ko̱ Ouone mi tome nè an wora houli, da na ba njou‐sana bongbaï toul baï on.

1 Corinthienli 1:18

Baï ko̱ sana mboura toul di‐croix ba fèn ngawa jing kli on ko̱ mi limna; da ama ko̱ mi kou tou on ba njèran a Ouone.

1 Corinthienli 1:23

da ama, name sa mboura Christ mi bara bi di‐croix; baï a Juifli ba fèn bèna, da baï a Gentili ba fèn ngawa,

TAKARATA A JACQUES KO̱ DÉ 2:1

Yine nili, oui tane pèng tounassaon a Nanjou na Jésus‐Christ da Nanjou a jonafèn ka ba mboro dikna njoukou ta hana ya.

Saint Marc 15:28

Mono on an tènrèn none Takarata a Ouone mi tèn kala ka babaï: Kli ndé kèn nè mabahana jing njou‐séla guingnali.