Apocalypse 3:4 - Féké Testament 1947

⁴ Da mo jing ling hanali a Sardes ko̱ la akli tane ga ba dakame ya, da yé kli ma sé jing mi jing pouki la, baï ko̱ kli mabongkè.

Apocalypse 3:4 ပူးပေါင်းရင်းမြစ်များ

Apocalypse 7:9

Da afal fèn aïnli, mè ko̱ da mono, njoukouli ro̱ko̱ta ko̱ njoukou mbéo tane ma baï kèna kli ya, kli gui ka pime pouli, njoukouli bon, kadouk bon, da mèran njoukouli toutoul bon, da ka njakabaïli bon. Kli o bèl kangala njaka bara da mona Goune badoua, kli bou pouki la da kli ba di ndèng‐è an ndo̱ko̱ kli.

Apocalypse 3:5

Kè on ko̱ gnèrèn baï njéna, yé kè bou pouki la, mahana ka on; da mè ma taka ling‐è guèfal an takarata a yana gounfènakè ya, da mè ma sa ling‐è bi kala an nona Baba ni tèn nona ange nèli.

Apocalypse 6:11

Da kè hi pouki la hi kli mbéo mbéo bon, da mi sa hi kli, an klime kaou ba aféké gounfènakè, bo̱l tèn name a njou‐ndo̱ko̱ba bakara akli kéng da yine klili mi ma falkè, an njoukouli mi i kli mahana ko̱ mi i kli fèn kli jinguèl.

Apocalypse 19:14

Da wila tourougouli on an nonkala mi tong nè an toul pouki yangali, kli bou la lin ko̱ bèl maïya, da poukou ta da tang ta.

Apocalypse 4:4

Da bèl kangala njaka bara on ka mbora lèkè bon kangala njaka barali bongkè‐séré‐faltoulkè‐nèng mana. Da mè ko̱ tangchidoli bongkè‐séré‐faltoulè‐nèng makaou toul kangala njaka barali on, da kli bou pouki la, da mbélé couronneli l’or goukou toul kli.

Apocalypse 3:18

Mè wara mo baï zéna l’or an ndo̱ko̱ ni ko bi an hèlè tou. Mono on an mo mi tèn ba njou‐nguèra, da zé pouki la, an mo mi bou la, an klime ko̱ chonron séna bolok amo bi kala ya, da zé ndame bina toul nono, mono on, an mone ko̱ guèl.

Apocalypse 19:8

Da kè hi nè baï bouna la lin ko̱ o̱ ta da tang ta, baï ko̱ la lin ba pina guédék a njou‐lana‐bilaouli.

Jude 1:23

Da oui kou hanali, oui ba kli an none hèlè; da afékéli oui nding haïo hi kli ka waou, oui jèk la on ko̱ ba dakame ka naïn‐mone.

Saint Luc 21:36

Da oui zèng guèbassoko ka sa jo̱jo̱ Ouone baï jingna njèran ka pènrèn fèn aïnli bon ko̱ nding baï guina, da oui o an bo̱ko̱ nona Goune a njoukou.

Saint Marc 16:5

Da ko̱ klime ri guè bil pal on, kli ko̱ bala goune makaou mboro wonron ndo̱ko̱, ka bou pouki la, da laou kli mi sé siya.

Saint Luc 20:35

Da kli on ko̱ Ouone mi di kli ko̱ mi ma baï name ko̱ mi nding baï guina, da ma baï tomnahoulkèli an wora houli, kli tane é waïn ya, da kli tane hi waïn hi wonron baï éna nè ya.

Saint Matthieu 10:11

Da loukou pou maléba lélé pou hana ko̱ ouime kan rou, oui gui ka nza njoukou an bilkè ko̱ ma baï pamna oui, da oui kaou jing nè bo̱l tèn oura.

Apocalypse 11:13

Ka l’heure o̱kèo̱ koukoula to̱ nyèta, da mbéo a woro an zéng a bo a pou on mi lé; da koukoula on ko̱ to̱ i njoukouli mane ténakè‐bongkè‐difala‐séré, da waou i gara njoukouli, da kli hi jonafèn hi Ouone an nonkala.

2 Thessalonicienli 1:5

Fèn on mi bi saon walabaï guédék a Ouone kala. Mono on, an mi wal baï ko̱ oui ma bilkaou a Ouone on ko̱ ouime to̱ko̱ssé baï toulkè.

Pinali a Njou‐Mboro‐Pinali 1:15

Ka séssé o̱kèo̱ Pierre mi ourou siya an wora yindi, ro̱ko̱na njoukouli on ko̱ mi ndoï, kli mane ténakè‐mbéo‐faltoulè‐bongkè‐séré, kè sa:

Apocalypse 1:11

mi sa: Fèn on ko̱ mome ko̱ mo dé an takarata, da mo pi on hi égliseli difala‐séré on, hi Éphèse, da hi Smyrne da hi Pergame, da hi Thyatire, da hi Sardes, da hi Philadelphie, da hi Laodicée.

Apocalypse 14:4

Njoukouli on ba kli on ko̱ tane ga nding mone kli ba fèn dakame jing waïnli ya, baï ko̱ kli ba tikilali. Njoukouli on ba kli on ko̱ sé fala Goune badoua an guèl bon ko̱ kème sé. Mi zé kli an wora njoukouli, baï ko̱ klime gui titili lénakè baï a Ouone, da baï a Goune badoua on.