Apocalypse 3:12 - Féké Testament 1947

¹² Kè on ko̱ gnèrèn baï njéna, yé mè mosso nè ba dibi temple a Ouone ni, da yé kè ba tèna kala ba aféké tane tiya; yé mè ma dé ling a Ouone ni bi toulè, da dodok féké ling ni, da ling a pou a Ouone ni, féké Jérusalem ko̱ ourou gui ka nonkala, an guèl a Ouo̱ne ni, da diri gui koukoula.

Apocalypse 3:12 ပူးပေါင်းရင်းမြစ်များ

Apocalypse 22:4

Da kli ma ko̱ nonè da ling‐è ma dé bi njaka moung kli.

Apocalypse 21:2

Da mè ko̱ tangna fofoto pou on, féké Jérusalem, gui ka nonkala da ourou an mona Ouone, mi diri gui koukoula, ko̱ mosso monè tou mahana ka féké waïn on ko̱ bou fèn ling baï a wa nè.

Apocalypse 14:1

Da mè ko̱, da mono Goune badoua ko̱ mi o toul souraguèl Sion, da njoukouli ténakè‐ténakè‐bo‐bo̱ko̱kè‐ténakè‐bo‐bongkè‐nèng‐faltoulkè‐ténakè‐bongkè‐nèng jing nè, kli on ko̱ mi dé ling‐é da ling a Baba nè bi njaka moung akli.

Galateli 2:9

Da ko̱ klime toutou ko̱ Ouone mi hi ndingna mbo̱l on hi mi tou, mono on Jacques da Céphas tèn Jean, ko̱ klime ko̱ kli mahana yé ba ga?-?do̱ngnon di, mi ba ndo̱ko̱ ni kira Barnabas ka nona ro̱kè, an name ma baï séna guè mona mèran gentili, da klime sé akli guè mona njou‐ina gassali.

Apocalypse 2:17

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna, mè ma hi manne on hi nè ko̱ mou, da mè ma hi pouki kone hi nè; da dé féké ling toul kone on, ko̱ njoukouna tane tou ya, wara kè on ko̱ ya nè ya.

Hébreuli 12:22

Da oui gui diya jing souraguèl a Sion, da loukou pou a Ouone ko̱ yan, Jérusalem a nonkala da oui gui diya jing angeli ko̱ mi ro̱ko̱ta maïya on, ko̱ njoukouna mi ma baï kènakè ya,

Titili Takarata a Jean ko̱ dé 4:4

Lélé goune nili, oui ba a Ouone, da ouime gnèrèn kli jing njèran tou, baï ko̱ kè on ko̱ kaou an bil baï, kème ta kè on ko̱ mi kaou an koukoula aïn.

Apocalypse 2:7

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna, mè ma hi nè baï sona lénadi yana ko̱ mana a guèl Paradis a Ouone.

Éphésienli 3:15

ko̱ mèran babali bon an nonkala tèn an koukoula mi jing ling kli mbo̱l kè,

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

Hébreuli 13:14

Baï ko̱ an guèl aïn loukou pou na kambèlè ti ya, da na mi nza pou on ko̱ ma gui o̱.

Apocalypse 2:11

Kè on ko̱ soukè mana baï hana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna houl a sérékè ba ndingna bèlya jing nè tane tiya.

Apocalypse 3:5

Kè on ko̱ gnèrèn baï njéna, yé kè bou pouki la, mahana ka on; da mè ma taka ling‐è guèfal an takarata a yana gounfènakè ya, da mè ma sa ling‐è bi kala an nona Baba ni tèn nona ange nèli.

Saint Marc 12:16

Da klime bi gourou. Da Jésus mi oui kli: Tétéme mona guè tèn ling a guè ko̱ mi dé bi toulkè lé? Da klime sa hi nè ba: A César.