Hébreuli 1:14 - Féké Testament 1947

¹⁴ Kli on bon ba espritli ba ndingna bakara hi Ouone, kli on ko̱ Ouone mi pi baï ndingna bakara hi kli, ko̱ yé kli ma ya pélé yana‐baï‐toul ya lé?

Hébreuli 1:14 ပူးပေါင်းရင်းမြစ်များ

Saint Matthieu 18:10

Mè wara oui, an ouime jèk hana mbéo an wora lélé goune aïnli ya; baï ko̱ mè sa hi oui, ange aklili an nonkala mi ènrèn nona Baba ni guèbassoko, ko̱ kaou an nonkala.

Pinali a Njou‐Mboro‐Pinali 27:23

Baï ko̱ ange a Ouone, kè on ko̱ mè ba amè da ndé nding bakara hi nè kéng mi o bèl moni ka hangnachoung aïn,

Pinali a Njou‐Mboro‐Pinali 5:19

Da ange a Nanjou mi bourou njaka mboro voul jo̱bo̱ on ka hangnachoung, da téne kli tèn kala, ka sa:

Pinali a Njou‐Mboro‐Pinali 12:7

Da mono, ange hana mbéo a Nanjou mi tèn gui o bèla monè, da takanafèn mi cha an bil voul jo̱bo̱. Da ange aïn mi bal bèl hang a Pierre ka tome nè, da sa: Mo ourou siya gada. Da sal réme mi ta lé yèlèk guèfal an ndo̱kè.

Saint Luc 1:19

Da ange mi féré sa, ka sa hi nè: Mè ba Gabriel ko̱ o bèl mona Ouone; mè gui ba mboro pina baï sana hi mo, ka to̱ko̱ bèlabaï aïn hi mo.

Saint Matthieu 1:20

Da ko̱ kème pane kèra fal baï on, mono, ange a Nanjou mi tèn gui monè, yé ba lo̱la on, ka sa: Joseph goune a David, waou mi i mo baï yana Marie ka waïn no ya, baï ko̱ bil on ko̱ kème mba ba a Saint‐Esprit;

Saint Luc 16:22

Da baï mi gui mahana ka on ko̱ foïna njoukou on mi hou, angeli mi bi nè sé guè goudi a Abraham. Da nguèra njoukou on mi ndé hou kéng, da kli goro nè.

Pinali a Njou‐Mboro‐Pinali 12:23

Da koukoulion, ange a Nanjou mi wan nè, baï ko̱ kème tane ga hi jonafèn on hi ba Ouone ya, da wali mi laka nè da kème hou.

Saint Luc 2:9

Da mono, ange a Nanjou mi tèn guè mone kli, da jonafèn a Nanjou mi cha gui ki kli. Da waou mi i kli maïya.

Saint Luc 2:13

Da koukoulion ro̱kè wilkè ka nonkala mi tèn gui jing ange aïn, da klime jone Ouone, ka sa:

Saint Matthieu 2:13

Da ko̱ klime sé tou, mono ange a Nanjou mi tèn gui mona Joseph ka lo̱la, ka sa: Mo ourou siya ka bi joï goune tèn ma nè, ka ngou sé guè pou Égypte, da mo kaou soko bo̱lgo̱ ko̱ mème sa hi mo da; baï ko̱ yé Hérode ma nza joï goune aïn baï ina nè.

Tite 3:7

Mono on baï an name gui guédék ka mboro ndingna mbo̱l nè, an name ma baï tèna njou‐yanapéléli ka mboro oliya a yana kambèlè.

Apocalypse 5:6

Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

1 Titili Takarata a Pierre ko̱ dé 1:12

Mi to̱ko̱ hi kli on, ko̱ on ti ba baï akli fèn kli ya, da ba baï abaï ko̱ klime nding bakara fèn aïnli, ko̱ kassénaï kli on ko̱ sa mboura bèlabaï mi sa hi oui tou, ka bila Saint‐Esprit ko̱ kè pi ka nonkala, da fèn on ko̱ angeli mi bi hang kli baï ko̱na saonkè.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

Jude 1:14

Da Enoch mèran difala‐sérékè a Adam ko̱ to̱ko̱ bong njaka Ouone hi kli kéng, ka sa: Mo ko̱ Nanjou fènè mi gui jing wil njou‐tangna fofoto nèli ro̱ko̱ta,

1 Titili Takarata a Pierre ko̱ dé 1:4

baï an name jing fèn yana pélé on ko̱ poume ya, maléba ti dakame ya, da ko̱ tane yéli ya, ko̱ mi pèng nonkala baï abaï.

Hébreuli 6:17

Mono baï on Ouone ji to̱ko̱na guèbambèl ko̱ none badina amè mi na pouta hi njou‐yana péléli a bina gonjakè, kè lou fèn an woro kli.

2 Thessalonicienli 1:7

Da oui on ko̱ mi to̱ko̱ssé, oui kaou pouta mahana ka na, ko̱ Nanjou Jésus mi tèn gui an nonkala jing angeli a njèran nè an bil léme sél hèlè,

Philippienli 2:25

Da mème ko̱ bèlta baï pina Épaphrodite guè mone baï ti dambèl, yine ni da njou‐ndo̱ko̱ba bakara ni da njou‐ndo̱ko̱ba béré ni, da njou‐mboro pina abaï tèn njou‐bakara hi mi.

2 Corinthienli 9:12

Baï ko̱ onabong pina a ndingna bakara on, tane ti ba baï manapélékè jing fènli on ko̱ mi nak njou‐lana‐bilaouli ka ho̱ko̱ kli ya, da mi ndé taïnkon nyèta guèbambèl jing fènli ka mboro kaouna koukoula hi Ouone nyèta kéng.

Romainli 15:27

Ka babaï, klime ko̱ on bèl mone kli ta, da kli ba njou‐ko̱dali jing kli. Da tokoré mi nding Gentili tèn ba ndo̱ko̱ba fèn a Esprit, dadaon an klime jing bakara hi Juifli jing fèn naïn‐mondi.

Romainli 15:16

Mono on, an mème tèn ba njou‐bakara a Christ‐Jésus hi mèran gentili, mahana ka pina sacrificateur, baï sana mboura bèlabaï a Ouone an gentili mi tèn ba offrande on ko̱ mapélékè, baï ko̱ Saint‐Esprit mi ko̱ wal kli bi aï a Ouone.

Romainli 13:6

Baï on, oui ndé hi l’impôt kéng. Baï ko̱ gangna pouli ba njou‐bakara a Ouone baï laïnabi ndingna bong fèn on.

Pinali a Njou‐Mboro‐Pinali 13:2

Da ko̱ klime kaou baï ndingna bakara Nanjou, ka chang laka, Saint‐Esprit mi sa: Oui wal Barnabas da Saul bi ka toul hi mi, baï ndingna pina on ko̱ mème di kli baï ndingnakè.

Pinali a Njou‐Mboro‐Pinali 11:22

Da tiri baï kli mi ti ri souka njoukouli an église on ko̱ kaou an pou Jérusalem, da klime pi Barnabas sé bo̱l tèn pou Antioche.

Saint Luc 1:23

Da baï mi gui mahana ka on, ko̱ name bakara nèli mi mabongkè tou, kème féré sé guè voulè.

Saint Matthieu 24:31

Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

Saint Matthieu 13:41

Yé Goune a njoukou ma pi ange nèli da kli ma mang fènli bon on ko̱ bi fèn bèna, ka kli on ko̱ sél guingna, kon kala an bilkaou nè;

1 Titili Takarata a Pierre ko̱ dé 3:7

Mabahana oui wa‐waïnli oui kaou jing waïn abaïli ka mboro cho̱kna, ka dik waïn mahana ka ili on ko̱ mi njèrèn ya; oui dik kli, ko̱ kli ba ndé njou‐yana pélé ndingna mbo̱l an yana jing oui kéng. Mono on, an fèna mi gui ka dèn hiouna Ouone abaï ya.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

Hébreuli 10:11

Da babaï sacrificateurli bon pane ona name bon baï ndingna bakara da baï hina mbé sacrificeli bo̱ko̱ nyèta ko̱ tane komo ya, fèn on ko̱ mi tane ma baï ko̱na békéfènli pa bo̱ko̱ mbéo ya.

Hébreuli 8:6

Da kassénaï kè jing kakaïya ndingna bakara honta, baï on mi ko̱ kè ba njou‐vonabaï kéng a bina gonjaka an none hana on ko̱ bèl honta, on ko̱ kème bi ka mboro bina gonjaka on ko̱ bèl honta.

Hébreuli 6:12

Mahana on, an ouime kaou pouta ka yèng ya, da nding mahana ka kli on ko̱ ka mbora tounassaon, da ka mboro laïnabi yana pélé bina gonjakali.

Hébreuli 5:9

Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

Philippienli 2:17

Da tokoré mi si mi kon mahana ka offrande, fèn njona an toul sacrifice da ndingna bakara tounassaon abaï, mè kaou ka jangnandaï da ndé wal jing oui kéng.

Éphésienli 3:6

On ko̱ mèran gentili ba njou‐ndo̱ko̱ba yana fèn péléli, da njou‐ndo̱ko̱ba fèn mondi a kli‐mone tèn njou‐ndo̱ko̱ba bina gonjakali jing na ka bila Christ‐Jésus ka mboro bèlabaï,

Galateli 3:29

Da tokoré oui ba a Christ, mono on oui ba mèran Abraham, da njou‐yana péléli ka mboro bina gonjaka.

Galateli 3:9

Da mono on samnafèn ma gui mona njoukouli on ko̱ mi kan tounassaon mahana ka Abraham, kè on ko̱ ba lo̱do̱k.

Galateli 3:7

Mono, oui toutou njoukouli on ko̱ mi kan tounassaon ba goundi a Abraham ka babaï.

Romainli 8:17

Da tokoré na ba goundi a Ouone, na ba goune yana fèn péléli; goune yana fèn péléli a Ouone, da ndo̱ko̱ba yana fèn péléli jing Christ; tokoré name ndé to̱ko̱ssé jing nè, mono on, na ma ndé ya jonafèn mabahana jing nè kéng.

Pinali a Njou‐Mboro‐Pinali 16:26

da koukoulion koukoula mi to̱ maïya, mono bètè voul jo̱bo̱ mi lang bon, da njaka mboro voul jo̱bo̱ mi bourou bon koukoulion, da fènli on ko̱ klime gna njou‐jo̱bo̱li rou mane bon mi sél guèfal.

Saint Matthieu 4:11

Da on zabolo yèng nè. Da mono, angeli mi gui ka nding bakara hi nè.

Saint Marc 10:17

Da ko̱ Jésus mi sé domboro, njoukouna mbéo mi ngou guè monè, ka houkou an mbèlè, ka oui nè: Bèla njou‐to̱ko̱nafèn, yé mè nding ba fèn an mème ya pélé yana kambèlè lé?

Romainli 11:14

Mono ka touya mè ma zara mèran njou‐naïn monili an klime passèra, da mè ma kou hanali an woro kli.

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

Hébreuli 2:3

Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.