Apocalypse 16:14 - Féké Testament 1947

¹⁴ Baï ko̱ kli ba espritli a zabololi ko̱ nding fèn to̱ko̱nakèli kli sé mona nanjoukaouli an koukoula bon, baï ndoïna kli baï rouna béré ka loukou name a Ouone Njèran‐honta‐bon.

Apocalypse 16:14 ပူးပေါင်းရင်းမြစ်များ

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

1 Timothée 4:1

Da Esprit mi sa tang ta ko̱ ka sèkèrè name yé njoukou hanali ma yèng tounassaon da la esprit mongnafènli, tèn to̱ko̱nafènli a zabololi,

Apocalypse 20:8

da kè ma tèn kala baï mongna pime pouli ko̱ mana kouroukè nèng an koukoula, Gog da Magog, baï ndoïna kli baï rouna béré, ro̱ko̱na akli mabahana ka sarika an bèl loukou‐mbi‐tome.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

TAKARATA A JACQUES KO̱ DÉ 3:15

Cho̱kna on mi tane ti ba cho̱kna ko̱ gui ka nonkala ya, da ba a koukoula, an naïn‐mone tèn a zabolo.

Apocalypse 16:16

Da kli ndoï kli guèl on ko̱ kli bi lingkè ka njaka hébreu Harmaguédon.

Apocalypse 12:9

Da kli wou loukou choï on diri guè tiya, tang choï on jinguèl, kè on ko̱ kli bi ling‐è ba Zabolo da Satan, njou‐mongna njoukouli bon a koukoula, kli wou nè diri gui koukoula, da kli wou ange nèli diri gui koukoula jing nè kéng.

Saint Jean 8:44

Oui ba a baba baï zabolo, da ji baï ndingna nzala a baba baï. Baï ko̱ ka titilikè, kè ba njou‐ina njoukou, da tane ga kaou guèl babaï ya, baï ko̱ babaï mi tane ti bilè gounfènakè ya. Da ko̱ kème ba wo̱ko̱ kè sa baï ba amè fènè; baï ko̱ kè ba njou‐bana wo̱ko̱ da kè ba baba a wo̱ko̱.

2 Thessalonicienli 2:9

Guina a njoukou on ka ba mboro pina a Satan jing njèran da fèn to̱ko̱nakèli, da fèn sakamli a wo̱ko̱li bon on, ko̱ mi hi laou a njoukouli bon sé siya,

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Apocalypse 3:10

Baï ko̱ mo pèng bong baïnjaka laïnabi ami, yé mè pèng mo kéng ka l’heure yaknafèn, l’heure on ko̱ nding baï guina toula koukoula bon, baï léna kli on ko̱ pane kaouna toul koukoula.

Romainli 1:8

Ka titilikè, mè kaou koukoula hi Ouone ni, baï toul baï bon, ka mbora Jésus‐Christ, baï ko̱ klime sa toula tounassaon a baï ko̱ mi ti manguèl an mona njou‐koukoulali bon.

Apocalypse 16:7

Da mè la autel mi sa: Babaï, o Nanjou Ouone, Njèran‐honta‐bon, walabaï no ba babaï da guédék.

Apocalypse 13:3

Da mè ko̱ toulè a mbéokè mahana ko̱ mi wan nè ka ma baï houl; da nongno houl mi njé tou. Da njou‐koukoulali bon laou kli mi sé siya a bong a naïn on.

Apocalypse 6:17

baï ko̱ loukou name hèrè amè mi gui tou, da guème ma baï kaouna lé?

Saint Luc 2:1

Da baï mi gui mahana ka on ka name o̱kèo̱, mono, César Auguste mi koung guingna ka pi an njou‐koukoulali bon mi sé baï déna ling kli an takarata.

Saint Matthieu 24:14

Da kli ma sa mboura bèlabaï a bilkaou on an toul koukoula bon, baï sana bongbaï hi pime pouli bon. Da mono sèkèrèkè ma tèn.