Apocalypse 16:10 - Féké Testament 1947

¹⁰ Da a diouikè si dina tassi nè kon toul kangala njaka bara naïn on. Da bilkaou nè mi yiri ta; da kli son léme sél kli baï to̱ko̱nassé on,

Apocalypse 16:10 ပူးပေါင်းရင်းမြစ်များ

Apocalypse 9:2

Da kè bourou lo̱ko̱ a loukou lo̱ko̱ ko̱ sèkèrèkè mi tiya a yilime, da soussoukou tèn kala mahana ka loukou soussoukou hèlè, an lo̱ko̱ on; da séssé da hanguèl fo̱ko̱ro̱ jing soussoukou lo̱ko̱ on.

Saint Matthieu 8:12

Da mi wou goundi a bilkaou bou yilime tèn kala, guèl ko̱ lénaléou da sona sél kli mana an ndourou.

Apocalypse 18:23

Da chana lampe ba takana an bilo̱ ba aféké tane tiya, da kli ba lana bo̱ko̱ a njou‐yana waïn da waïn yana wonron an bilo̱ ba aféké tane tiya, baï ko̱ njou‐zénacho̱ko̱ noli ba zaworoli an koukoula jinguèl, baï ko̱ hala ngala amo mong pime pouli bon.

Apocalypse 17:17

Baï ko̱ Ouone hi kon go̱ro̱ kli baï ndingna laou kèrafèn nè, da tèn ba laou kèrafèn mbéo, da hi bilkaou akli hi naïn on, bo̱l tèn baïnjaka a Ouone mi tèn kala ka babaï.

Saint Matthieu 22:13

Da nanjoukaou sa hi njou‐bakarali: Oui gna bo̱kè tèn ndo̱kè, da wou nè bou yilime tèn kala, guèl ko̱ léna?-?lèou da sona sél kli mana an ndourou.

Apocalypse 18:21

Da ange mbéo ko̱ njèrèn ta bi loukou kone nène, da wou nè bou bil loukou‐mbi‐tome, ka sa: Mono on, Babylone loukou pou on ma lé mingta bou koukoula, da ba jingnakè ba aféké tane tiya.

Saint Luc 13:28

Guèl ko̱ lénaléou da sona sél kli mana an ndourou, ouime ko̱ Abraham da Isaac da Jacob da prophèteli bon an bilkaou a Ouone, da abaï kli ma wou oui tèn kala.

Saint Matthieu 24:51

da yé kè njo̱ nè ka baraza nyèta, ka hi guèl jing njou‐mongna fènli hi nè: guèl ko̱ lénaléou da sona sél kli mana an ndourou.

Apocalypse 17:9

Da on mi ba tounafèn ko̱ ba cho̱kna. Toulèli difala‐séré on ba loukou souraguèli difala‐séré, ko̱ waïn on mi kaou toulkè.

Saint Matthieu 13:50

da yé kli ma wou kli kon noungna hèlè ko̱ jang maïya, guèl ko̱ lénaléou da sona sél kli mana an ndourou.

Saint Matthieu 13:42

da yé kli ma wou kli kon noungna hèlè ko̱ jang maïya, guèl ko̱ lénaléou da sona sél kli mana an ndourou.

Apocalypse 18:2

Da kè bouka béta guè siya, ka sa: Pou Babylone loukoukè mi lé tou, ka lé tou! Kè tèn guèl bina pou a zabololi, da voul jo̱bo̱ a dakame espritli bon, da voul jo̱bo̱ a dakame ndo̱ïli ko̱ njoukou ji kli ya.

Apocalypse 11:10

Da kli on ko̱ bi pou an koukoula, kli kaou ka jangnandaï baï toula kli séré on da kli wal ta, da kli ma pi toul ndo̱ko̱li hi hana, baï ko̱ prophèteli séré on to̱ko̱ssé hi njoukouli on ko̱ bi pou an koukoula.

Apocalypse 11:8

Da houl akli na bou domboro bil loukou pou on ko̱ bi lingkè ba Sodome da Êgypte, ka mboro esprit, an guèl on ko̱ kli ndé bara Nanjou akli an di croix kéng.

Apocalypse 11:2

Da njaka sél ko̱ na kala an njaka temple, mo yèng nè kala da lé nè ya; baï ko̱ mi hi on hi mèran gentili, da kli ma nda ka bo̱ko̱ kli tangna fofoto pou on féou bongkè‐nèng‐faltoulkè‐séré.

1 Titili Takarata a Pierre ko̱ dé 2:17

Oui dik njoukouli bon; oui sé hang yine baïli bon; oui ngou waou nona Ouone; oui dik nanjoukaou.

Apocalypse 8:12

Da ange a nèngkè mi oul, da mi wan mbéo an zéng a saïkè a séssé, da mbéo a zéng a saïkè a féou, da mbéo a woro zéng a saïkè a mèssèli, mono on an klime gui yilime, da séssé mi tane jang ka mbéo a zéng a saïkè ya, da ndé mahana ka hangnachoung kéng.