Apocalypse 5:13 - Féké Testament 1947

¹³ Da fènli on bon ko̱ Ouone mosso ko̱ mana an nonkala da an koukoula da an bo̱ko̱ koukoula, da an toul none loukou‐mbi‐tome, da fènli on bon ko̱ mana an bilkè, mè la ko̱ kli sa: An kè on ko̱ kaou toul kangala njaka bara, da an Goune badoua mi hi samnafèn, da dikna, da jonafèn da name gangna, kambèlè go̱ kambèlè.

Apocalypse 5:13 ပူးပေါင်းရင်းမြစ်များ

Philippienli 2:10

Da baï ka ling a Jésus yé njaka toukou mane mbéo mbéo bon mi ma baï houkouna an koukoula, tongna an nonkala da tongna an koukoula, maléba tongna an bo̱ko̱ koukoula bon,

Apocalypse 5:3

Da njoukou mbéo an nonkala maléba an koukoula, maléba an bo̱ko̱ koukoula tane ma baï boura takarata on ya, maléba ko̱na toulkè.

Apocalypse 5:12

Kli bouka béta guè siya: Goune badoua ko̱ mi i nè jinguèl tou, mi ma baï jingna njèran, da nguèra, da chokna, da gangna, da dikna, da jonafèn da samnafèn.

Romainli 11:36

Baï ko̱ fènli bon mi gui ka monè, da fènli bon mi gui ka mboro nè, da fènli bon ba amè. Mi hi jonafèn hi nè, kambèlè! Amen!

1 Titili Takarata a Pierre ko̱ dé 5:11

Mi hi njaka bara hi nè kambèlè go̱ kambèlè! Amen!

Saint Luc 2:14

Jonafèn hi Ouone an nonkala an sèkèrè guèl ndèk. Da go̱ro̱ iki an koukoula an wora njoukouli ko̱ kème ko̱ kli bèl monè ta!

Apocalypse 6:16

Da kli sa hi souraguèli da loukou kondi on: Oui ki lé gui toula, ka mou na an nona kè on ko̱ kaou toul kangala njaka bara on, da an hèrè a Goune badoua on;

Jude 1:25

an Ouone mbéo bo̱l njou‐yana‐baï‐toul ama, ka mbora Jésus‐Christ Nanjou na, jonafèn mi guè monè, da gangna njaka bara tèn njèran, da jinguèl ka titilikè bon da kassénaï da kambèlè! Amen!

Romainli 16:27

Mi hi jonafèn hi ba Ouone ka ho̱kè, ko̱ mi cho̱kta, ka mbora Jésus‐Christ kambèlè! Amen!

Romainli 9:5

kli on ko̱ ba titili tangkoli, da Christ mi tèn an bil mèrèn kli, ka mboro naïn‐mone, kè on ko̱ o toul fènli bon, Ouone on ko̱ mi jing samnafèn kambèlè. Amen!

Apocalypse 5:6

Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

Apocalypse 1:6

da kè nding na an name gui bilkaou da sacrificateurli baï a Ouone da Baba nè, mi hi jonafèn da name gangna hi nè guèbassoko kambèlè! Amen!

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

Éphésienli 3:21

mi hi jonafèn hi nè ka bila église tèn ka bila Christ‐Jésus an wora mèran njoukouli bon kambèlè go̱ kambèlè! Amen!

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Colossienli 1:23

Tokoré oui mi laïbi pou da kaou wang jing tounassaon, da oui mi tane ga yèng oliya bèlabaï ya, ko̱ oui mi la jinguèl, ko̱ mi sa mbourakè hi njoukouli bon an bo̱ko̱ nonkala baï on, mi ko̱ Ouone hi mi, mè Paul ba njou‐bakara a Ouone.

Saint Matthieu 6:13

da yèng na sé guèl yaknafèn ya, da lé mbèla an kè on ko̱ ba békékè. Baï bilkaou ba amo, da njèran da jonafèn, kambèlè Amen!

1 Timothée 4:16

Mo pèng mono fèno, tèn to̱ko̱nafèn no, ka laïbi jing fèn aïnli, ko̱ jing pina on, yé mo ma kou mono fèno tèn kli on ko̱ mi la baï no.

Saint Jean 1:29

Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa.

Apocalypse 5:1

Da mè ko̱ an mboro wonron ndo̱ka kè on ko̱ kaou toul kangala njaka bara, takarata on ko̱ baï dé an bilkè bon da an kaïnkè bon, da ko̱ goukou nè bi ka fèn mbo̱lali difala‐séré.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.