Apocalypse 22:6 - Féké Testament 1947

⁶ Da kè sa hi mi: Baïnjaka aïnli mi na lodok da ba babaï; da Nanjou Ouone a espritli a prophèteli pi ange nè baï to̱ko̱na hi koï nèli fènli on ko̱ hèdi baï guina kassénaï.

Apocalypse 22:6 ပူးပေါင်းရင်းမြစ်များ

Apocalypse 1:1

Wéra none Jésus‐Christ bi kala, ko̱ Ouone mi hi nè baï to̱ko̱na hi koï nèli, fènli on ko̱ ma baï guina koukoulion; da kè pi, da kè to̱ko̱ fèn on hi njou‐bakara nè Jean, ka mboro ange nè.

Apocalypse 21:5

Da kè on ko̱ kaou toul kangala njaka bara, kè sa: Oui ko̱, mè mosso fènli bon ba fékékè. Da kè sa: Mo dé bi takarata; baï ko̱ baïnjaka on mi na lodok da babaï.

Apocalypse 19:9

Da kè sa hi mi: Mo dé bi takarata: Jangnandaï mi ba baï akli on, ko̱ mi di kli baï sona loukou laka bina waïn voulou a Goune badoua! Da kè sa hi mi: Fèn aïnli ba gba baïnjaka a Ouone.

2 Pierre 1:21

Baï ko̱ bong njaka Ouone jinguèl tane ga gui mara fal toula njoukou ya, da tangna fofoto njoukouli a Ouone sa baï mahana ko̱ Saint‐Esprit mi chome kli.

Pinali a Njou‐Mboro‐Pinali 3:18

Da fèn on ko̱ Ouone mi to̱ko̱ jinguèl ka njaka prophète nèli bon, ko̱ yé Christ nè mi to̱ko̱ssé, kème bi nonkè tèn kala ka babaï tou.

Saint Luc 1:70

Mahana ko̱ kème ti sa jinguèl ka tang ambèl ka njaka tangna fofoto prophète nèli,

Apocalypse 18:20

Oui jangndaï baï toulè, mo nonkala, da oui njou‐lana‐bilaouli, da oui njou‐mboro‐pinali, da oui prophèteli. Baï ko̱ Ouone mi wal baï walabaï, no, kon toulè.

2 Pierre 3:2

an ouime kèrè baïnjaka on ka laou baï ko̱ tangna fofoto prophèteli mi sa jinguèl, da bina baïnjaka guingna a Nanjou da njou‐yana‐baï‐toul, ko̱ njou‐mboro‐pina abaïli to̱ko̱ hi oui.

Hébreuli 12:9

Da mi ta on, na kira babali jing naïn‐mone baï wana na jinguèl da na dik kli, dadaon an name kaou bo̱ko̱ hola Baba a esprit nali guèbambèl ya, ko̱ name kaou jing yana lé?

Romainli 1:2

Bèlabaï on ko̱ kème bi gonjakè jinguèl ka mbora prophète nèli an bil tangna fofoto Takarata a Ouone,

Apocalypse 22:7

Da oui ko̱ mè gui gata. Jangnandaï mi ba baï a kè on ko̱ pèng baïnjaka on a bong njaka Ouone an takarata aïn!

1 Corinthienli 14:32

Da esprit prophèteli mi kaou bo̱ko̱ ndo̱ka prophèteli.

Saint Matthieu 13:41

Yé Goune a njoukou ma pi ange nèli da kli ma mang fènli bon on ko̱ bi fèn bèna, ka kli on ko̱ sél guingna, kon kala an bilkaou nè;

Saint Luc 16:16

Takarata guingna da prophèteli mana ti dambèl ko̱ Jean mi gui; da afal ka séssé o̱kèo̱ soko, kli sa mboura bèlabaï toul bilkaou a Ouone, da njoukouli bon mi ri sé guè bilkè ndo̱t.

2 Thessalonicienli 1:7

Da oui on ko̱ mi to̱ko̱ssé, oui kaou pouta mahana ka na, ko̱ Nanjou Jésus mi tèn gui an nonkala jing angeli a njèran nè an bil léme sél hèlè,

1 Corinthienli 7:29

Da mème ji sana baï aïn hi oui yindi name diya tou; da afal aïn kli on ko̱ mi jing waïn, klime kaou mahana yé ba ko̱ waïn kli mi tane tiya on.

Pinali a Njou‐Mboro‐Pinali 12:11

Da ko̱ Pierre mi kèrè fal monè, kè sa: Kassénaï mè toutou ka babaï, ko̱ Nanjou mi pi ange nè, baï séla mi an ndo̱ka Hérode, da baï séla mi an fènli on bon ko̱ njou‐Juifli mi voro.

Apocalypse 4:1

Afal fèn aïnli, mè ko̱ da mono, njaka mboro bourou an nonkala. Titili mbo̱ko̱ ko̱ mè la, bo̱ko̱ baï mahana ka gaga mbo̱sso̱ ko̱ sa baï hi mi, ka sa: Mo hé gui guèl aïn, da yé mè ma to̱ko̱ fènli hi mo ko̱ ma baï guina afal da.

Apocalypse 21:9

Da hana mbéo an zéng angeli difala‐séré on ko̱ mi yé jing dina tassi difala‐séré on ko̱ mba jing sèkèrèkè fèn békékèli difala‐séré, kè gui da sa hi mi, ka sa: Mo gui guèl aïn, mè ma to̱ko̱ hi mo waïn on, wain a Goune badoua.

Apocalypse 22:1

Da kè to̱ko̱ hi mi loukou mbi yana, ko̱ o̱ mahana ka jo̱kanya ko̱ tèn an kangala njaka bara a Ouone da a Goune badoua on,

Apocalypse 22:16

Mè Jésus, mè pi ange ni baï sana bongbaï fèn aïnli, baï a égliseli. Mè ba saon da mèran David, mèssè ko̱ cha ka toulapélé.