Apocalypse 12:10 - Féké Testament 1947

¹⁰ Da mè la loukou bounaka béta mi ti guè siya ko̱ gui ka nonkala, ka sa: Kassénaï yana‐baï‐toul mi gui tou, da njèran, da bilkaou a Ouone na, da sana binjaka a Christ nè; baï ko̱ mi wou diri guè tiya njou‐sana kita toula yine nali, kè on ko̱ sa kita toul kli an nona Ouone, ka séssé da ka hangnachoung bon.

Apocalypse 12:10 ပူးပေါင်းရင်းမြစ်များ

Saint Luc 22:31

Da Nanjou mi sa: Simon, Simon, mo ko̱, Satan oui baï yana mo an kème tékéré mo mahana ka mèrèn mapa.

Apocalypse 11:15

Da ange a difala‐sérékè mi oul. Da bo̱ko̱ baïli béta nyèta mi ti gui ka nonkala, ka sa: Bilkaou a koukoula gui ba bilkaou a Nanjou na tou, da a Christ nè; da kè ma na gangna kambèlè go̱ kambèlè.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Apocalypse 2:26

Da kè on ko̱ gnèrèn baï njéna da kè on ko̱ pèng pina ni bo̱l tèn sèkèrèkè, yé mè hi njèran hi nè toul pime pouli.

2 Corinthienli 12:9

Da kème sa hi mi: Ndingna mbo̱l ni mi mapélé no, baï ko̱ njèran ni mi tèn guédék jing fèn hèfèrè. Mono on, mè jangndaï maïya baï jona baï on ko̱ mème kaou hèfèrè, baï an njèran a Christ mi na an touli.

Saint Luc 11:2

Da kè sa hi kli: Ko̱ ouime yé hiouna Ouone oui sa: Baba! Ling‐o̱ mi ma baï diknakè; an bilkaou amo mi gui.

Saint Matthieu 26:64

Jésus sa hi nè: Mo sa o̱ tou, da mè sa hi oui, da afal on, yé oui ko̱ Goune a njoukou mi yé kaouna an mboro wonron ndo̱ko̱ a njèran, da mi yé guina an toul yiri mbame an nonkala.

Saint Matthieu 6:10

An bilkaou amo mi gui; baï an fènli mi kaou mara fal toulo̱ an koukoula mahana ka ba an nonkala.

Tite 2:3

Mono on, an hona waïnli mi ndé pèng mone kli kéng jing tangna go̱ro̱ fofoto an nona Ouone, tane ti ba njou‐poukouna fèn ya, da tane koï a vin ya, da ba waïn to̱ko̱nafènli bèlta.

1 Corinthienli 5:4

Ka bil ling a Nanjou na Jésus ko̱ ouime ndoï jing hana tou, da laou ni mi na jing oui an soko jing njèran an Nanjou na Jésus,

Apocalypse 7:10

Da kli bouka béta guè siya, ka sa: Yana‐baï‐toul a Ouone na ko̱ mi kaou toul kangala njaka bara on, da a Goune badoua.

1 Titili Takarata a Pierre ko̱ dé 5:8

Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.