Apocalypse 22:10 - Féké Testament 1947

¹⁰ Da kè sa hi mi: Mo tou baïnjaka on a bong njaka Ouone an takarata aïn ka fèn mbo̱la ya; baï ko̱ namkè hèdi tou.

Apocalypse 22:10 ပူးပေါင်းရင်းမြစ်များ

Apocalypse 1:3

Jangnandaï ba baï a kè on ko̱ kèn, da kli on ko̱ la baïnjaka on ko̱ ba bong njaka Ouone, da kli pèng fènli on bon ko̱ dé an takarata on, baï ko̱ namkè hèdi tou.

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.

Apocalypse 10:4

Da ko̱ ndouna mbamli difala‐séré mi sa baï akli o̱ tou, mè nding baï déna baï on an takarata; da mè la bo̱ko̱ on ko̱ mi gui ka nonkala, ka sa: Mo mbo̱lo̱ fènli on ko̱ ndouna mbamli difala‐séré sa, da dé on bi takarata ya.

Saint Matthieu 10:27

Baï on ko̱ mè sa hi oui ka bo̱ko̱ yilime, oui sa ka nona sé; da baï on ko̱ ouime la ka soukou baï, ouime sa bongkè an toul voulouli.

Romainli 13:12

Hangnachoung mi hèdi baï tana tou, da séssé mi nding baï tèna. Mono, dadaon an name njomo pina yilime ka bou fèn béré a takanafèn.

Apocalypse 22:16

Mè Jésus, mè pi ange ni baï sana bongbaï fèn aïnli, baï a égliseli. Mè ba saon da mèran David, mèssè ko̱ cha ka toulapélé.

Apocalypse 5:1

Da mè ko̱ an mboro wonron ndo̱ka kè on ko̱ kaou toul kangala njaka bara, takarata on ko̱ baï dé an bilkè bon da an kaïnkè bon, da ko̱ goukou nè bi ka fèn mbo̱lali difala‐séré.

2 Thessalonicienli 2:3

Oui yèng an njoukouna mbéo mi tane mong oui ka mboro baï aféké ka toul ya; baï ko̱ yé name on ba guina tiya, ambèl ko̱ njoukouli nyèta mi yèng mboro on, da njou‐séla guingna mi tèn an nona njoukouli, goune houl an guèl hèlè,

Apocalypse 22:20

Kè ko̱ sa bongbaï a fèn aïnli kè sa: Babaï mè gui gata. Amen! Mo gui, Nanjou Jésus!

Romainli 13:11

Da oui nding fèn on baï an ouime tou namkè, baï ko̱ kassénaï séssé mi mabongkè tou an ouime tome name. Baï ko̱ kassénaï yana‐baï‐toul ama mi gui diya ta name on ka titilikè jinguèl ko̱ name la bilaou.

Apocalypse 1:11

mi sa: Fèn on ko̱ mome ko̱ mo dé an takarata, da mo pi on hi égliseli difala‐séré on, hi Éphèse, da hi Smyrne da hi Pergame, da hi Thyatire, da hi Sardes, da hi Philadelphie, da hi Laodicée.

Apocalypse 22:7

Da oui ko̱ mè gui gata. Jangnandaï mi ba baï a kè on ko̱ pèng baïnjaka on a bong njaka Ouone an takarata aïn!

Apocalypse 22:9

Da kè sa hi mi: Mo pèng bèlta ka nding fèn on ya. Mè ba njou‐ndo̱ko̱ba bakara jing mo, da jing yine noli, ko̱ ba prophèteli, da jing kli on ko̱ pèng baïnjaka a takarata aïn: Mo hiou ba Ouone.

Apocalypse 22:18

Mè sa bongbaï hi njoukouli bon on ko̱ la baïnjaka on a bong njaka Ouone an takarata aïn. Tokoré njoukouna mi hi baï aféké kon toulkè, yé Ouone ma hi kon toulè fèn békékèli on ko̱ dé an bil takarata aïn;