Colossienli 4:2 - Féké Testament 1947

² Oui laïbi hiouna Ouone, oui zéng ka mboro kaouna koukoula hi nè,

Colossienli 4:2 ပူးပေါင်းရင်းမြစ်များ

Philippienli 4:6

Oui bi hang baï toul fèna mbéo ya, da toul fènli bon ko̱ ouime ji oui to̱ko̱ hi Ouone ka mboro hiouna nè, ka sa jo̱jo̱ nè, ka jone nè.

Éphésienli 6:18

Jing hiouna Ouone ka sana jo̱jo̱ nè oui hiou nè ka bila Esprit guèbassoko. Mono on, oui zèng mboro jing laïnabi ka sa jo̱jo̱ Ouone nyèta baï toula njou‐lana‐bilaouli bon.

Romainli 12:12

Ka mboro oliya oui kaou ka wala. Oui joung hang baï an bil to̱ko̱nassé. Oui laïbi hiouna Ouone.

Saint Matthieu 26:41

Oui zèng ka sa jojo Ouone, baï an ouime lé ka yaknafèn ya; baï ko̱ esprit mi ji bo̱ko̱kè ka babaï, da naïn‐mone tane ti njèrèn ya.

Saint Luc 18:1

Da Jésus sa ébèlbaï hi kli, baï to̱ko̱na hi kli an mi mabongkè an klime hiou Ouone guèbassoko, ka tan ya.

Saint Luc 21:36

Da oui zèng guèbassoko ka sa jo̱jo̱ Ouone baï jingna njèran ka pènrèn fèn aïnli bon ko̱ nding baï guina, da oui o an bo̱ko̱ nona Goune a njoukou.

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.

Colossienli 1:9

Baï on na kéng, ka titili name on ko̱ name la baï on, na laïbi hiouna Ouone ka sa jo̱jo̱ nè baï toul baï, baï an ouime gui mba ka touna nguite, baï kaouna mara fal toulè jing cho̱kna bon tèn tounafèn bon a Esprit,

Saint Marc 13:33

Oui ènrèn mone baï bèlta, oui zèng, ka hiou Ouone; baï ko̱ ouime tane ga tou namkè ya.

Colossienli 3:17

Da fènli bon on ko̱ ouime nding, tokoré baïnjaka maléba fèn ndingna, oui nding fènli bon, ka bil ling a Nanjou Jésus, da oui kaou koukoula hi Ouone Baba ka mboro nè.

Colossienli 2:7

Oui tèn mahana ka on ko̱ saonkè mi ri dita an koukoula, da oui hon an bilè, da oui kaou pou wang ka tounassaon abaï mahana ko̱ klime sa mboura hi oui jinguèl, da kaou koukoula hi Ouone guèbambèl.

Colossienli 4:12

Épaphras ko̱ ba njoukou baï, da ba njou‐bakara a Christ‐Jésus mi name oui. Da kème laïbi hiouna Ouone guèbassoko kon toul baï bon, an ouime kaou guédék, da oui mba jing fènli bon baï kaouna mara fal toula Ouone.

Colossienli 3:15

An go̱ro̱ iki a Christ mi na gangna an bil go̱ro̱ baï, baï fèn on ko̱ Ouone mi di oui baï guina kli‐mone mbéo. Da oui kaou koukoula hi nè.

Pinali a Njou‐Mboro‐Pinali 1:14

Kli on bon ka laou mabahana mi pane laïnabi hiouna Ouone jing hana, jing waïnli, da Marie ma a Jésus, da jing yine nèli.