Apocalypse 21:8 - Féké Testament 1947

⁸ Da kli on ko̱ ngou waou, da tane ga la bilaou ya, da kli ko̱ sène fèn ta da njou‐ina njoukouli, da njou‐ndingna maïnli, da njou‐hala ngalali da njou‐téna ndamli, da njou‐bana wo̱ko̱li bon, kli ma jing guèl akli an bil étang ko̱ jang jing hèlè da soufre, ko̱ ba houl a bo̱ko̱ sérékè.

Apocalypse 21:8 ပူးပေါင်းရင်းမြစ်များ

Apocalypse 2:11

Kè on ko̱ soukè mana baï hana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna houl a sérékè ba ndingna bèlya jing nè tane tiya.

Apocalypse 22:15

An kala ba nvali, da njou‐hala ngalali, da njou‐maïnli, da njou‐ina njoukouli, da njou‐téna ndamli, da njoukou mbéo mbéo bon ko̱ sé hang wo̱ko̱ da ba wo̱ko̱!

Titili Takarata a Jean ko̱ dé 3:15

Njoukou on ko̱ jèk yine nè ba njou‐ina njoukou, da oui toutou ko̱ njou‐ina njoukou hana mbéo mi tane ga ti jing yana kambèlè an bilè ya.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Hébreuli 13:4

Dadaon an njoukouli mi ji ba bina waïn voulou an woro baï bon, da to̱ko̱ name bina waïn voulou mi na ba dakame ya, baï ko̱ Ouone ma wal baï hi njoukouli on ko̱ nding fèn dakame da njou‐maïnli.

1 Timothée 4:2

ka mboro mongnafèn a njoukouli on, ko̱ mi ba wo̱ko̱, klime piou laou‐tounafèn akli fèn kli, mahana ka réme ko̱ hèlè mi reng rou nyèta.

Saint Matthieu 8:26

Da kè sa hi kli: Baïfèn da waou mi i oui on lé? oui njoukouli jing tounassaon nyè ya! Da on kè ourou siya ka to koukouna da loukou mbi, da guèl mi o chiou.

Apocalypse 9:21

da kli tane ga hèkè baï ina njoukou klili ya, kli tane ga hèkè baï pouna ngala akli ya, kli tane ga hèkè ndingna rome akli ya, kli tane ga hèkè mboro riya akli ya.

Saint Jean 8:44

Oui ba a baba baï zabolo, da ji baï ndingna nzala a baba baï. Baï ko̱ ka titilikè, kè ba njou‐ina njoukou, da tane ga kaou guèl babaï ya, baï ko̱ babaï mi tane ti bilè gounfènakè ya. Da ko̱ kème ba wo̱ko̱ kè sa baï ba amè fènè; baï ko̱ kè ba njou‐bana wo̱ko̱ da kè ba baba a wo̱ko̱.

Saint Matthieu 10:28

Da oui nding waou jing kli on ko̱ mi i kli‐mone ya, da tane ma baï ina laou baï ya; da oui waou ba kè on ko̱ ma baï bona laou da kli‐mone bon an guèl hèrè.

Titili Takarata a Jean ko̱ dé 2:22

Guème ko̱ ba njou‐bana wo̱ko̱, tokoré mi tane ti ba kè on ko̱ mi njé njaka ba Jésus mi tane ti ba Christ ya lé? Kè on ko̱ ba antichrist ko̱ mi njé njaka baï a Baba fènè tèn Goune.

Titili Takarata a Jean ko̱ dé 5:10

Kè ko̱ mi la bilaou a Goune a Ouone kème jing bongbaï an bilè fènè; kè ko̱ mi tane ga la bilaou a Ouone ya, kème nding Ouone tèn njou‐bana wo̱ko̱, baï ko̱ kème tane ga la bilaou bongbaï on ko̱ Ouone mi sa toula Goune nè ya.

Apocalypse 2:2

Mè toutou pina noli, da fènli on ko̱ mome nding da laïnabi amo. Da mè tou ko̱ mo ma baï bouna toulo̱ jing béké njoukouli ya, da mo lé kli on ko̱ bi ling kli ba njou‐mboro‐pinali, da kli tane ti ba njou‐mboro‐pinali ya, da mo ko̱ ko̱ kli ba njou‐bana wo̱ko̱li.

2 Thessalonicienli 2:9

Guina a njoukou on ka ba mboro pina a Satan jing njèran da fèn to̱ko̱nakèli, da fèn sakamli a wo̱ko̱li bon on, ko̱ mi hi laou a njoukouli bon sé siya,

Hébreuli 12:24

Da Jésus on ko̱ ba njou‐vonabaï a féké bina gonjaka an none hana, da wèna séme on ko̱ sa baï bèlta mi ta a Abel.

Tite 1:16

Kli sa bi kala klime toutou Ouone da klime njomo nè ka mboro pina akli, kli sène fèn maïya, kli fa baï ta, da jing bèla pina bon laou kli tane mabong lénakè ya.

Apocalypse 9:17

Da mono on, mè ko̱ yangali on mahana ka lola, da kli on ko̱ kaou toul kli jing yé a hang kli mahana ka hèlè a hyacinthe da soufre. Da toula yangali on mi na yé ba toula mamouli; da hèlè da soussoukou da soufre tèn kala an njaka kli.

Apocalypse 14:10

yé kè njo vin hèrè a Ouone kéng, ko̱ mi si tane joukoura bil kopo hèrè amè, da yé kè ma to̱ko̱ssé an hèlè, da soufre, an nona tangna fofoto angeli, da an nona Goune badoua on.

Apocalypse 21:27

Da békéfèn mbéo mi ma baï guina an bilkè gounfènakè ya, maléba kè ko̱ sène fèn da ba wo̱ko̱; da ba kli on bo̱l ko̱ kè dé ling kli bi bil takarata yana a Goune badoua on.

Saint Matthieu 25:25

Da waou i mi, da mè ourou ka sé mou talent no bo̱ko̱ koukoula; mo ko̱ fèn no mi naï.

Saint Marc 9:44

Dadaon an mome sé ka komoron ka ndo̱ko̱ guè guèl yana, ta séna jing ndo̱ko̱ séré guè guèl hèlè on ko̱ hou ya.