Apocalypse 13:15 - Féké Testament 1947

¹⁵ Da mi hi njèran hi nè baï hina yana hi nè, tongna tétéme a naïn on, mono on, an tétéme a naïn on mi ma baï sana baï, da mi nding kli bon on ko̱ houkou an mbèla tétéme a naïn on ka hiou nè ya, mi i kli.

Apocalypse 13:15 ပူးပေါင်းရင်းမြစ်များ

Apocalypse 20:4

Da mè ko̱ kangala njaka barali, da kli on ko̱ kaou toulkèli, da kè hi kli baï wala baï. Da mè ko̱ laou akli on ko̱ kli koung sol kli jinguèl, baï ko̱ klime sa bongbaï a Jésus, da baï Baïnjaka a Ouone, da kli on ko̱ tane ga houkou an mbèla naïn on ka hiou nè ya, maléba tétéme nè ya, da tane ga ya déna an njaka moung kli maléba ndo̱ko̱ kli ya. Kli pane yana da kli ndé na gangna kira Christ baï saka ténakè bo.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Apocalypse 16:2

Da titili ange sé da si dina tassi nè kon toul koukoula. Da béké nongno ko̱ séta mi gui mona njoukouli on ko̱ ba déna a naïn on, da kli on ko̱ houkou an mbèla tétéme nè, ka hiou nè.

Apocalypse 18:20

Oui jangndaï baï toulè, mo nonkala, da oui njou‐lana‐bilaouli, da oui njou‐mboro‐pinali, da oui prophèteli. Baï ko̱ Ouone mi wal baï walabaï, no, kon toulè.

Apocalypse 17:6

Da mè ko̱ waïn on ko̱ séme a njou‐lana‐bilaouli, da séme a njou‐sana?-?bongbaïli a Jésus mi i nè mahana ka houl vone. Da ko̱ mème ko̱ nè laou ni dou ta.

Apocalypse 14:11

Da soussoukou a to̱ko̱nassé akli tèn kambèlè go̱ kambèlè; da kli tane ma baï yana tana kli ka séssé maléba ka hangnachoung ya, kli on ko̱ houkou an mbèla naïn on ka hiou nè da tétéme nè, da kli on ko̱ ya déna a ling‐è.

Apocalypse 14:9

Da ange aféké, a saïkè mi tong bong kli, ka sa jing bounaka béta guè siya: Tokoré njoukouna mbéo mi houkou an mbèla naïn on ka hiou nè da tétéme nè, da kème ya déna a njaka moung‐è maléba toul ndo̱kè,

Apocalypse 13:14

Da kè mong kli on ko̱ bi pou kli an toula koukoula baï fèn to̱ko̱nakèli on ko̱ mi hi njèran hi nè baï ndingnakè an nona naïn on, ka sa hi kli on ko̱ bi pou an toul koukoula, an klime mosso tétéme a naïn on ko̱ mi yé jing nongno gamba da pane yana.

Apocalypse 18:24

Da an bilkè kli jing séme a prophèteli da njou‐lana‐bilaouli da kli bon on ko̱ mi i kli an koukoula.

Apocalypse 17:17

Baï ko̱ Ouone hi kon go̱ro̱ kli baï ndingna laou kèrafèn nè, da tèn ba laou kèrafèn mbéo, da hi bilkaou akli hi naïn on, bo̱l tèn baïnjaka a Ouone mi tèn kala ka babaï.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

Apocalypse 16:5

Da mè la ange a mbi sa: Mo ba guédék mo ko̱ mi yé, da ko̱ mi yé jinguèl; mo mbéo bo̱l ba tangna fofoto, baï ko̱ mo wal baï mahana ka on,

TAKARATA A JACQUES KO̱ DÉ 2:26

Baï ko̱ mahana ka kli‐mone on ko̱ mi tane ti jing esprit ya mi hou tou, ndé mabahana on jing tounassaon ko̱ mi tane ti jing pinakèli ya, mi hou tou.

Apocalypse 13:1

Da mè ko̱ naïn tèn kala an bil loukou‐mbi‐tome on, ko mi yé jing tèwèli bo da toulèli difala‐séré, da mbélé diadèmeli bo na toul tèwèli, da ling poukounafènli toutoul na toul toulèli.

Apocalypse 13:12

Da kè nding jing njèran bon a titili naïn on an nonè. Da kè nding an koukoula da kli on ko̱ bi akli on an toul koukoula baï houkouna an mbèla titili naïn on ka hiou nè, kè on ko̱ nongno houl amè mi njé tou.