Apocalypse 21:2 - Féké Testament 1947

² Da mè ko̱ tangna fofoto pou on, féké Jérusalem, gui ka nonkala da ourou an mona Ouone, mi diri gui koukoula, ko̱ mosso monè tou mahana ka féké waïn on ko̱ bou fèn ling baï a wa nè.

Apocalypse 21:2 ပူးပေါင်းရင်းမြစ်များ

Hébreuli 11:10

Baï ko̱ kème oli loukou pou on ko̱ bètèkèli mi na pouta, ko̱ Ouone mi ba njou‐mossonakè da njou‐ndingnakè.

Apocalypse 3:12

Kè on ko̱ gnèrèn baï njéna, yé mè mosso nè ba dibi temple a Ouone ni, da yé kè ba tèna kala ba aféké tane tiya; yé mè ma dé ling a Ouone ni bi toulè, da dodok féké ling ni, da ling a pou a Ouone ni, féké Jérusalem ko̱ ourou gui ka nonkala, an guèl a Ouo̱ne ni, da diri gui koukoula.

Apocalypse 21:10

Da kè ya mi an bila Esprit toul loukou gangna souraguèl, Da to̱ko̱ hi mi tangna fofoto pou on Jérusalem, ko̱ gui ka nonkala, da ourou mona Ouone da diri gui tiya.

Hébreuli 13:14

Baï ko̱ an guèl aïn loukou pou na kambèlè ti ya, da na mi nza pou on ko̱ ma gui o̱.

Hébreuli 12:22

Da oui gui diya jing souraguèl a Sion, da loukou pou a Ouone ko̱ yan, Jérusalem a nonkala da oui gui diya jing angeli ko̱ mi ro̱ko̱ta maïya on, ko̱ njoukouna mi ma baï kènakè ya,

Apocalypse 22:19

da tokoré njoukouna mi lou guèfal baïnjaka on a bong njaka an bil takarata aïn Ouone ma lou guèlè guèfal an di yana, da guèlè an tangna fofoto pou, fèn aïnli on ko̱ takarata sa baï toulkè.

2 Corinthienli 11:2

Baï ko̱ noni mi sènta jing sèna nona Ouone baï toul baï, baï ko̱ mème baka oui bi tou hi ba wa mbéo bo̱l, mono on, an mème hi oui hi Christ mahana ka tikila ko̱ tang ta.

Apocalypse 11:2

Da njaka sél ko̱ na kala an njaka temple, mo yèng nè kala da lé nè ya; baï ko̱ mi hi on hi mèran gentili, da kli ma nda ka bo̱ko̱ kli tangna fofoto pou on féou bongkè‐nèng‐faltoulkè‐séré.

Apocalypse 1:9

Mè, Jean yine baï da ndo̱ko̱ba baï an guèl to̱ko̱nassé da bilkaou da laïnabi on ko̱ mi na an bila Jésus, mè makaou jinguèl an bil koua on ko̱ kli bi lingkè ba Patmos, baï a baïnjaka a Ouone da bongbaï a Jésus.

Apocalypse 1:4

Jean pi takarata aïn hi égliseli difala‐séré on ko̱ bi an guèl Asie: an ndingna mbo̱l da go̱ro̱ iki mi hi oui, da on ko̱ ourou an kè on ko̱ mi yé, da kè on ko̱ yé jinguèl, da kè on ko̱ ma gui o, da on ko̱ mi ourou an Espritli difala‐séré on ko̱ mi yé bèl kangala njaka bara nè,

Apocalypse 1:1

Wéra none Jésus‐Christ bi kala, ko̱ Ouone mi hi nè baï to̱ko̱na hi koï nèli, fènli on ko̱ ma baï guina koukoulion; da kè pi, da kè to̱ko̱ fèn on hi njou‐bakara nè Jean, ka mboro ange nè.

Saint Jean 3:29

Kè ko̱ ya waïn nè tou, kè ba wa waïn; da bako̱la nè mi o baï lana baï nè, jangndaï nyèta baï lana mbo̱ko̱ baï a wa waïn on; mono, jangnandaï ni on mi mba.

Hébreuli 11:16

Da kassénaï on kli ji guèl ko̱ bèl honta ko̱ mi sa an nonkala, baï on chonron tane sé Ouone baï kli ya, ko̱ klime di nè ba Ouone akli, baï kè mosso loukou pou a kli tou.

Apocalypse 21:9

Da hana mbéo an zéng angeli difala‐séré on ko̱ mi yé jing dina tassi difala‐séré on ko̱ mba jing sèkèrèkè fèn békékèli difala‐séré, kè gui da sa hi mi, ka sa: Mo gui guèl aïn, mè ma to̱ko̱ hi mo waïn on, wain a Goune badoua.

Apocalypse 22:17

Da Esprit da féké waïn sa: Mo gui. Kè ko̱ la, an kème sa: Mo gui. Kè ko̱ po̱ko̱ mbi mi i nè, an kème gui; kè ko̱ ji ji, an kème jo̱ mbi yana on ko̱ ba bavè.