Hébreuli 1:2 - Féké Testament 1947

² Da afal ka name o̱kèo̱, kè sa hi na ka bila Goune nè, kè on ko̱ Ouone same baï yana pélé a fènli bon, da kè ndé mosso koukoula bon ka mboro nè kéng.

Hébreuli 1:2 ပူးပေါင်းရင်းမြစ်များ

1 Corinthienli 8:6

da ama, Ouone ba mbéo bo̱l, ko̱ ba Baba fènè, kè on ko̱ fènli bon mi gui ka monè, da na ba amè, da Nanjou ba mbéo bo̱l ko̱ ba Jésus‐Christ, kè on ko̱ fènli bon mi gui ka mboro nè, da name ndé gui ka mboro nè.

Saint Jean 1:3

Kème ko̱ mosso fènli bon tou, da fèna tane ga ti baï ndingnakè tane nè ya.

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Saint Jean 13:3

Jésus toutou baï ko̱ Baba mi hi fènli bon bi ndo̱kè tou, da kème ourou gui ka mona Ouone, da kaïn féré sé guè mona Ouone,

Saint Matthieu 17:5

Da ko̱ kème pane sana baï on, yiri mbame on mi gui ka goukou toul kli ko̱ mi cha ta. Da mono, bounaka mi ba gui ka bil yiri mbame on, ka sa: Kè on ba Goune ni ko̱ mème sé hang‐è nyèta, ko̱ mi bi wélé touli ta: oui la nè!

Hébreuli 11:3

Ka mboro tounassaon na toutou ko̱ kè mosso koukoula bon tou ka baïnjaka Ouone, mono on, fènli on ko̱ njoukou mi ko̱ tane ga nding ya, ka fènli on ko̱ nona njoukouli mi ko̱.

Romainli 8:17

Da tokoré na ba goundi a Ouone, na ba goune yana fèn péléli; goune yana fèn péléli a Ouone, da ndo̱ko̱ba yana fèn péléli jing Christ; tokoré name ndé to̱ko̱ssé jing nè, mono on, na ma ndé ya jonafèn mabahana jing nè kéng.

Saint Jean 3:16

Baï ko̱ Ouone sé hang an njoukouli ta mi ko̱ kè hi pomboï Goune nè, njoukou ko̱ mi la bilaou‐è kè ma limna ya, yé kè jing yana kambèlè.

Saint Matthieu 26:63

Da Jésus mi kaou ka njakè. Da zaworo sacrificateur sa hi nè: Mè lou fèn ka ling a Ouone ko̱ yan, mo sa hi na, tokoré mome ba Christ, Goune a Ouone.

Saint Matthieu 21:38

Da ko̱ njou‐ko̱ra wakali mi ko̱ guina a goune, kli kang jing hana: Kè on ba njou‐yana pélé; oui gui an name i nè, ka fan fèn pélé nè bon.

Hébreuli 5:8

Tongna ko̱ kè ba Goune, kè tou baï lana baï an bil fèn on ko̱ kème to̱ko̱ssé an ndourou.

Éphésienli 1:10

baï wéra none pina onatoul bi kala ko̱ namkè mi mafalkè tou, baï mangna fènli bon ka bila Christ, fènli an nonkalali tèn fènli an koukoula, ka bilè.

Hébreuli 7:3

Kè tane ti jing baba da ma ya, baï tangko nèli tiya, name mboungna nè tane tiya, da sèkèrè yana amè tane tiya, da mi mosso nè mahana ka Goune a Ouone, kè kaou ba sacrificateur kambèlè.

Hébreuli 2:3

Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

Hébreuli 1:5

Hana mbéo an angeli ko̱ Ouone mi sa ka name hana jinguèl lé: Mo ba Goune ni, Kassénaï mè mboung mo tou? Da aféké: Yé mè ba baba nè, da kè ba Goune ni lé?

Éphésienli 3:9

da baï wéra nonkè bi kala an njoukouli bon mi ko̱ fèn on ko̱ ba onatoul pina a didissi fèn on ko̱ mi mou jinguèl mane sakali maïya an bila Ouone, kè on ko̱ mi mosso fènli bon,

Galateli 4:4

Da ko̱ namkè mi mabongkè tou, Ouone mi pi Goune nè gui koukoula ko̱ waïn mi mboung nè, da kème tèn an bo̱ko̱ guingna.

Pinali a Njou‐Mboro‐Pinali 10:36

Baïnjaka on ko̱ kème pi hi goundi a Israël baï sana mboura bèlabaï a ikina go̱ro̱ ka mbora Jésus‐Christ, kè on ko̱ ba Nanjou a njoukouli bon.

Saint Jean 15:15

Kassénaï mè ba dina oui ba koïli ba aféké tane tiya, baï ko̱ koï mi tane ga tou fèn on ko̱ nanjou nè mi nding ya; da mè di oui ba bako̱lali, baï fènli bon on ko̱ mème la an mona Baba ni, mè to̱ko̱ hi oui tou.

Jude 1:18

ko̱ klime sa hi oui: Ka sèkèrè name yé njou‐gaïna njoukouli makaou, kli sé fal nzala akli ko̱ pong Ouone.

Romainli 1:4

Kè on ko̱ mi badi ba Goune a Ouone, jing njèran ka bong esprit a tangna fofoto go̱ro̱, ka mboro tomnahoulkè an wora houli, Jésus‐Christ Nanjou na,

Pinali a Njou‐Mboro‐Pinali 2:17

Ouone mi sa: Ka sèkèrè name, ba yé mè mèn Esprit ni kon toul naïn‐mone bon; Da goune wonron baïli tèn goune waïn baïli ma to̱ko̱ bong njaka Ouone, Da bala goune baïli ma ko̱ fèn mahana ka lo̱la, Da hona njoukou baïli ma lo̱l nyèta.

Saint Jean 17:2

mahana yé baï ko̱ mome sa bi njakè toul naïn mone bon, baï an kème hi yana kambèlè hi kli on bon ko̱ mome hi kli hi nè tou.

Saint Jean 16:15

Fènli bon an ndo̱ka Baba ba ami; mono baï on ko̱ mème ti sa hi oui ambèl, yé kè ma ya fèn ko̱ ba ami, ka sa bongkè hi oui.

Saint Marc 12:6

Mono on garakè mi pane mbéo bo̱l jing nè, ko̱ ba goune wonron nè pomboï mbéo on ko̱ kème sé hang‐è nyèta. Kème pi nè ka sèkèrèkè guè mone kli, ka sa ba: Yé kli ma dik goune ni.

Saint Marc 1:1

Titili bèlabaï a Jésus‐Christ Goune a Ouone.

2 Pierre 3:3

Baï ko̱ ouime toutou on ambèl ka sèkèrè namkèli yé njou‐gaïna fènli ma tèn baï mongna fèn, ka sé fal mboro dodok nzala mone kli,

Hébreuli 1:8

Da kè sa hi Goune on: Kangala njaka bara mo, o Ouone makaou kambèlè, Da di sceptre a bilkaou no da di sceptre a guédék.

Hébreuli 9:26

maléba on ba baï nè an kème to̱ko̱ssé bo̱ko̱ nyèta jinguèl ka titili mossona koukoula bo̱l tèn kassénaï, da kassénaï on ka sèkèrè sakali bon kè tèn bo̱ko̱ mbéo bo̱l kambèlè baï ko̱na békéfèn pa, ka mboro hina naïn‐monè fènè mahana ka sacrifice.

Saint Jean 3:25

Da njou‐séna bongli a Jean mi njaka jing Juif hanali baï toul dofèn toura a Juifli.

Saint Matthieu 3:17

Da mono, bounaka mi ba gui ka nonkala, ka sa: Kè ba Goune ni, ko̱ mème sé hang‐è nyèta, ko̱ mi bi wélé touli ta.

Saint Matthieu 13:39

da bakèo̱ ko̱ mèn kli ba zabolo; ka name loura mèrèn mapa ba sèkèrè name on a koukoula aïn; da njou‐loura fèn païli ba angeli.

Saint Marc 12:7

Da njou‐ko̱ra wakali mi sa jing hana: Kè on ba njou‐yanapélé; oui gui, an name i nè, ka ya fèn pélé tèn ba ama.

Saint Jean 1:10

Kè makaou jing njou‐koukoulali, da kème ko̱ mosso njou‐koukoulali, da njou‐koukoulali mi tane ga tou nè ya.

Saint Jean 5:26

Baï mahana ko̱ Baba jing yana an bilè fènè, mono mabahana ka on kème ndé hi njèran hi Goune baï kaouna jing yana an bilè fènè kéng.

Saint Jean 5:27

Da kè sa bi njaka Goune baï wala baï bon, baï ko̱ kème ba Goune a njoukou.

Saint Jean 9:29

Na toutou ko̱ Ouone mi sa baï jing Moïse jinguèl; da an njoukou on na tane ga tou guèl on ko̱ kème ourou gui ka ndourou ya.

1 Corinthienli 2:7

da name sa ba mboura cho̱kna Ouone jing didissi, da cho̱kna on ko̱ mi mou ka tang ambèl jinguèl, da ko̱ Ouone mi badi ka tang ambèl jinguèl hi sakali bon baï toul jonafèn na,

Hébreuli 3:6

Da Christ mahana ka goune onatoul voula Ouone, da na on ba voulè, tokoré name ba pouta jing fènli on ko̱ laou na mi na rou, da oliya on ko̱ name jangndaï jing rou, bo̱l go̱ sèkèrèkè.

Hébreuli 4:14

Mono on baï ko̱ na jing loukou zaworo sacrificateur, Jésus, Goune a Ouone, kè on ko̱ ta sé nonkalali tou, dadaon an name ba tounassaon na pou.

Hébreuli 7:28

Babaï, baï guingna mi di njoukouli ba zaworo sacrificateurli da kli‐mone kli mi na hèfèrè; da jing baïnjaka a lounafèn on ko̱ tong guingna, same Goune on fènè ko̱ bi nè guédék kambèlè.

Saint Jean 13:32

Da tokoré Ouone mi ya jonafèn an bilè, Ouone ma hi jonafèn hi nè fènè an bilè, da koukoulion kè ma hi jonafèn hi nè.