Apocalypse 3:21 - Féké Testament 1947

²¹ Kè on ko̱ gnèrèn baï njèna, yé mè ma hi nè baï kaouna jing mi an kangala njaka bara ni, mahana ka mè, ko̱ gnèrèn baï njéna kéng jinguèl, da kaou jing Baba ni an kangala njaka bara nè.

Apocalypse 3:21 ပူးပေါင်းရင်းမြစ်များ

2 Tim 2:12

Da tokoré name ba pou, yé na ma ndé na gangna jing nè kéng, da tokoré name njomo nè, yé kè ma ndé njomo na kéng.

Saint Matthieu 19:28

Da Jésus mi sa hi kli: Babaï, mi mè sa hi oui, ka name baï féra ndingna fèn ba aféké, ko̱ Goune a njoukou makaou an kangala njaka bara nè ka jonafèn amè, oui kéng ko̱ gui bong ni, yé oui kaou kangala njaka bara botoulè‐séré, baï wala baï ka douk a Israël botoulè‐séré.

Saint Jean 16:33

Mè sa fèn aïnli hi oui, baï an ouime jing go̱ro̱ iki an bili. Oui ma to̱ko̱ssé nyèta an bilkaou koukoula aïn, da oui kaou ka go̱ro̱ iki, baï ko̱ mème gnèrèn bilkaou koukoula aïn tou.

Apocalypse 2:7

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna, mè ma hi nè baï sona lénadi yana ko̱ mana a guèl Paradis a Ouone.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Saint Luc 22:30

an ouime son ka njo an table ni an bilkaou ni, da yé oui makaou an kangala njaka barali baï wala baï hi douk a Israël botoulè‐séré.

Apocalypse 20:4

Da mè ko̱ kangala njaka barali, da kli on ko̱ kaou toulkèli, da kè hi kli baï wala baï. Da mè ko̱ laou akli on ko̱ kli koung sol kli jinguèl, baï ko̱ klime sa bongbaï a Jésus, da baï Baïnjaka a Ouone, da kli on ko̱ tane ga houkou an mbèla naïn on ka hiou nè ya, maléba tétéme nè ya, da tane ga ya déna an njaka moung kli maléba ndo̱ko̱ kli ya. Kli pane yana da kli ndé na gangna kira Christ baï saka ténakè bo.

Apocalypse 1:6

da kè nding na an name gui bilkaou da sacrificateurli baï a Ouone da Baba nè, mi hi jonafèn da name gangna hi nè guèbassoko kambèlè! Amen!

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

Apocalypse 7:17

Baï ko̱ yé Goune a Ouone on ko̱ makaou bèl kangala njaka bara on ba njou‐kora akli, da ma ko̱ro̱ kli, da miri kli an mboro toutoung mbili ko̱ ya, da Ouone ma taka mbi léou bon an nona kli guèfal.

Apocalypse 6:2

Mè ko̱ da mono on, pouki yanga tèn da kè on ko̱ kaou toulè mi yé jing ngaou; da kli hi mbélé couronne hi nè, da kè gui gnèran fèn, da baï gnèran fèn.

Saint Matthieu 25:21

Nanjou nè mi sa hi nè: Mo nding bèlta tou, mo ba bèla njou‐bakara lo̱do̱k; mo ndik laou‐o̱ toul goune fèn, yé mè ma hi fènli nyèta hi mo, baï onabong pina; da mo ri gui bil jangnandaï a nanjou no.

Apocalypse 5:10

Da mo mosso kli baï guina bilkaou da sacrificateurli baï a Ouone na, da kli na gangna toul koukoula.

Apocalypse 20:6

Jangnandaï da tangna fofoto mi ba baï akli ko̱ ndoï jing kli ka titili tomnahoulkèli! Houl an bo̱ko̱ sérékè jing njèran baï ndingna fèna jing kli gounfènakè ya; da kli ma kaou ba sacrificateurli a Ouone da a Christ, da kli ma na gangna mabahana jing nè saka ténakè‐bo.

Saint Jean 13:32

Da tokoré Ouone mi ya jonafèn an bilè, Ouone ma hi jonafèn hi nè fènè an bilè, da koukoulion kè ma hi jonafèn hi nè.