Apocalypse 19:10 - Féké Testament 1947

¹⁰ Da mè lé bou koukoula bèl bo̱kè baï hiouna nè. Da kè sa hi mi: Mo yèng ka nding on ya! Mè ba njou‐ndo̱ko̱ba bakara jing mo, da jing yine noli, ko̱ pèng sana bongbaï a Jèsus. Mo hiou ba Ouone. — Baï ko̱ sana bongbaï a Jésus mi ba esprit a to̱ko̱na bong njaka Ouone.

Apocalypse 19:10 ပူးပေါင်းရင်းမြစ်များ

Saint Jean 5:39

Oui foul an bil Takarata a Ouone baï ko̱ ouime kèrè oui ma jing yana kambèlè an bilkè, da ba Takarata a Ouone on mi ko̱ sa bongbaï ni.

Hébreuli 1:14

Kli on bon ba espritli ba ndingna bakara hi Ouone, kli on ko̱ Ouone mi pi baï ndingna bakara hi kli, ko̱ yé kli ma ya pélé yana‐baï‐toul ya lé?

Apocalypse 4:10

koukoulion tangchidoli bongkè‐séré‐faltoulè‐nèng mi lé bou koukoula an mbèla kè on ko̱ kaou toul kangala njaka bara, da hiou kè on ko̱ yan kambèlè go̱ kambèlè, da kli wou mbélé couronne aklili bou bèl kangala njaka bara, ka sa:

Apocalypse 12:17

Da hèrè mi mba loukou choï on baï toula waïn aïn, da kè sé baï rouna béré jing gara njoukou nèli, kli on ko̱ pèng bong bina baï njaka guingna a Ouone, da pèng bongbaï a Jésus,

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

Titili Takarata a Jean ko̱ dé 5:10

Kè ko̱ mi la bilaou a Goune a Ouone kème jing bongbaï an bilè fènè; kè ko̱ mi tane ga la bilaou a Ouone ya, kème nding Ouone tèn njou‐bana wo̱ko̱, baï ko̱ kème tane ga la bilaou bongbaï on ko̱ Ouone mi sa toula Goune nè ya.

Hébreuli 12:25

Oui pèng mone baï bèlta an ouime pong kè on ya, ko̱ mi sa baï. Baï tokoré kli on ma baï ngouna ya, ko̱ kli pong kè on ko̱ wara kli an koukoula, na ma baï ngouna kè on ko̱ na pong nè ko̱ wara na an nonkala mahana ka fèn lé?

Saint Matthieu 4:10

Da Jésus sa hi nè: Mo sé kaïn ni, Satan! Baï ko̱ mahana ko̱ mi dé: Mo hiou ba Nanjou, Ouone no, ka nding bakara hi ba kè ka ho̱kè.

Apocalypse 14:7

Da kè sa ka bounaka béta guè siya: Oui waou Ouone, da hi jonafèn hi nè, baï ko̱ l’heure walabaï nè mi gui tou; da houkou ka hiou kè on ko̱ mosso nonkala da koukoula da loukou mbi tome, da toutoung mbi.

Apocalypse 15:4

Yé guème mi ngou waou nono ya, o Nanjou da ko̱ hi jonafèn ka ling‐o̱ ya lé? Baï ko̱ mo ho̱ko̱ ba tangna fofoto. Baï pime pouli bon ma gui da houkou an mbèlo̱ ka hiou no; baï pina guédék no mi tèn nona njoukouli bon tou.

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Apocalypse 1:9

Mè, Jean yine baï da ndo̱ko̱ba baï an guèl to̱ko̱nassé da bilkaou da laïnabi on ko̱ mi na an bila Jésus, mè makaou jinguèl an bil koua on ko̱ kli bi lingkè ba Patmos, baï a baïnjaka a Ouone da bongbaï a Jésus.

Philippienli 3:3

Na ba njou‐ina gassali ko̱ mi hiou Ouone ka mboro Esprit nè, da jone ka ba bila Christ‐Jésus, da name tane ga bi hang na toul naïn‐mone ya.

Saint Luc 24:44

Da kè sa hi kli: On ba baïnjaka ni, ko̱ mè sa hi oui jinguèl, ko̱ mème pane jing oui, mapélékè a baï ni bon mi wéré kon kala ka babaï, ko̱ mi dé an bil guingna Moïse tèn prophèteli da psaumeli.

Saint Luc 1:19

Da ange mi féré sa, ka sa hi nè: Mè ba Gabriel ko̱ o bèl mona Ouone; mè gui ba mboro pina baï sana hi mo, ka to̱ko̱ bèlabaï aïn hi mo.

Saint Marc 5:22

Da zaworo hana mbéo a synagogue ling‐è ba Jaïrus ko̱ kème yé ko̱na Jésus, kè lé bèl bo̱kè,

Pinali a Njou‐Mboro‐Pinali 13:27

Baï kli on ko̱ bi an pou Jérusalem, da zaworo klili, baï ko̱ kli tane ga tou Jésus ya, da tane ga la baï a prophèteli ya, on ko̱ klime kèn ka name sabbatli bon, kli bi nonkè kala ka babaï ka mboro kona barabaï toulè.

Titili Takarata a Jean ko̱ dé 5:21

Lélé goundi, oui pèng mone baï fèn baï ka mboro fèn ndamli.

1 Thessalonicienli 5:15

Oui ènrèn bèlta an njoukouna mbéo mi tane féré békéfèn baï toul békéfèn ya, da oui sé fal fèn on ko̱ mi bèlta guèbassoko jing hana tèn njoukouli bon.

Éphésienli 5:15

Mono on, oui ènrèn mone baï fèn baï bèlta ka mboro séna abaï, ka tane sé mahana ka njou‐ngawali ya, da mahana ka ba njou‐cho̱knali.

2 Corinthienli 8:7

Da mabahana ko̱ ouime taïnkon jing fènli bon, jing tounassaon, da jing baïnjaka, jing tounafèn, jing sèna none, tèn jing sénahang abaï baï toula, dadaon an ouime ndé taïnkon jing ndingna mbo̱l on kéng.

Saint Marc 7:25

Da koukoulion waïn hana mbéo ko̱ goune waïn nè an lélékè mi jing esprit dakame, kème la tiri baï a Jésus, ka gui monè ka lé bou koukoula bèl bo̱kè.

Éphésienli 5:33

Da oui mane mbéo mbéo bon oui sé hang dodok waïn baïli, mahana ka mone baï fèn baï, da dadaon an waïn mi dik wa nè.

Apocalypse 1:1

Wéra none Jésus‐Christ bi kala, ko̱ Ouone mi hi nè baï to̱ko̱na hi koï nèli, fènli on ko̱ ma baï guina koukoulion; da kè pi, da kè to̱ko̱ fèn on hi njou‐bakara nè Jean, ka mboro ange nè.

Apocalypse 19:9

Da kè sa hi mi: Mo dé bi takarata: Jangnandaï mi ba baï akli on, ko̱ mi di kli baï sona loukou laka bina waïn voulou a Goune badoua! Da kè sa hi mi: Fèn aïnli ba gba baïnjaka a Ouone.