Apocalypse 3:1 - Féké Testament 1947

¹ Da mo dé takarata aïn hi ange a église a Sardes: Kè on ko̱ mi yé jing Espritli a Ouone difala‐séré da mèssèli difala‐séré, kè sa fèn on: Mè toutou pina noli, ko̱ mo jing ling ko̱ mome ba yana da on mo hou tou.

Apocalypse 3:1 ပူးပေါင်းရင်းမြစ်များ

1 Timothée 5:6

Da kè on ko̱ mi hi monè fènè bi jangnandaï a koukoula, kè ba njou‐houl tongna on ko̱ kème pane yana.

TAKARATA A JACQUES KO̱ DÉ 2:26

Baï ko̱ mahana ka kli‐mone on ko̱ mi tane ti jing esprit ya mi hou tou, ndé mabahana on jing tounassaon ko̱ mi tane ti jing pinakèli ya, mi hou tou.

Apocalypse 1:4

Jean pi takarata aïn hi égliseli difala‐séré on ko̱ bi an guèl Asie: an ndingna mbo̱l da go̱ro̱ iki mi hi oui, da on ko̱ ourou an kè on ko̱ mi yé, da kè on ko̱ yé jinguèl, da kè on ko̱ ma gui o, da on ko̱ mi ourou an Espritli difala‐séré on ko̱ mi yé bèl kangala njaka bara nè,

Colossienli 2:13

Da oui ko̱ ba houl jinguèl ka mboro séla guingna abaïli, da ina gassa ya a naïn‐mone baïli, kè mi kaïn féré hi yana hi oui mabahana jing nè, da kème yèng bi mboro séla guingna nali bon tou.

Jude 1:12

Kli ba kli on ko̱ ba fèn dakame an woro laka a sénahang abaï ko̱ kli son jing oui, njou‐kora badouali ko̱ mbé kli‐mone kli ka son ka mba tane waou. Kli ba yiri mbame, ko̱ ti jing mbi ya, koukouna kou kli toutoul; kli ba di ka njaka kéou ko̱ ti jing lénakè ya, houl bo̱ko̱ séré, lourou ka saonkèli;

Apocalypse 2:19

Mè toutou pina noli, da sénahang no, da tounassaon da ndingna bakara, da laïnabi, da mè toutou sèkèrè pina no honta titilikè.

Saint Luc 15:24

baï ko̱ goune ni aïn mi hou tou, da kè féré yan ba aféké; kè bo̱l tou da na ko̱ nè tou. Da kli tissaon baï jangnandaï.

Apocalypse 1:16

An mboro wonron ndo̱kè ba mèssèli difala‐séré da gamba ko̱ mi outa mbora séré bon, mi tèn kala an njakè; da nonè mi na mahana ka séssé ko̱ jang jing njèran nè.

Éphésienli 2:5

da tongna on ko̱ name ba houl ka mboro séla guingna na, kème féré yana hi na ka bila Christ, (ko̱ mi kou na ka mboro ndingna mbo̱l),

Saint Luc 15:32

Da on bèlta an name jangndaï da kaou ka go̱ro̱ iki, baï ko̱ yine no mi hou tou da kè féré yan ba aféké, da kè bo̱l tou, da na ko̱ nè tou.

Éphésienli 2:1

Da oui on ko̱ kème hi yana hi oui ko̱ ouime ba houl jinguèl ka mboro séla guingna tèn mboro békéfèn abaïli,

Apocalypse 2:13

Mè toutou guèl on ko̱ mo bi, mè toutou guèl on ba dodok kangala njaka bara a Satan mi yé, da mo ba ling ni pouta, da tane ga njé njaka toul tounassaon ami jinguèl ya, tongna ka name a Antipas njou‐lodok ko̱ sa bongbaï ni, ko̱ kli i nè an woro baï, guèl ko̱ Satan bi amè.

Apocalypse 1:20

ko̱ ba didissi fèn a mèssè aïnli difala‐séré ko̱ mo ko̱ an wonron ndo̱ko̱ ni, da gangnaguèl lampeli difala‐séré a l’or. Mèssè aïnli difala‐séré ba angeli a égliseli difala‐séré, da gangnaguèl lampeli aïnli difala‐séré ba égliseli difala‐séré.

Apocalypse 4:5

Da fana‐none‐mbame, da bo̱ko̱ baï da ndouna‐mbame tèn kala an bil kangala njaka bara on. Da lampeli difala‐séré a hèlè mi cha an bèl kangala njaka bara on, on ko̱ ba Espritli a Ouone difala‐séré.

Apocalypse 1:11

mi sa: Fèn on ko̱ mome ko̱ mo dé an takarata, da mo pi on hi égliseli difala‐séré on, hi Éphèse, da hi Smyrne da hi Pergame, da hi Thyatire, da hi Sardes, da hi Philadelphie, da hi Laodicée.

Saint Jean 1:33

Da mè tane ga tou nè ambel ya, da kè on ko̱ pi mi baï ndingna baptême an bil mbi, kè fènè mi sa hi mi: Kè on ko̱ mo ma ko̱ Esprit mi diri gui kaou laou toulè, kè mini ko̱ ma nding baptême ka Saint‐Esprit.

Saint Jean 1:16

Da na bon, na ya nguèra an ndo̱kè tou, da ndingna mbo̱l baï a ndingna mbo̱l;

Apocalypse 5:6

Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

1 Titili Takarata a Pierre ko̱ dé 1:11

Da kli koro ka nza baï aïn ba fèn, maléba namkèli ba fèn ko̱ Esprit a Christ on ko̱ na bil kli mi to̱ko̱ baï on, ko̱ kè sa bongkè ka kome jinguèl toul to̱ko̱nassé a Christ, da jonafèn ko̱ ma tèn afal.

Pinali a Njou‐Mboro‐Pinali 2:33

Mono on, Ouone mi bi ling‐è ti guè siya an mboro wonron ndo̱kè, da kème ya bina gonjaka baï Saint‐Esprit an mona Baba fènè, da kè mèn on mahana ko̱ ouime ko̱ da la.

Saint Jean 20:22

Da ko̱ kème sa on o̱tou, kè gourifèn kon toul kli, ka sa hi kli: Oui ya Saint‐Esprit.

Saint Jean 3:34

baï kè ko̱ Ouone mi pi nè, kè sa baïnjaka Ouone, baï ko̱ Ouone mi tane ga lé Esprit hi nè ya.

Apocalypse 2:9

Mè toutou to̱ko̱nassé amo, da foïna amo ba mo kaou jing nguèra, da poukounafèn akli on ko̱ sa kli ba Juifli, da kli tane ti on ya, da kli ba synagogue a Satan.

Apocalypse 2:2

Mè toutou pina noli, da fènli on ko̱ mome nding da laïnabi amo. Da mè tou ko̱ mo ma baï bouna toulo̱ jing béké njoukouli ya, da mo lé kli on ko̱ bi ling kli ba njou‐mboro‐pinali, da kli tane ti ba njou‐mboro‐pinali ya, da mo ko̱ ko̱ kli ba njou‐bana wo̱ko̱li.

Apocalypse 3:2

Mo ènrèn bèlta, da pou gara fènli on bi ko̱ mi pane da hèdi baï houl; baï ko̱ mè tane ga ko̱ pina noli guédék bon an nona Ouone ni ya.

Apocalypse 3:8

Mè toutou pina noli. Mo ko̱, baï ko̱ mo jing njèran nye ya da mo pèng bong baïnjaka ni, da tane ga njé njaka toul ling ni ya, mè bou an mbèlo njaka mboro ko̱ bourou tou, ko̱ njoukou mbéo ma tou birou ya.

Apocalypse 3:15

Mè toutou pina noli, baï ko̱ mo tane ti ba tétél ya, maléba jangnakè ya. Mè ji mo ba tétél maléba jangnakè.