Apocalypse 22:1 - Féké Testament 1947

¹ Da kè to̱ko̱ hi mi loukou mbi yana, ko̱ o̱ mahana ka jo̱kanya ko̱ tèn an kangala njaka bara a Ouone da a Goune badoua on,

Apocalypse 22:1 ပူးပေါင်းရင်းမြစ်များ

Apocalypse 7:17

Baï ko̱ yé Goune a Ouone on ko̱ makaou bèl kangala njaka bara on ba njou‐kora akli, da ma ko̱ro̱ kli, da miri kli an mboro toutoung mbili ko̱ ya, da Ouone ma taka mbi léou bon an nona kli guèfal.

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Apocalypse 21:6

Da kè sa hi mi: Baï on tèn babaï tou! Mè ba Alpha da Omèga, titilikè da sèkèrèkè. Kè on ko̱ po̱ko̱ mbi mi i nè, mè ma hi toutoung mbi yana hi nè, ka bavè.

Apocalypse 22:17

Da Esprit da féké waïn sa: Mo gui. Kè ko̱ la, an kème sa: Mo gui. Kè ko̱ po̱ko̱ mbi mi i nè, an kème gui; kè ko̱ ji ji, an kème jo̱ mbi yana on ko̱ ba bavè.

Apocalypse 3:21

Kè on ko̱ gnèrèn baï njèna, yé mè ma hi nè baï kaouna jing mi an kangala njaka bara ni, mahana ka mè, ko̱ gnèrèn baï njéna kéng jinguèl, da kaou jing Baba ni an kangala njaka bara nè.

Pinali a Njou‐Mboro‐Pinali 2:33

Mono on, Ouone mi bi ling‐è ti guè siya an mboro wonron ndo̱kè, da kème ya bina gonjaka baï Saint‐Esprit an mona Baba fènè, da kè mèn on mahana ko̱ ouime ko̱ da la.

Apocalypse 21:11

Da jonafèn a Ouone jing nè, da kè cha mahana ka kakaïya kone, da mahana ka kone jaspe, da o̱ gnane gnane mahana ka jo̱kanya cristal.

Saint Jean 15:26

Da ko̱ Kè‐baïlénambèl mi gui, kè on ko̱ mè ma pi nè gui hi oui ka mona Baba fènè, kè ba Esprit a babaï, kè on ko̱ ma ourou gui ka mona Baba, yé kè ma sa bongbaï ni.

Apocalypse 5:13

Da fènli on bon ko̱ Ouone mosso ko̱ mana an nonkala da an koukoula da an bo̱ko̱ koukoula, da an toul none loukou‐mbi‐tome, da fènli on bon ko̱ mana an bilkè, mè la ko̱ kli sa: An kè on ko̱ kaou toul kangala njaka bara, da an Goune badoua mi hi samnafèn, da dikna, da jonafèn da name gangna, kambèlè go̱ kambèlè.

Apocalypse 5:6

Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

Apocalypse 1:1

Wéra none Jésus‐Christ bi kala, ko̱ Ouone mi hi nè baï to̱ko̱na hi koï nèli, fènli on ko̱ ma baï guina koukoulion; da kè pi, da kè to̱ko̱ fèn on hi njou‐bakara nè Jean, ka mboro ange nè.

Apocalypse 21:9

Da hana mbéo an zéng angeli difala‐séré on ko̱ mi yé jing dina tassi difala‐séré on ko̱ mba jing sèkèrèkè fèn békékèli difala‐séré, kè gui da sa hi mi, ka sa: Mo gui guèl aïn, mè ma to̱ko̱ hi mo waïn on, wain a Goune badoua.

Apocalypse 22:6

Da kè sa hi mi: Baïnjaka aïnli mi na lodok da ba babaï; da Nanjou Ouone a espritli a prophèteli pi ange nè baï to̱ko̱na hi koï nèli fènli on ko̱ hèdi baï guina kassénaï.

Saint Jean 13:32

Da tokoré Ouone mi ya jonafèn an bilè, Ouone ma hi jonafèn hi nè fènè an bilè, da koukoulion kè ma hi jonafèn hi nè.