Apocalypse 14:7 - Féké Testament 1947

⁷ Da kè sa ka bounaka béta guè siya: Oui waou Ouone, da hi jonafèn hi nè, baï ko̱ l’heure walabaï nè mi gui tou; da houkou ka hiou kè on ko̱ mosso nonkala da koukoula da loukou mbi tome, da toutoung mbi.

Apocalypse 14:7 ပူးပေါင်းရင်းမြစ်များ

Apocalypse 15:4

Yé guème mi ngou waou nono ya, o Nanjou da ko̱ hi jonafèn ka ling‐o̱ ya lé? Baï ko̱ mo ho̱ko̱ ba tangna fofoto. Baï pime pouli bon ma gui da houkou an mbèlo̱ ka hiou no; baï pina guédék no mi tèn nona njoukouli bon tou.

Apocalypse 11:18

Da pime pouli mi kaou jing hèrè; da hèrè no tèn, ka name walabai hi houli mi gui, da name hina toul ndo̱ko̱ hi koï noli prophèteli, da njou‐lana‐bilaouli, da kli on ko̱ ngou waou ling‐o̱, lélé njoukouli tèn loukou njoukouli, da baï ina kli on ko̱ bo koukoula.

Apocalypse 4:11

Mo mabongkè Nanjou ama da Ouone ama, baï jingna jonafèn on, da dikna on da njèran on; baï ko̱ mo mosso fènli bon jinguèl tou, da baï ko̱ mome ji mi yé kli mana, da mi mosso tou.

Apocalypse 11:13

Ka l’heure o̱kèo̱ koukoula to̱ nyèta, da mbéo a woro an zéng a bo a pou on mi lé; da koukoula on ko̱ to̱ i njoukouli mane ténakè‐bongkè‐difala‐séré, da waou i gara njoukouli, da kli hi jonafèn hi Ouone an nonkala.

Apocalypse 18:10

Kli o dita baï waou to̱ko̱nassé nè, kli sa: Go̱ro̱ séta, go̱ro̱ séta loukou pou on Babylone, ko̱ ba njèran pou! Baï l’heure mbéo walabaï no tèn mo tou!

Apocalypse 16:9

Da jangma hèlè rèng njoukouli, da kli poukou ling a Ouone on ko̱ jing njèran baï sana binjaka fèn békékèli on, da kli tane ga hèkè ya, baï hina jonafèn hi nè.

Apocalypse 4:9

Da ko̱ fènli on ko̱ yan ma hi jonafèn da dikna, da kaouna koukoula hi kè on ko̱ kaou toul kangala njaka bara, kè on ko̱ yan kambèlè go̱ kambèlè,

Pinali a Njou‐Mboro‐Pinali 14:15

ka wan njaka guè siya, ka sa: O! Njoïli, baïfèn da ouime nding fèn on lé? Na kéng ba mbé njou‐koukoulali jing bo̱ko̱ di na mahana ka oui: name gui ka sa mboura bèlabaï on hi oui, da name wara oui baï an ouime yèng foïna fèn aïnli bo̱on, da ki go̱ro̱ baï guè mona Ouone yana ko̱ mi mosso nonkala da koukoula tèn loukou‐mbi‐tome, da fènli bon on ko̱ na an bilkè.

Apocalypse 19:5

Da mbo̱ko̱ tèn kala an kangala njaka bara on, ka sa: Oui jone Ouone na, oui ko̱ï nèli bon, oui ko̱ ngou waou nonè, lélé njoukouli tèn loukou njoukouli!

Apocalypse 8:10

Da ange a saïkè oul. Da loukou mèssè mi ourou an nonkala ka lé gui koukoula da ba mahana ka léme sél hèlè; ka lé toula hana mbéo a zéng a saïkè a loukou mbili da toutoung mbili.

Saint Luc 17:18

Njoukouna mbéo mi tane ga féré baï hina jonafèn hi Ouone ya, bo̱l ba goni njoukou aïn mbéo bo̱l lé?

Apocalypse 18:19

Da kli bon kon sassal kon toul kli, da wan njaka, da lé léou da wan njaka houlè, ka sa: Go̱ro̱ séta, go̱ro̱ séta, loukou pou on, kè on ko̱ njoukouli bon ko̱ bateau kli mana an loukou‐mbi‐tome, kli jing nguèra an bil pou on, baï fèn zénacho̱ko̱ nè nyèta; baï ka l’heure mbéo bo̱l kè bo tou.

Apocalypse 18:17

Baï lo̱ l’heure mbéo nguèra nyèta on mi bo tou. Da njou‐kina bateauli bon tèn njoukouli bon ko̱ sé jing bateau, da njou‐ndingna pinali an bateau, da kli bon on ko̱ nding pina akli an none loukou mbi tome, kli o dita,

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.

Saint Matthieu 25:13

Mono on, oui zèng baï ko̱ oui tane tou namkè maléba l’heurekè ya.