Éphésienli 1:4 - Féké Testament 1947

⁴ Mahana ka on ko̱ kème ti sane na an bilè ambèl ka titilikè hi name mossona koukoula, baï an name gui tang fofoto, tane bila guè monè ka bil sénahang.

Éphésienli 1:4 ပူးပေါင်းရင်းမြစ်များ

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Éphésienli 2:10

Baï ko̱ na ba fèn pina a Ouone ko̱ kème mosso ka bila Christ‐Jésus baï an name nding bèla pina, bèla pina on ko̱ Ouone mi badi jinguèl ka tang ambèl tou, dadaon an name sé rou.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

Saint Jean 15:16

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

1 Titili Takarata a Pierre ko̱ dé 1:2

ka mboro tounafèn a Ouone Baba ti dambèl, ko̱ wal kli bi baï nè ka mboro Esprit, an klime la baï bèlta, da an klime wèn séme a Jésus‐Christ toulkè: an ndingna mbo̱l da go̱ro̱ iki abaï mi taïnkon guèbambèl!

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

Colossienli 3:12

Mono mahana ka njoukouli on ko̱ Ouone mi sane oui tèn kala tou, njoukouli on ko̱ mi tang fofoto, da njoukouli on ko̱ Ouone mi sé hang baï ta, oui bou go̱ro̱ ko̱nassé, pana bil, laou kaouna ka lome, bou mone guè koukoula da vonamboï.

Colossienli 1:22

da kassénaï Christ mi nding da oui mi kon ndo̱ko̱ fal hana jing nè, ka kli‐mone a naïn‐monè ka mboro houl, baï an kème ya oui guè monè tang fofoto, tane bila da ka rongo.

Éphésienli 5:27

Mono on, kè ma ya église guè monè fènè jing jonafèn, tane bila, da tane rèna mone, tèn gara fènli on tane ti jing rou ya, da ba église ko̱ mi tang fofoto da ka rongo.

Apocalypse 17:8

Naïn on ko̱ mo ko̱ nè mana jinguèl da ti ba kassénaï ya. Kè hèdi baï héna gui kala an loukou lo̱ko̱ ko̱ sèkèrèkè mi tiya yilime, da sé guèl hèlè a zabolo. Da kli on ko̱ bi an toula koukoula, yé laou kli mi dou, kli on ko̱ mi tane ga dé ling kli an bil takarata a yana jinguèl ka titili name mossona koukoula ya, ko̱ kli ko̱ naïn on, ka mboro hani ko̱ kè mi yé jinguèl da kè ti ba ka kassénaï ya, da kè ma gui.

Pinali a Njou‐Mboro‐Pinali 13:48

Da ko̱ mèran gentili mi la baï aïn, kli wal maïya, da jone baïnjaka Ouone, da kli on bon ko̱ Ouone mi badi ka tang ambèl baï jingna yana kambèlè, klime la bilaou.

Saint Jean 17:24

Baba, mè ji ba guèl on ko̱ mème kaou, kli on ko̱ mome hi kli hi mi tou, mi ndé kaou jing mi an ndourou kéng, baï an klime ko̱ jonafèn ni, jonafèn on ko̱ mome hi mi tou, baï ko̱ mome sé hang ni ka titilikè ambèl hi name mossona koukoula aïn.

1 Thessalonicienli 4:7

Baï ko̱ Ouone mi tane ga di na baï ndingna ladidifèn ya, da ba baï wala mona bi baï nè fènè.

Philippienli 2:15

Mono on, an ouime ma baï kaouna ka rongo ka nding pan bil, ko̱ ba goundi a Ouone guédék, an wora mèrèn njoukouli ko̱ mi sé maï maï, da laou kli mi na bang, da oui cha an wora kli an koukoula aïn mahana ka mèssè,

2 Tim 2:19

Da pouna bètè a Ouone mi o siya pou jing fèn bo̱la on ko̱ mi baka bi jing baïnjaka aïnli: Nanjou mi toutou kli on ko̱ ba amèli; da: Dadaon an njoukouli bon ko̱ mi di ling a Nanjou, an klime yèng ndingna maï maï.

Pinali a Njou‐Mboro‐Pinali 18:10

baï ko̱ mè makaou jing mo, da yé njoukouna mbéo ba ndara ndo̱kè guè mono baï ndingna fèn bèlya jing mo tane tiya, baï ko̱ njoukou nili nyèta makaou pou aïn.

2 Tim 2:10

Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

Éphésienli 4:2

jing go̱ro̱ kaouna lome da bouna mone baï guè koukoula, tèn vonamboï, oui pan mone baï jing hana ka mboro sénahang,

1 Corinthienli 1:8

Yé kè ma ndé pou oui bi kéng bòl tèn sèkèrèkè, baï an ouime kaou ka rongo ka name a Nanjou na Jésus‐Christ.

Saint Matthieu 24:31

Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

Saint Jean 10:16

Da badoua ni hanali ba aféké mana ko̱ mi tane ga ti ba an ndol aïn ya; dadaon yé mè ndé lang kli kéng; da kli ma la mbo̱ko̱ ni, da ma ndoï ndol mbéo, da njou‐kora‐badoua mbéo.

1 Thessalonicienli 3:12

An Nanjou mi nding sénahang abaï taïnkon guèbambèl jing hana tèn njoukouli bon, mabahana ko̱ séna hang na mi ndé taïnkon jing oui kéng.

Éphésienli 3:17

Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.

Galateli 5:13

Yindi, Ouone mi di oui baï séna ka laou tou, da oui nding séna ka laou abaï ka ba mboro baï yana ka naïn‐mone ya, da ka mboro sénahang oui nding bakara jing hana.

Romainli 8:33

Yé guème ko̱ ma sa kita kon toula njoukouli on, ko̱ Ouone mi sane kli tèn kala tou lé? Kè ba Ouone fènè ko̱ mi nding kli gui guédék.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:22

Da tokoré name o̱kèo̱ mi tane koung bi guè mbèl ya, yé naïn mone mbéo ba kouna tane tiya; da ba baï toula kli on ko̱ Ouone mi wal kli bi, mi ko̱ kème koung namkè bi.

Titili Takarata a Jean ko̱ dé 4:16

Da name toutou, sénahang on ko̱ mi na jing Ouone baï toula, da name bi hang na ndourou, Ouone ba sénahang, da kè on ko̱ mi bi an bil sénahang mi bi an bila Ouone, da Ouone mi bi an bilè.

2 Pierre 3:14

Mono baï on, oui ko̱ mème sé hang baï nyèta, baï ko̱ oui oli fèn aïnli oui nza mborokè, an kème ma baï jingna oui ka go̱ro̱ iki tane bila, da ka rongo.

Colossienli 2:2

baï an klime bi hang kli guè tiya, ko̱ klime vo jing hana ka sénahang, da klime jing nguèra cho̱kna on ko̱ mba, an klime tou didissi baï a Ouone nguite on ko̱ ba Christ,

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,

Galateli 5:6

Baï ko̱ ka bila Christ‐Jésus ina gassa maléba ina gassa ya, mi na bo̱on, da tounassaon on ko̱ mi nding an bila ka mboro sénahang ba gba fèn ka babaï.

Pinali a Njou‐Mboro‐Pinali 15:18

Ko̱ mi toutou ka tang ambèl ka titilikè.