Apocalypse 14:2 - Féké Testament 1947

² Da mè la bo̱ko̱ baï on, ko̱ gui ka nonkala, mahana ka tiri mbi nyèta, da mahana ka bo̱ko̱ ndouna mbame ko̱ mi pome njèrèn ta da bo̱ko̱ baï on ko̱ mème la mi na mahana ka bo̱ka njou‐hangna kouléli ko̱ mi hang koulé aklili.

Apocalypse 14:2 ပူးပေါင်းရင်းမြစ်များ

Apocalypse 5:8

Da ko̱ kè ya takarata on tou, fènli nèng on ko̱ yan jing tangchidoli bongkè‐séré‐faltoulè‐nèng, kli lé bou mbèla Goune badoua on, kli bon mi kaou jing koulé mbéo mbéo da dina tassi l’or ko̱ mi mba jing yombo, ko̱ ba hiouna Ouone a njou‐lana‐bilaouli.

Apocalypse 1:15

da bo̱kè mi na mahana ka mbo̱sso̱ ko̱ mi o̱ nyèta, mahana ko̱ mi bi nè an bil loukou hèlè; da baïnjakè mi na mahana ka tiri mbi ko̱ ou mingta.

Apocalypse 15:2

Da mè ko̱ fèn mahana ka fèn loukou mbi a verre on ko̱ mi joukourou jing hèlè, da kli on ko̱ gnèrèn naïn on da tétéme nè, da kènafèn a ling‐è ko̱ o none loukou mbi verre on, kli jing kouléli a Ouone.

Apocalypse 11:15

Da ange a difala‐sérékè mi oul. Da bo̱ko̱ baïli béta nyèta mi ti gui ka nonkala, ka sa: Bilkaou a koukoula gui ba bilkaou a Nanjou na tou, da a Christ nè; da kè ma na gangna kambèlè go̱ kambèlè.

Apocalypse 18:22

Da kli ba lana njaka a njou‐hangna kouléli da njou‐dina singli, da njou‐oula koulatanli, da njou‐oula gaga mbo̱sso̱li an mono ba aféké tane tiya, da kli ba jingna njou‐touna pinali toutoul bèlta an mono ba aféké tane tiya, da yé kli ba lana bo̱ko̱ nène an mono ba aféké tane tiya.

Apocalypse 11:12

Da kli la bo̱ko̱ loukou baï on ko̱ gui ka nonkala, ka sa hi kli: Oui hé gui guèl aïn. Da kli hé sé nonkala an bil yiri mbame, da bakèlion jing kli ko̱ kli.

Apocalypse 6:1

Da mè ko̱, ko̱ goune badoua on sél fèn mbo̱la mbéo an zéng an difala‐séré on, da mè la fèn mbéo an woro fènli on nèng ko̱ yan sa baï mahana ka bo̱ko̱ ndouna‐mbame: Mo gui.

Apocalypse 1:10

Mè makaou an bila Esprit ka name a Nanjou, da mè la bounaka guè siya mahana ka gaga mbo̱sso̱ an kaïn ni,

Apocalypse 8:7

Da titili ange oul da sanri da hèlè ko̱ joukourou jing séme gui falkè, da mi wou gui koukoula; da mbéo a koukoula an zéng a saïkè mi rèng, da mbèo an woro zéng a saïkè a di mi rèng, da doro̱m pa bon rèng kéng.

1 Corinthienli 13:1

Tokoré mème sa ka njaka njoukouli tèn angeli, da mème tane ti jing sénahang ya, njaka ni mahana ka mbéna mbo̱sso̱ maléba tina réme.