Hébreuli 10:5 - Féké Testament 1947

⁵ Baï on ko̱ Christ mi gui koukoula aïn, kè sa: Mo ji sacrifice da toul ndo̱ko̱ ya, Da mo mosso kli‐mone hi mi tou;

Hébreuli 10:5 ပူးပေါင်းရင်းမြစ်များ

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Hébreuli 1:6

Da aféké, ko̱ kème mboung boutaïn goune an koukoula aïn, kè sa: Dadaon an angeli a Ouone bon mi hiou nè!

Hébreuli 10:7

Da mè sa: Mono, ko̱ mè gui tou, Kè sa baï touli an bil takarata on ko̱ ka, Baï kaouna mara fal toulo̱, o Ouone.

Hébreuli 2:14

Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

Hébreuli 10:10

Ka mboro kaouna mara fal toulè kè sane na bi kala baï nè fènè, mbo̱l sacrifice a kli‐mona Jésus‐Christ, bo̱ko̱ mbéo baï kambèlè.

Galateli 4:4

Da ko̱ namkè mi mabongkè tou, Ouone mi pi Goune nè gui koukoula ko̱ waïn mi mboung nè, da kème tèn an bo̱ko̱ guingna.

2 Jean 1:7

Da kassénaï njou‐rongna njoukouli nyèta sé an bilkaou koukoula aïn, kli on ko̱ tane sa bi kala ko̱ Jésus‐Christ mi gui ka naïn‐mone ya. On ba njou‐mongna njoukouli da antichrist.

Hébreuli 8:3

Baï ko̱ kè bi zaworo sacrificateur mbéo mbéo bon baï hina toul ndo̱ko̱li da sacrificeli; mono baï on, dadaon an zaworo sacrificateur on mi ndé hi fèn a sacrifice kéng.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Saint Luc 1:35

Ange mi féré sa, ka sa hi Marie: Saint‐Esprit ma gui to̱ulo̱, da tétéme njèran a Sèkèrè Guèl Ndèk ma goukou mo. Mono baï on ko̱ mo ma bi ling a Tangna‐fofoto fèn on ko̱ mo ma mboung nè ba Goune a Ouone.

Saint Matthieu 11:3

ka sa hi nè: Mo mini ko̱ mi gui, maléba name voro njoukou aféké lé?

Saint Luc 7:19

Da Jean mi di njou‐séna bong nèli séré ka pi kli guè mona Nanjou baï ouina nè, ka sa: Mo mini ko̱ mi gui, maléba name voro njoukou aféké lé?

Hébreuli 5:7

Kè on ka name a naïn‐monè, ko̱ kème hiou Ouone ka sa jo̱jo̱ nyèta ka lé léou guè siya mingta ka mbiléou hi nè, ko̱ ma baï kouna nè an guèl houl, da ko̱ Ouone la nè, baï ko̱ kè ngou waou nonè.

Hébreuli 10:8

Mahana ko̱ kè sa jinguèl: Mo tane ga ji bo̱ko̱kè jing sacrificeli da toul ndo̱ko̱li ya. Da toul ndo̱ko̱li on ko̱ klime choung ka hèlè bon da sacrificeli baï a bèkèfèn. Da an ndourou mo tane ga ko̱ bèl mono ya. Fèn on ko̱ klime hi ka mboro guingna.