Hébreuli 1:1 - Féké Testament 1947

¹ Ouone, ko̱ sa ka tang ambèl hi baba nali kon njaka prophèteli, ka saka hanali mbéo mbéo, da ka mboro toutoul.

Hébreuli 1:1 ပူးပေါင်းရင်းမြစ်များ

Saint Luc 24:27

Da kè tissaon jing Moïse tèn prophèteli bon, baï to̱ko̱na saon baï an guèli bon ko̱ Takarata a Ouone mi sa baï toulè.

Pinali a Njou‐Mboro‐Pinali 2:30

Mono on, baï ko̱ kè ba prophète, da kème toutou ko̱ Ouone mi bi gonjaka hi nè ka serment, yé kè ma hi njoukou mbéo ka mèrèn nè, baï kaouna toul kangala njaka bara nè,

Saint Luc 1:55

Mahana ko̱ kème sa hi tangko nali, Hi Abraham tèn mèrèn nè baï kambèlè.

Pinali a Njou‐Mboro‐Pinali 13:32

Da name gui ka sa mboura bèlabaï toul bina gonjaka on ko̱ Ouone mi bi hi tangkoli,

Hébreuli 2:2

Da tokoré baïnjaka on ko̱ mi gui ka mbora angeli jinguèl mi na ba babaï, da baï séla guingna bon tèn fana baï bon, jing toul ndo̱ko̱ guédék on ko̱ mi ma.

Saint Luc 1:72

Da baï ndingna haïo hi tangko nali, Ka bi laou‐è toul tangna fofoto bina go̱njakèli an none hana,

Pinali a Njou‐Mboro‐Pinali 28:23

Da ko̱ klime kèn namkè hi nè tou, kli gui nyèta guè monè an bil voulè. Da kème to̱ko̱ saon baï on hi kli, ka sa bongbaï toul bilkaou a Ouone, ka wara kli an toul baï a Jésus ko̱ mi dé an bil guingna Moïse da mi dé an bil prophèteli tinassaonkè ka toula pélé bo̱l tèn bèlaléou.

Saint Jean 9:29

Na toutou ko̱ Ouone mi sa baï jing Moïse jinguèl; da an njoukou on na tane ga tou guèl on ko̱ kème ourou gui ka ndourou ya.

Saint Jean 7:22

Moïse mi hi oui baï ina gassa jinguèl (da tane ti ba a Moïse ya, da ba a tangko baïli) da ouime i gassa hi njoukou ka name sabbat.

Saint Luc 24:44

Da kè sa hi kli: On ba baïnjaka ni, ko̱ mè sa hi oui jinguèl, ko̱ mème pane jing oui, mapélékè a baï ni bon mi wéré kon kala ka babaï, ko̱ mi dé an bil guingna Moïse tèn prophèteli da psaumeli.

Saint Jean 16:13

Da ko̱ Kè‐baïlénambèl mi gui tou, kè on ko̱ ba Esprit a babaï, yé kè ma lang oui sé mboro babaï bon; baï ko̱ kè ma sa ka ba mboro nè fènè ya, da kè ma sa ba toul fènli on bon ko̱ kème la tou, da kè ma sa bong fènli on ko̱ nding baï guina hi oui.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Hébreuli 2:3

Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

Hébreuli 3:5

Da Moïse ba lodok ka babaï an bil voula Ouone bon, mahana ka njou‐bakara, baï bongbaï a fènli on ko̱ ma to̱ko̱ bi kala afal da.

Hébreuli 4:8

Da tokoré Josué mi hi yanatana hi kli jinguèl, kè tane sa toul name aféké afal on ya.

Hébreuli 5:5

Mono on, Christ kéng kè mi tane ga nza jonafèn fènè ya, baï tèna zaworo sacrificateur, da ba kè on ko̱ mi sa hi nè jinguèl. Mo ba Goune ni, Name aïn mè mboung mo tou!

Hébreuli 9:19

Mahana ko̱ Moïse sa baï bina njaka bon ka ba mboro guingna hi njoukouli bon, kè yan séme a goune ndaïyali da hanali jing mbi da pouran mona badoua ba sèngnèkè da hysope; da kè wèn séme on kon toul takarata da toula njoukouli bon,

Hébreuli 11:2

Da ka mboro on kè sa bèla bongbaï a tangchidoli jinguèl.

Hébreuli 11:18

Ba kè on ko̱ Ouone mi sa baï nè jinguèl: Yé mè di mèrèn no ka ba mbora Isaac.

Hébreuli 12:25

Oui pèng mone baï bèlta an ouime pong kè on ya, ko̱ mi sa baï. Baï tokoré kli on ma baï ngouna ya, ko̱ kli pong kè on ko̱ wara kli an koukoula, na ma baï ngouna kè on ko̱ na pong nè ko̱ wara na an nonkala mahana ka fèn lé?