Galateli 4:3 - Féké Testament 1947

³ Mono on, na kéng, ko̱ name pane ba goundi, na tèn koï an bo̱ko̱ titili fènli an koukoula aïn.

Galateli 4:3 ပူးပေါင်းရင်းမြစ်များ

Colossienli 2:20

Tokoré oui mi hou jinguèl jing Christ jing titili fènli an koukoula aïn tou, baïfèn da oui mi kaou mahana ko̱ oui mi pane an koukoula, baï tèna koï a dofènli on lé?

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Galateli 4:9

da kassénaï ko̱ oui mi toutou Ouone, maléba on mi bèlta guèbambèl ko̱ Ouone mi toutou oui, baïfèn da oui mi ji féra fal, baï séna fal titili fènli on ko̱ tane ti njèrèn ya, ko̱ ba foïna fènli, da oui ji baï kaouna koï a kli ba aféké lé?

Galateli 2:4

Da fèn on ba wo̱ko̱ yindi ko̱ mi gui ka fo̱li, mahana ka njou‐ana bong touna séna na ka laou na an bila Christ‐Jésus, an klime ba na tèn koï.

Galateli 4:31

Mono on yindi na tane ti ba goundi a waïn koï ya, da ba a waïn gangna on.

Pinali a Njou‐Mboro‐Pinali 15:10

Mono on, baïfèn da ouime lé Ouone dé? baï bina hola bi sola njou‐séna bong aïnli on ko̱ tangko nali maléba na mi tane ma baï holakè ya lé?

Romainli 8:15

Baï ko̱ oui tane ga ya esprit koï baï féra ndingna waou ba aféké ya; da ouime ya ba esprit féra tèn dodok goune, ka bila Esprit on ko̱ name wan njaka guè siya ka sa: Abba! Baba!

Saint Jean 8:31

Da kème sa hi Juifli on ko̱ mi la bilaou‐è: Tokoré ouime laïbi an bil baïnjaka ni, oui ba njou‐séna bong nili ka babaï;

Hébreuli 7:16

Kè on ko̱ mi nding nè, ti ka mboro guingna an bina baïnjaka an naïn‐monè ya, da mi nding nè ka mboro njèran on ko̱ mi limna ya:

Galateli 4:25

baï ko̱ Agar ba souraguèl Sinaï an guèl Arabie, da on mi mahana ka Jérusalem kassénaï, baï ko̱ kè jing goune nèli mi tèn koï.

Galateli 3:19

Da mono on guingna ba fèn lé? Ouone mi hi on kon toulkè baï toul séla guingna békéfèn bo̱l tèn ko̱ mèrènkè mi gui, kè on ko̱ Ouone mi bi gonjaka hi nè tou, da mi koung guingna ka mbora angeli an ndo̱ka njou‐vonabaï.

Saint Matthieu 11:28

Oui gui moni, oui bon ko̱ tan ta jing pina abaï, da ko̱ hola abaï mi ta toul baï, da mè ma hi yanatana hi oui.

Romainli 7:14

Baï ko̱ name toutou guingna ba fèn a Esprit; da mè ba a naïn‐mone ko̱ mi jo̱l mi hi békéfèn.

2 Corinthienli 11:20

Tokoré njoukouna mi ba oui tèn koï, tokoré kème noung oui, tokoré kème ba oui, tokoré kème jone ba monè fènè, tokoré kème o̱ none baï, oui bou toul baï jing nè.

Galateli 4:2

da kème kaou bo̱ko̱ ndo̱ka njou‐pèngna nèli da njou‐onatoulèli, bo̱l tèn ko̱ name on ko̱ baba nè kèn hi nè mi mabongkè tou.

Galateli 4:8

Da ka tang ambèl ko̱ oui mi tane ga tou Ouone ya, oui ba koï a ouondi on ko̱ mi tane ti ba ouondi ka bo̱ko̱di klili ya;

Galateli 4:24

Fèn aïnli ba goulébaï; baï ko̱ waïn aïnli séré ba baï bina gonjaka an none hana séré. Aïn mbéo ba an souraguèl Sinaï ko̱ mi mboung goune koïli, ling a waïn on ba Agar,

Hébreuli 5:12

Baï ko̱ saka nyèta kassénaï mono an ouime ma baï guina ba njou‐to̱ko̱nafènli, da oui pènrèn fèn mahana ka on, dadaon an njoukouna mi féré ka to̱ko̱ titili fènli a none baïnjaka Ouone hi oui, da oui mahana ka kli on ko̱ ji ba pame, da oui ma baï sona laka ko̱ pouta ya.