Colossienli 2:2 - Féké Testament 1947

² baï an klime bi hang kli guè tiya, ko̱ klime vo jing hana ka sénahang, da klime jing nguèra cho̱kna on ko̱ mba, an klime tou didissi baï a Ouone nguite on ko̱ ba Christ,

Colossienli 2:2 ပူးပေါင်းရင်းမြစ်များ

Colossienli 1:27

kli on ko̱ Ouone mi ji baï to̱ko̱na nguèra jonafèn a didissi baï on hi kli an woro mèran gentili, mini ko̱ ba Christ an bil baï, oliya jonafèn.

Colossienli 4:8

Mè pi nè guè mone baï baï toul baï on, an ouime tou baï na, da an kème vo go̱ro̱ baï.

Éphésienli 6:22

Kè on ko̱ mème pi nè guè mone baï, baï toul baï on, mono on an ouime tou bong baï na, da baï an kème wara oui an go̱ro̱ baï mi vo.

Colossienli 3:14

Da ta toul fèn aïnli bon oui bou sénahang, ko̱ ba sal on ko̱ mi gna oui baï guina guédék.

Romainli 16:25

Da an kè on ko̱ njèrèn baï pouna mone baï ka mbora bèlabaï ni, ka mboro sana mboura a Jésus‐Christ mabong baï on ko̱ mi wéré nonkè bi kala, didissi baï on ko̱ mi mou ka foli jinguèl ka titilikè ambèl hi name mossona koukoula.

Philippienli 3:8

Ka babaï, mè ko̱ fènli bon na bo̱on, baï ko̱ kakaïya fèn ba touna Christ‐Jésus, Nanjou ni, da baï toulè mi ko̱ mè njomo fènli bon, da mème ko̱ fènli on bon mahana ka wènrèn, baï an mème jing Christ.

Philippienli 2:1

Mono on, tokoré baï wara hana mana ka bila Christ, tokoré baï pouna mone hana mi mana jing sénahang, tokoré vona ka go̱ro̱ mbéo jing Esprit mana, tokoré ndingna haïo da ko̱na passé mana,

2 Pierre 1:3

Ko̱ na ko̱ njèran a Ouone mi hi fènli bon hi na, on ko̱ hi yana da pèngna baïnjaka a Ouone ka mboro touna nè, kè on ko̱ di na jinguèl ka mboro dodok jonafèn da mbonatoul amè,

Romainli 15:13

Da kassénaï Ouone oliya on mi kon oui ka mba ka jangnandaï bon tèn go̱ro̱ iki ka mboro tounassaon, baï an ouime oli guèbambèl ka njèran a Saint‐Esprit!

Saint Jean 10:30

Mè da Baba ba mbéo.

Saint Jean 6:69

Da name la bilaou tou, da na toutou ko̱ mo ba Christ, Tangna Fofoto Goune a Ouone.

Hébreuli 10:22

An name guè monè jing go̱ro̱ on ko̱ na ka babaï, on ko̱ mi mba jing tounassaon, da kè wèn séme kon toul go̱ro̱ na baï toura béké laou‐tounafèn na tang da kè tourou kli‐mona ka bèla mbi,

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Hébreuli 6:11

Da na ji njoukou mbéo mbéo bon an woro baï mi to̱ko̱ mbé séna none mahana ko̱ mba bil go̱rè jing oliya bo̱l tèn sèkèrèkè.

Colossienli 1:9

Baï on na kéng, ka titili name on ko̱ name la baï on, na laïbi hiouna Ouone ka sa jo̱jo̱ nè baï toul baï, baï an ouime gui mba ka touna nguite, baï kaouna mara fal toulè jing cho̱kna bon tèn tounafèn bon a Esprit,

Galateli 3:28

Da ka bilè, Juif maléba Grec tane tiya, koï maléba goune gangna tane tiya, wonron njoukou maléba waïn tane tiya, baï ko̱ oui bon ba njoukou mbéo bo̱l ka bila Christ‐Jésus.

1 Corinthienli 2:12

Da name tane ga ya esprit a bilkaou koukoula aïn ya, da name ya ba esprit on ko̱ mi gui ka mona Ouone tou, mono on an name ma baï touna fènli on bon, ko̱ Ouone mi hi na ka ndingna mbo̱l nè.

Saint Jean 17:3

Da yana kambèlè on mono ba, an klime toutou mo, ko̱ mo ba gba Ouone mbéo bo̱l, da mi toutou kè on ko̱ mome pi tou, ko̱ ba Jésus‐Christ.

Saint Jean 16:15

Fènli bon an ndo̱ka Baba ba ami; mono baï on ko̱ mème ti sa hi oui ambèl, yé kè ma ya fèn ko̱ ba ami, ka sa bongkè hi oui.

Saint Jean 10:38

Da tokoré mème nding pina on, mi ko̱ ouime tane ga la bilaou ni ya, oui la bilaou a pina aïnli, an ouime tou nguite ka babaï ko̱ Baba makaou an bili da mè an bila Baba.

Saint Jean 5:23

da baï an njoukouli bon mi dik Goune, mahana ko̱ klime dik Baba. Kè on ko̱ mi tane ga dik Goune ya, kè tane ga dik Baba ya kéng, ko̱ mi pi nè.

Saint Jean 5:17

Da Jésus mi féré sa hi kli: Baba ni mi nding pina bo̱l tèn kassénaï; da mè ndé nding kéng.

Saint Matthieu 11:27

Baba ni hi fènli bon bi ndo̱ko̱ ni tou, da njoukouna mbéo mi tane tou Goune ya bo̱l ba Baba fènè, maléba tane ga tou Baba ya bo̱l ba Goune fènè, da kè on ko̱ Goune fènè mi ji baï to̱ko̱na nè hi nè.

Saint Matthieu 11:25

Ka name o̱kèo̱ Jésus mi féré sa, ka sa: Mè jone mo, O Baba, Nanjou an nonkala da an koukoula, ko̱ mo mou fèn aïnli jing cho̱kna njoukouli tèn kli on ko̱ tou fèn ta, da mo to̱ko̱ saonkè hi ba joï goundi.

Titili Takarata a Jean ko̱ dé 5:7

Baï ko̱ kli saï mi sa bongbaï.

Titili Takarata a Jean ko̱ dé 3:19

Ka mboro on mi ko̱ na toutou ko̱ na ba a babaï, da yé go̱ro̱ na ma iki an nonè;

2 Pierre 3:18

Da oui hon ka ndingna mbo̱l da touna a Nanjou na da Njou‐yana‐baï‐toul ama ko̱ ba Jésus‐Christ. Mi jonafèn hi nè kassénaï da kambèlè! Amen!

2 Pierre 1:10

Mono baï on, yindi, oui nza go̱ro̱ baï nyèta baï touna dina a baï tane ka babaï, da baï touna mboro on ko̱ Ouone sane hi oui ka babaï; baï ko̱ tokoré ouime nding fèn aïnli oui ma bèn ya.

1 Thessalonicienli 5:14

Da name wara oui yindi, oui ba baï hi kli on ko̱ mi sé maï maï, oui pou mone kli on ko̱ go̱ro̱ klime sé siya, da lé mbèla kli on ko̱ mi tane ti njèrèn ya, da pan mone baï jing njoukouli bon.

1 Thessalonicienli 3:2

Name pi yine na Timothée ko̱ ba njou‐ndo̱ko̱ba bakara a Ouone jing bèlabaï a Christ, an mone baï mi pou oui, da baï vona go̱ro̱ baï jing tounassaon abaï.

1 Thessalonicienli 1:5

Baï ko̱ bèlabaï na mi tane ga guè mone baï ka ba baïnjaka bo̱on ho̱kè ya, da ndé jing njèran kéng ka bila Saint‐Esprit, an mi kara oui ka babaï; mahana ko̱ oui mi toutou on ko̱ name to̱ko̱ tènrèn nonkè kong na ba njoukou guèli an none baï baï toul baï.

Pinali a Njou‐Mboro‐Pinali 4:32

Da rokè njoukouli on ko̱ la bilaou mi kaou vo ka go̱ro̱ kli mbéo tèn laou kli mbéo bo̱l. Da njoukouna mbéo mi tane ga foul fal fèn nè ba amè fènè ya, da klime ndoï fèn kli kon toul hana ba akli bon.

Saint Matthieu 13:11

Da Jésus mi féré sa, ka sa hi kli: Ba abaï, baï touna didissi fèn toul bilkaou a nonkala, da tane ti baï hina kli ya.

Saint Luc 1:1

Mono, baï ko̱ njoukouli nyèta mi dé takarata baï to̱ko̱na none fènli bon tangta, ko̱ mi tèn kala ka babaï an woro na,

Romainli 2:4

Maléba ko̱ mome pong nguèra bèla go̱rè da pana monè, da vonamboï nè, da mo tane ga toutou ko̱ bèla go̱ra Ouone mi ko̱ lang mo baï hèkèna békéfèn ya lé?

1 Corinthienli 14:31

Baï ko̱ oui bon mi na baï to̱ko̱na bong njaka Ouone mane mbéo mbéo bon, baï an bon mi tou, da bon mi la warafèn.

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Éphésienli 3:3

Da kème wéré none didissi baï hi mi, mahana ko̱ mème dé goune baïnjaka on an takarata hi oui jinguèl.

Éphésienli 3:16

an kème hi njèran on hi oui ko̱ mi pou mone baï ma bong nguèra jonafèn nè, ka mboro Esprit nè jing njoukou?-?an‐bilkè.

Colossienli 1:26

Mono didissi baï on ko̱ mi mou ka tang ambèl ka titili sakali bon jing mèran njoukouli, da kassénaï nonkè mi wéré bi kala hi njou‐lana‐bilaou nèli tou,

Colossienli 2:19

da kème tane ga ching dodok toulkè ya, ko̱ mi hi kli‐mone bon, ka mboro kourou mone jing néon, baï jingna njèran ka mara bo̱lo̱ hana, an mi hon da hon jing hona a Ouone.

Colossienli 4:3

da oui ndé hiou Ouone baï toula kéng, baï an Ouone mi bourou njaka mboro baï a baïnjaka hi na, baï sana didissi baï a Christ, da baï toul baï on mi ko̱ klime ndé gna mi jing réme kéng.