Apocalypse 14:4 - Féké Testament 1947

⁴ Njoukouli on ba kli on ko̱ tane ga nding mone kli ba fèn dakame jing waïnli ya, baï ko̱ kli ba tikilali. Njoukouli on ba kli on ko̱ sé fala Goune badoua an guèl bon ko̱ kème sé. Mi zé kli an wora njoukouli, baï ko̱ klime gui titili lénakè baï a Ouone, da baï a Goune badoua on.

Apocalypse 14:4 ပူးပေါင်းရင်းမြစ်များ

Apocalypse 3:4

Da mo jing ling hanali a Sardes ko̱ la akli tane ga ba dakame ya, da yé kli ma sé jing mi jing pouki la, baï ko̱ kli mabongkè.

2 Corinthienli 11:2

Baï ko̱ noni mi sènta jing sèna nona Ouone baï toul baï, baï ko̱ mème baka oui bi tou hi ba wa mbéo bo̱l, mono on, an mème hi oui hi Christ mahana ka tikila ko̱ tang ta.

TAKARATA A JACQUES KO̱ DÉ 1:18

Baï ko̱ kème badi ka mboung na ka mboro baïnjaka babaï, mono on, an name tèn ba titili léna a fènli on ko̱ kème mosso.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Saint Jean 12:26

Da tokoré njoukouna mi nding bakara hi mi, an kème gui fali; baï guèl on ko̱ mème kaou, yé njou‐bakara ni ma ndé kaou ndourou kéng. Tokoré njoukouna mi nding bakara hi mi, yé Baba fènè mi dik nè.

Saint Jean 10:27

Badoua nili mi la mbo̱ko̱ ni; da mè toutou kli, da klime sé fali.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

1 Corinthienli 6:20

Baï ko̱ mi cho oui jing cho̱ko̱kè nyèta. Mono, baï on oui hi jonafèn hi Ouone jing kli‐mone baï da jing esprit baï ko̱ ba a Ouone.

Saint Jean 8:12

Mono, Jésus mi sa hi kli ba aféké, ka sa: Mè ba takanafèn a njou‐koukoulali; kè on ko̱ mi gui fali, kè ma sé ka yilime ya, da kème jing takanafèn a yana.

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Éphésienli 1:14

on ko̱ ba fèn banabo̱ko̱ fèn yanapélé na bo̱l tèn name on ko̱ Ouone mi cho dodok fèn nèli baï jonafèn nè.

1 Corinthienli 16:15

Mè sa jo̱jo̱ baï, yindi, oui toutou ko̱ njoukouli an bil voula Stéphanas ko̱ ba titili mèrènkè an guèl Achaïe da klime bi hang kli ka pane jing ndingna bakara jing njou‐lana‐bilaouli.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Saint Jean 13:37

Pierre mi sa hi nè: Nanjou, baïfèn da mème tane ga ma baï guina bong‐o̱ kassénaï ya lé? Mè ji yèngna yana ni baï toulo̱.

Saint Matthieu 25:1

Da on yé bilkaou a nonkala mabahana ka tikilali bo, ko̱ fan lampe aklili, da sé baï wouna toul jing njou‐bina waïn voulou.

Saint Matthieu 8:19

Da njou‐to̱ko̱na bong guingna mbéo gui monè, ka sa hi nè: Njou‐to̱ko̱nafèn, guèl bon ko̱ mome sé, yé mè ma sé falo̱.

1 Timothée 4:3

Klime koung guingna baï éna waïn ya, da sa bi njaka njoukouli an klime chang sona naïn, naïn on ko̱ Ouone mi mosso an kli on ko̱ mi la bilaou da tou babaï mi ya jing kaouna koukoula hi Ouone.

1 Corinthienli 7:28

Da tokoré mome é waïn, mo tane ga nding békéfèn ya, da tokoré tikila mi é wonron, kè tane ga nding békéfèn ya; da yé kli ma jing to̱ko̱nassé an naïn‐mone kli, da mème ji dèna oui bi.

Saint Matthieu 19:12

Baï ko̱ founa njoukou mana ko̱ ma nè mi mboung on; aféké ba founa ko̱ njoukouna mi fou nè; aféké mi kaou bo̱on ba klime ji fèn kli, baï toul bilkaou a nonkala. Kè ko̱ ma baï yana baï aïn kème ya nè.

Éphésienli 5:27

Mono on, kè ma ya église guè monè fènè jing jonafèn, tane bila, da tane rèna mone, tèn gara fènli on tane ti jing rou ya, da ba église ko̱ mi tang fofoto da ka rongo.

Hébreuli 12:23

kli on ko̱ ndoï bon jing hana da église a boutaïnkè ko̱ ling kli dé bi takarata an nonkala, da Ouone ba Njou‐walabaï a kli bon, da espritli a njou‐guédékli ko̱ mi ma guédék.

Apocalypse 21:22

Da mè ko̱ temple mbéo an bilkè ya; baï ko̱ Nanjou Ouone, Njèran‐honta‐bon, da Goune badoua on, kli ba temple amè.

Apocalypse 21:23

Da pou on mi ji séssé maléba féou mi taka an toulkè ya, baï jonafèn a Ouone mi cha an toulkè, da Goune badoua on ba lampe nè.