Apocalypse 5:12 - Féké Testament 1947

¹² Kli bouka béta guè siya: Goune badoua ko̱ mi i nè jinguèl tou, mi ma baï jingna njèran, da nguèra, da chokna, da gangna, da dikna, da jonafèn da samnafèn.

Apocalypse 5:12 ပူးပေါင်းရင်းမြစ်များ

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Apocalypse 19:1

Afal fèn aïnli mè la fèn mahana ka loukou bo̱ko̱ baï a njoukouli ro̱ko̱ta an nonkala, ka sa: Alléluia! Yana‐baï‐toul, da jonafèn, da njèran ba a Ouone na,

Apocalypse 4:11

Mo mabongkè Nanjou ama da Ouone ama, baï jingna jonafèn on, da dikna on da njèran on; baï ko̱ mo mosso fènli bon jinguèl tou, da baï ko̱ mome ji mi yé kli mana, da mi mosso tou.

2 Corinthienli 8:9

Baï ko̱ ouime toutou ndingna mbo̱l a Nanjou na Jésus‐Christ, tongna on ko̱ kème nguèrè jinguèl, kème tèn ba foïna njoukou baï toul baï, mono on an ouime ma baï jingna nguèra ka mboro foïna nè.

Apocalypse 7:12

ka sa: Amen! Mi hi samnafèn da jonafèn da chokna, da kaouna koukoula hi Ouone, da dikna, da njèran, da name gangna hi Ouone na, kambèlè go̱ kambèlè! Amen.

Saint Jean 17:2

mahana yé baï ko̱ mome sa bi njakè toul naïn mone bon, baï an kème hi yana kambèlè hi kli on bon ko̱ mome hi kli hi nè tou.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Apocalypse 5:6

Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

Saint Jean 1:29

Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

Apocalypse 5:13

Da fènli on bon ko̱ Ouone mosso ko̱ mana an nonkala da an koukoula da an bo̱ko̱ koukoula, da an toul none loukou‐mbi‐tome, da fènli on bon ko̱ mana an bilkè, mè la ko̱ kli sa: An kè on ko̱ kaou toul kangala njaka bara, da an Goune badoua mi hi samnafèn, da dikna, da jonafèn da name gangna, kambèlè go̱ kambèlè.

1 Timothée 1:17

Da an nanjoukaou a saka kambèlè, kè on ko̱ ba poumna tane tiya da ko̱ none mi ko̱ ya, ko̱ ba Ouone mbéo bo̱l, ko̱ ba baï dikna da jonafèn hi nè kambèlè go kambèlè! Amen!

Apocalypse 1:6

da kè nding na an name gui bilkaou da sacrificateurli baï a Ouone da Baba nè, mi hi jonafèn da name gangna hi nè guèbassoko kambèlè! Amen!

Apocalypse 5:8

Da ko̱ kè ya takarata on tou, fènli nèng on ko̱ yan jing tangchidoli bongkè‐séré‐faltoulè‐nèng, kli lé bou mbèla Goune badoua on, kli bon mi kaou jing koulé mbéo mbéo da dina tassi l’or ko̱ mi mba jing yombo, ko̱ ba hiouna Ouone a njou‐lana‐bilaouli.

Apocalypse 6:1

Da mè ko̱, ko̱ goune badoua on sél fèn mbo̱la mbéo an zéng an difala‐séré on, da mè la fèn mbéo an woro fènli on nèng ko̱ yan sa baï mahana ka bo̱ko̱ ndouna‐mbame: Mo gui.

Apocalypse 15:3

Da kli di sing a Moïse, koï a Ouone, da sing a Goune badoua a Ouone on, ka sa: Ndingna pina amo ba loukoukè da kak aïya fèn, o Nanjou, Ouone Njèran‐hota‐bon! Ka mboro no mo ba guédék da babaï, mo nanjoukaou a pime pouli.