Apocalypse 12:9 - Féké Testament 1947

⁹ Da kli wou loukou choï on diri guè tiya, tang choï on jinguèl, kè on ko̱ kli bi ling‐è ba Zabolo da Satan, njou‐mongna njoukouli bon a koukoula, kli wou nè diri gui koukoula, da kli wou ange nèli diri gui koukoula jing nè kéng.

Apocalypse 12:9 ပူးပေါင်းရင်းမြစ်များ

Saint Luc 10:18

Da Jésus sa hi kli: Mè ko̱ Satan lé gui ka nonkala mahana ka fana none mbame.

Saint Jean 12:31

Kassénaï walabaï an koukoula aïn mi gui tou, kassénaï mi wou zaworo a koukoula aïn tèn kala.

Apocalypse 20:10

Da zabolo on ko̱ mong kli, mi wou nè bou bil étang hèlè da soufre, an guèl on ko̱ naïn on da wo̱ko̱ prophète ndé na rou kéng. Da kli ma to̱ko̱ssé ka séssé da ka hangnachoung kambèlè go̱ kambèlè.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

2 Corinthienli 4:4

kli on ko̱ mi tane ga la bilaou ya, ko̱ ouone a saka naï mi foukourou kèrafèn akli, baï an klime tane ma baï ko̱na takanafèn bèlabaï a jonafèn a Christ ya, on ko̱ ba tétéme a Ouone.

Apocalypse 12:7

Da rounabéré mana a nonkala. Michel da ange nèli mi rou béré jing loukou choï on. Da loukou choï jing ange nèli mi rou béré.

Saint Jean 8:44

Oui ba a baba baï zabolo, da ji baï ndingna nzala a baba baï. Baï ko̱ ka titilikè, kè ba njou‐ina njoukou, da tane ga kaou guèl babaï ya, baï ko̱ babaï mi tane ti bilè gounfènakè ya. Da ko̱ kème ba wo̱ko̱ kè sa baï ba amè fènè; baï ko̱ kè ba njou‐bana wo̱ko̱ da kè ba baba a wo̱ko̱.

Apocalypse 20:8

da kè ma tèn kala baï mongna pime pouli ko̱ mana kouroukè nèng an koukoula, Gog da Magog, baï ndoïna kli baï rouna béré, ro̱ko̱na akli mabahana ka sarika an bèl loukou‐mbi‐tome.

Apocalypse 12:3

Da kli ko̱ fèn to̱ko̱nakè aféké a nonkala; da mono on, loukou sèngnè choï ko̱ mi yé jing toulèli difala‐séré da tèwè mi mane bo, da mbélé diadèmeli difala‐séré mi na toulèli mane bon.

Apocalypse 9:1

Da ange a diouikè oul, da mè ko̱ mèssè mbéo ko̱ ourou an nonkala ka lé gui koukoula, da mi hi clélé on a lo̱ko̱ a loukou lo̱ko̱ ko̱ sèkèrèkè mi tiya a yilime hi nè.

Apocalypse 2:24

Da mè sa hi oui da garakèli on ko̱ bi an Thyatire, kli on bon ko̱ tane ga ya to̱ko̱nafèn aïn ya, kli tane tou gba saon fèn a Satan ya, mahana ko̱ kli sa: Mè bi hola aféké bi toul baï ya.

Apocalypse 2:13

Mè toutou guèl on ko̱ mo bi, mè toutou guèl on ba dodok kangala njaka bara a Satan mi yé, da mo ba ling ni pouta, da tane ga njé njaka toul tounassaon ami jinguèl ya, tongna ka name a Antipas njou‐lodok ko̱ sa bongbaï ni, ko̱ kli i nè an woro baï, guèl ko̱ Satan bi amè.

1 Titili Takarata a Pierre ko̱ dé 5:8

Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.

2 Corinthienli 11:14

Da on mi tane ti ba fèn hina laou a njoukou sé siya ya, baï ko̱ Satan fènè mi ndé fong ange a takanafèn.

2 Corinthienli 2:11

baï an Satan mi tane ma baï tana toula jing fèna ya, baï ko̱ name toutou badinafèn nèli.

Romainli 16:18

Baï ko̱ njoukouli mahana ka on mi tane ga nding bakara hi Christ Nanjou na ya, da an bil kli fèn kli, kli mong laou a njoukouli on ko̱ mi kaou ka rongo jing bèla njaka bong baï kli.

Pinali a Njou‐Mboro‐Pinali 26:18

baï boura none kli an klime ma baï kina go̱ro̱ kli ka mboro yilime da ta gui takanafèn, da ka mboro bo̱ko̱ njèran Satan baï guèna mona Ouone, an klime ma baï jingna yèngna bi mboro békéfènli, da fèn yanapélé an wora kli on ko̱ Ouone mi wal bi baï nè fènè ka mboro tounassaon ni.

Saint Luc 22:31

Da Nanjou mi sa: Simon, Simon, mo ko̱, Satan oui baï yana mo an kème tékéré mo mahana ka mèrèn mapa.

2 Corinthienli 11:3

Da mème ngou waou, baï ko̱ ka touya mahana ko̱ choï mi mong Ève jinguèl jing bounabong nè, mono on laou‐kèrafèn abaï mi bo ka mboro kaouna tangna fofoto jing Christ.

Saint Luc 22:3

Da Satan mi ri bila Judas, kè on ko̱ kli bi ling‐è ba Iscariot, ko̱ kè ba njou‐séna bong hana mbéo an wora botoulè‐séré.

Saint Luc 8:12

Da kli on ko̱ mi ta lé bèl domboro, kli mahana ka njoukouli on ko̱ la, da zabolo gui da ya baïnjaka a go̱ro̱ kli, an klime tane la bilaou ka kou ya.

Saint Matthieu 25:41

Da on kè ma ndé sa hi kli on kéng ko̱ kaou an waïn ndo̱kè: Oui ourou guè fal an bèl moni, oui njou‐poukounafènli; oui sé guèl hèlè kambèlè, ko̱ mi mosso baï zabolo tèn ange nèli,

Saint Matthieu 4:10

Da Jésus sa hi nè: Mo sé kaïn ni, Satan! Baï ko̱ mahana ko̱ mi dé: Mo hiou ba Nanjou, Ouone no, ka nding bakara hi ba kè ka ho̱kè.

Saint Matthieu 4:8

Da zabolo mi do̱li nè sé guè toul gangna souraguèl nyèta, da kè to̱ko̱ bilkaouli a koukoula hi nè bon jing jonafèn akli,

Saint Matthieu 4:5

Da zabolo mi do̱li nè sé guè tangna fofoto pou, da bi nè toul gangna toul temple,

Saint Matthieu 4:1

Da on, Saint‐Esprit mi lang Jésus sé woropa, an zabolo mi yak nè.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Apocalypse 16:14

Baï ko̱ kli ba espritli a zabololi ko̱ nding fèn to̱ko̱nakèli kli sé mona nanjoukaouli an koukoula bon, baï ndoïna kli baï rouna béré ka loukou name a Ouone Njèran‐honta‐bon.

Apocalypse 13:14

Da kè mong kli on ko̱ bi pou kli an toula koukoula baï fèn to̱ko̱nakèli on ko̱ mi hi njèran hi nè baï ndingnakè an nona naïn on, ka sa hi kli on ko̱ bi pou an toul koukoula, an klime mosso tétéme a naïn on ko̱ mi yé jing nongno gamba da pane yana.

Apocalypse 9:20

Da gara njoukouli ko̱ fèn békékèli on tane ga i kli ya, kli tane ga hèkè pina ko̱ kli nding ka ndo̱ko̱ kli ya, an klime yèng hiouna zabololi ya, maléba ndame l’or da l’argent, da mbo̱sso̱, da kone, da di, ko̱ ma baï ko̱na guèl ya, da lana baïli ya, da séna ya;

Apocalypse 3:9

Mo ko̱, mè hi hanali a synagogue a Satan, an woro kli on ko̱ sa kli ba Juifli, da kli tane ti on ya, da kli ba wo̱ko̱; mo ko̱, yé mè nding kli gui, da kli ma houkou bèl bo̱ko̱ ka hiou mo, da kli ma toutou ko̱ mème sé hang‐o̱ ta.

Apocalypse 2:9

Mè toutou to̱ko̱nassé amo, da foïna amo ba mo kaou jing nguèra, da poukounafèn akli on ko̱ sa kli ba Juifli, da kli tane ti on ya, da kli ba synagogue a Satan.

Jude 1:9

Da Michel archange, ko̱ kè fa baï jing zabolo da njaka baï toula kli‐mona Moïse, kè tane ma baï wala baï kèkènafèn kon toulè ya, da kè sa: Yé Nanjou fènè mi to mo!

Hébreuli 2:14

Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

2 Tim 3:13

Da yé béké njoukouli tèn njou‐mongnafènli ma ti ka taïnkon nyèta guèbambèl jing békéfèn, da kli ma mong njoukouli da njoukouli ma mong kli.

1 Timothée 2:14

Da tane ti ba Adam mi ko̱ la mongnafèn ya, da ba waïn mi ko̱ la mongnafèn, da baï ko̱ kème la mongnafèn kè sél guingna tou.

2 Thessalonicienli 2:3

Oui yèng an njoukouna mbéo mi tane mong oui ka mboro baï aféké ka toul ya; baï ko̱ yé name on ba guina tiya, ambèl ko̱ njoukouli nyèta mi yèng mboro on, da njou‐séla guingna mi tèn an nona njoukouli, goune houl an guèl hèlè,

Éphésienli 4:14

Mono on, an name tane kaou mahana ka goundi ba aféké ya, ko̱ koukouna to̱ko̱na fènli toutoul toutoul bon mi lang na kan kini kan soko, ka fan na mahana ka fèn on ko̱ na none mbi ka mboro cho̱kna bounabong mongnafèn a njoukouli, ko̱ mi mong fèn ka mboro wo̱ko̱li.

2 Corinthienli 12:7

Baï an mème tane joung moni ya baï toul kakaïya fènli on ko̱ mi wéré nonkè hi mi, da mi hi ngassadi hi mi bi naïn‐moni, an njou‐mboro pina a Satan mi wan mi, mono on mi dèn mi an mème tane joung moni ya.

Romainli 16:20

Da koukoulion yé Ouone go̱ro̱ iki mi nda Satan ka bil bo̱ko̱ baï. An ndingna mbo̱l a Nanjou na Jésus‐Christ mi na jing oui.

Pinali a Njou‐Mboro‐Pinali 5:3

Da Pierre mi sa: Ananias, baïfèn da Satan mi mba bil go̱ro̱ baï bana wo̱ko̱ hi Saint‐Esprit, da baï mouna gara mbori koukoula on lé?

Saint Jean 16:11

baï toul walabaï ba baï ko̱ kème wal baï hi zaworo a koukoula aïn tou.

Saint Jean 14:30

Yé mè ba sana baï nyèta ba aféké jing oui tane tiya; baï ko̱ zaworo a koukoula aïn mi gui, da fèna nè mbéo tane ga ti jing mi ya.

Saint Luc 13:16

Da waïn on, ko̱ ba goune waïn a Abraham, kè on ko̱ Satan mi gna nè ma saka botoulè‐difala‐saï on, mapélékè yé mè sélè, ka name sabbat, an fèn on ko̱ mi gna nè ya lé?

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 13:39

da bakèo̱ ko̱ mèn kli ba zabolo; ka name loura mèrèn mapa ba sèkèrè name on a koukoula aïn; da njou‐loura fèn païli ba angeli.

Apocalypse 18:2

Da kè bouka béta guè siya, ka sa: Pou Babylone loukoukè mi lé tou, ka lé tou! Kè tèn guèl bina pou a zabololi, da voul jo̱bo̱ a dakame espritli bon, da voul jo̱bo̱ a dakame ndo̱ïli ko̱ njoukou ji kli ya.

Apocalypse 18:23

Da chana lampe ba takana an bilo̱ ba aféké tane tiya, da kli ba lana bo̱ko̱ a njou‐yana waïn da waïn yana wonron an bilo̱ ba aféké tane tiya, baï ko̱ njou‐zénacho̱ko̱ noli ba zaworoli an koukoula jinguèl, baï ko̱ hala ngala amo mong pime pouli bon.

Apocalypse 12:8

Da njèran akli tane ga ma ya, da mi jing guèl akli a nonkala ba aféké ya.

Apocalypse 12:12

Mono on oui jangndaï, o nonkalali, da oui on ko̱ kaou an bilkèli. Bélya guè mona koukoula da loukou‐mbi‐tome! baï ko̱ zabolo guè mone baï jing loukou hèrè baï ko̱ kème toutou ba name nè mi pane gounfènakè on.