Colossienli 2:4 - Féké Testament 1947

⁴ Mè sa on hi oui baï an njoukouna mbéo mi tane mong oui jing baï mongnafèn hana ya.

Colossienli 2:4 ပူးပေါင်းရင်းမြစ်များ

Titili Takarata a Jean ko̱ dé 4:1

Oui on ko̱ mème sé hang baï ta, oui tane la bilaou a espritli bon ya; da oui lé espritli on baï touna kong kli ba a Ouone baï ko̱ kassénaï wo̱ko̱ prophèteli nyèta mi sèrè an koukoula aïn.

Éphésienli 4:14

Mono on, an name tane kaou mahana ka goundi ba aféké ya, ko̱ koukouna to̱ko̱na fènli toutoul toutoul bon mi lang na kan kini kan soko, ka fan na mahana ka fèn on ko̱ na none mbi ka mboro cho̱kna bounabong mongnafèn a njoukouli, ko̱ mi mong fèn ka mboro wo̱ko̱li.

Saint Matthieu 24:4

Da Jésus mi féré sa, ka sa hi kli: Oui ènrèn mone baï, bèlta baï an njoukouna mbéo mi tane mong oui ya.

2 Jean 1:7

Da kassénaï njou‐rongna njoukouli nyèta sé an bilkaou koukoula aïn, kli on ko̱ tane sa bi kala ko̱ Jésus‐Christ mi gui ka naïn‐mone ya. On ba njou‐mongna njoukouli da antichrist.

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Apocalypse 20:8

da kè ma tèn kala baï mongna pime pouli ko̱ mana kouroukè nèng an koukoula, Gog da Magog, baï ndoïna kli baï rouna béré, ro̱ko̱na akli mabahana ka sarika an bèl loukou‐mbi‐tome.

2 Tim 3:13

Da yé béké njoukouli tèn njou‐mongnafènli ma ti ka taïnkon nyèta guèbambèl jing békéfèn, da kli ma mong njoukouli da njoukouli ma mong kli.

2 Tim 2:16

Da mo ènrèn mono jing bong tangbaï da baï poukounafèn, baï ko̱ yé kli ma taïnkon guèbambèl jing baï pongna bong njaka Ouone.

Éphésienli 5:6

Oui yèng an njoukouna mbéo mi tane mong oui jing baïnjaka bo̱on ya; baï ko̱ toul fèn aïnli hèrè a Ouone mi lé toula goundi on ko̱ mi fa baï.

Pinali a Njou‐Mboro‐Pinali 20:30

Da yé njoukouli ma tèn an woro baï fèn baï, ka to̱ko̱ mboro baïli bèlya ka dol, da lang njou‐séna bongli sé fal kli.

Apocalypse 20:3

Da mi wou nè an bil loukou lo̱ko̱ on ko̱ sèkèrèkè mi tiya a yilime da tou njakakè, da mbo̱lo̱ toulkè, an kème ma baï mongna pime pouli ba aféké ya, bo̱l tèn saka ténakè‐bo ta tou. Afal on mi sélè baï name gounfènakè.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

Apocalypse 12:9

Da kli wou loukou choï on diri guè tiya, tang choï on jinguèl, kè on ko̱ kli bi ling‐è ba Zabolo da Satan, njou‐mongna njoukouli bon a koukoula, kli wou nè diri gui koukoula, da kli wou ange nèli diri gui koukoula jing nè kéng.

Titili Takarata a Jean ko̱ dé 2:26

Mè dé fèn aïnli bi takarata hi oui tou, ba baï toula kli on ko̱ mi mong oui an ouime wol.

Titili Takarata a Jean ko̱ dé 2:18

Lélé goundi, on ba sèkèrè name da mahana ko̱ ouime ti lala jinguèl ba yé antichrist ma gui, tongna kassénaï antichristli nyèta mi gui tou, da ka mboro aïn name toutou ko̱ on ba sèkèrè name.

Colossienli 2:18

Oui yèng an njoukouna mbéo mi ri toul ndo̱ko̱ abaï ya, ka mboro ko̱ oui ji bo̱ko̱kè baï bouna mone baï guè koukoula da baï dikna angeli, baï bina hang‐è toul fèn on ko̱ kème tane ga ko̱ ya, kème joung monè bo̱on jing laou a naïn‐monè,

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Galateli 2:4

Da fèn on ba wo̱ko̱ yindi ko̱ mi gui ka fo̱li, mahana ka njou‐ana bong touna séna na ka laou na an bila Christ‐Jésus, an klime ba na tèn koï.

2 Corinthienli 11:3

Da mème ngou waou, baï ko̱ ka touya mahana ko̱ choï mi mong Ève jinguèl jing bounabong nè, mono on laou‐kèrafèn abaï mi bo ka mboro kaouna tangna fofoto jing Christ.

1 Corinthienli 2:4

da baïnjaka ni tèn fèn ko̱ mème sa mboura hi oui, tane ti ba baï mongnafèn jing cho̱kna ya, da ba baï to̱ko̱na pina Esprit da njèran bi kala.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Éphésienli 4:17

Mono fèn on ko̱ mème sa, da mème sa bongbaï ka bila Nanjou an ouime tane sé mahana ka gentili ba aféké ya, ko̱ klime sé jing béké kèrafèn bo̱on an laou kli.