Apocalypse 7:14 - Féké Testament 1947

¹⁴ Da mè sa hi nè: Nanjou ni, mo toutou. Da kè sa hi mi: Njoukouli on ba kli ko̱ tèn kala ka bil loukou to̱ko̱nassé on; da kli tourou la akli tou, da kli nding a la akli mi poukou ka séme a Goune badoua.

Apocalypse 7:14 ပူးပေါင်းရင်းမြစ်များ

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.

Apocalypse 22:14

Jangnandaï mi ba baï akli on ko̱ tourou la akli mono on, an klime ma baï guina mona di yana, da ma baï rina ka njakakèli baï kana bil pou on!

Hébreuli 13:12

Mono baï on, Jésus kéng, an kè mi wal njoukouli bi baï nè fènè ka mboro dodok séme nè fènè, kè to̱ko̱ssé an kala an njaka ngalang.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

1 Titili Takarata a Pierre ko̱ dé 1:19

Da kè cho oui jing kakaïya séme a Christ mahana ka goune badoua tane nongno da tane bila.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Saint Matthieu 24:21

Baï ko̱ ka name o̱kèo̱ yé loukou to̱ko̱nassé ma gui, ko̱ mi tane ga ti on jinguèl, ka tang ambèl ya, ka titilikè ko̱ Ouone mi mosso koukoula bo̱l tèn kassénaï, da yé fèn on ma tèn mahana ka on ka séssé hana ya.

Saint Jean 16:33

Mè sa fèn aïnli hi oui, baï an ouime jing go̱ro̱ iki an bili. Oui ma to̱ko̱ssé nyèta an bilkaou koukoula aïn, da oui kaou ka go̱ro̱ iki, baï ko̱ mème gnèrèn bilkaou koukoula aïn tou.

Apocalypse 17:6

Da mè ko̱ waïn on ko̱ séme a njou‐lana‐bilaouli, da séme a njou‐sana?-?bongbaïli a Jésus mi i nè mahana ka houl vone. Da ko̱ mème ko̱ nè laou ni dou ta.

Romainli 5:3

Da tane ti ba fèn on ka ho̱kè ya, da name ndé jangndaï an bil to̱ko̱nassé nali kéng, baï ko̱ name toutou ko̱ to̱ko̱nassé mi kan tou hi ba laïnabi.

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Apocalypse 15:2

Da mè ko̱ fèn mahana ka fèn loukou mbi a verre on ko̱ mi joukourou jing hèlè, da kli on ko̱ gnèrèn naïn on da tétéme nè, da kènafèn a ling‐è ko̱ o none loukou mbi verre on, kli jing kouléli a Ouone.

Apocalypse 2:9

Mè toutou to̱ko̱nassé amo, da foïna amo ba mo kaou jing nguèra, da poukounafèn akli on ko̱ sa kli ba Juifli, da kli tane ti on ya, da kli ba synagogue a Satan.

2 Thessalonicienli 1:4

Mono on, na fèna mi jangndaï baï toul baï an woro égliseli a Ouone baï laïnabi da tounassaon abaï an bil sènafèn da jing to̱ko̱nassé on ko̱ ouime bou toul baï rou.

Saint Marc 13:19

Baï ko̱ ka name o̱kèo̱, yé fèn to̱ko̱nassé ma gui ko̱ mi tane ga ti on jinguèl ka tang ambèl ya, ka titilikè ko̱ Ouone mi mosso koukoula bo̱l tèn kassénaï, da yé fèn on ma tèn mahana ka on ka séssé hana ya.

Apocalypse 7:9

Da afal fèn aïnli, mè ko̱ da mono, njoukouli ro̱ko̱ta ko̱ njoukou mbéo tane ma baï kèna kli ya, kli gui ka pime pouli, njoukouli bon, kadouk bon, da mèran njoukouli toutoul bon, da ka njakabaïli bon. Kli o bèl kangala njaka bara da mona Goune badoua, kli bou pouki la da kli ba di ndèng‐è an ndo̱ko̱ kli.