Apocalypse 21:6 - Féké Testament 1947

⁶ Da kè sa hi mi: Baï on tèn babaï tou! Mè ba Alpha da Omèga, titilikè da sèkèrèkè. Kè on ko̱ po̱ko̱ mbi mi i nè, mè ma hi toutoung mbi yana hi nè, ka bavè.

Apocalypse 21:6 ပူးပေါင်းရင်းမြစ်များ

Saint Jean 4:10

Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo.

Apocalypse 7:17

Baï ko̱ yé Goune a Ouone on ko̱ makaou bèl kangala njaka bara on ba njou‐kora akli, da ma ko̱ro̱ kli, da miri kli an mboro toutoung mbili ko̱ ya, da Ouone ma taka mbi léou bon an nona kli guèfal.

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Romainli 8:32

Kè on ko̱ mi tane ga dèn dodok Goune nè ya, ka hi nè baï toula bon, yé kè ma hi fènli bon bo̱on hi na guèbambèl mahana jing nè kéng ya lé?

Apocalypse 22:17

Da Esprit da féké waïn sa: Mo gui. Kè ko̱ la, an kème sa: Mo gui. Kè ko̱ po̱ko̱ mbi mi i nè, an kème gui; kè ko̱ ji ji, an kème jo̱ mbi yana on ko̱ ba bavè.

Apocalypse 1:8

Mè ba Alpha da Oméga, Nanjou, Ouone mi sa, kè on ko̱ mi yé, da kè ko̱ yé jinguèl, da kè on ko̱ ma gui o, Njèran‐honta‐bon.

Romainli 3:24

ko̱ mi nding kli gui guédék jing ndingna mbo̱l aïnli ka bavè, ka mboro chonakè on ko̱ mi na ka bila Christ‐Jésus.

Apocalypse 22:13

Mè ba Alpha da Oméga, titilikè da sèkèrèkè, tèn saoukè da o̱rakè.

Apocalypse 16:17

Da a difala‐sérékè si dina tassi nè kon hanguèl nonkala. Da bounaka mi béta guè siya tèn kala an bil temple an kangala njaka bara, ka sa: Mi o̱ tou.

Apocalypse 1:17

Da ko̱ mème ko̱ nè, mè lé bou mbèlè, mahana ka njoukou ko̱ mi hou tou. Da kè goukou wonron ndo̱kè touli, ka sa: Mo ngou waou ya! Mè ba titilikè da sèkèrèkè bon,

1 Corinthienli 2:12

Da name tane ga ya esprit a bilkaou koukoula aïn ya, da name ya ba esprit on ko̱ mi gui ka mona Ouone tou, mono on an name ma baï touna fènli on bon, ko̱ Ouone mi hi na ka ndingna mbo̱l nè.

Apocalypse 10:6

Kè lou fèn ka ling a kè on ko̱ yan kambèlè go̱ kambèlè, kè on ko̱ mosso nonkala da fènli on ko̱ mi na an bilkè, da koukoula da fènli bon ko̱ mi na an bilkè, da loukou mbi tome da fènli bon ko̱ mi na an bilkè; ko̱ name mi yé ba aféké ya.

1 Corinthienli 3:12

Da tokoré njoukouna mi za voul bi toul bètè on jing l’or, l’argent, da kakaïya kondi, di, nzara tèn pa; yé none pina njoukouli mane mbéo mbéo bon ma wéré bi kala;

Apocalypse 1:11

mi sa: Fèn on ko̱ mome ko̱ mo dé an takarata, da mo pi on hi égliseli difala‐séré on, hi Éphèse, da hi Smyrne da hi Pergame, da hi Thyatire, da hi Sardes, da hi Philadelphie, da hi Laodicée.

1 Corinthienli 3:21

Mono baï on, an njoukouna mi tane jone njoukouli ya; baï ko̱ fènli bon ba abaï,

1 Corinthienli 3:5

Mono on, Apollos ba guè lé? Da Paul ba guè lé? Kli ba njou‐bakarali a Ouone, ka mboro on ko̱ ouime la bilaou da mahana on ko̱ Nanjou mi hi kli mane mbéo mbéo bon.

Saint Jean 4:11

Waïn on sa hi nè: Nanjou, fèna tane ti an ndo̱ko̱ baï douna mbi rou ya, da lo̱ko̱ mbi on dita; kong mo jing mbi yana on an hane dé?

Apocalypse 3:14

Mo dé takarata aïn hi ange église a Laodicée: Amen, gba sana bongbaï lodok, titili mossona fènli a Ouone, kè sa fènli on: