Apocalypse 11:18 - Féké Testament 1947

¹⁸ Da pime pouli mi kaou jing hèrè; da hèrè no tèn, ka name walabai hi houli mi gui, da name hina toul ndo̱ko̱ hi koï noli prophèteli, da njou‐lana‐bilaouli, da kli on ko̱ ngou waou ling‐o̱, lélé njoukouli tèn loukou njoukouli, da baï ina kli on ko̱ bo koukoula.

Apocalypse 11:18 ပူးပေါင်းရင်းမြစ်များ

Apocalypse 20:12

Da mè ko̱ houli, loukoukèli da lélékèli, kli o bèl kangala njaka bara on. Da takarata bourou tou. Da takarata aféké bourou tou ko̱ ba takarata a yana. Da kè wal baï hi houli ka mboro fèn on ko̱ kè dé bi takaratali on, an mi ma pina akli.

Apocalypse 19:5

Da mbo̱ko̱ tèn kala an kangala njaka bara on, ka sa: Oui jone Ouone na, oui ko̱ï nèli bon, oui ko̱ ngou waou nonè, lélé njoukouli tèn loukou njoukouli!

Apocalypse 13:10

Tokoré njoukouna mi miri njoukou ka koï, kè fènè ma sé ka mboro koï; tokoré njoukouna mi i njoukou ka gamba, dadaon, an kème hou ka gamba. An guèl on ko̱ mi ba laïnabi jing tounassaon a njou‐lana‐bilaouli.

Apocalypse 22:12

Oui ko̱, mè gui gata, da toul ndo̱ko̱ mi yé ndo̱ko̱ ni baï hina njoukou mbéo mbéo bon ko̱ mi ma pina akli.

Apocalypse 15:7

Da mbéo a zéng a fènli nèng ko̱ yan hi angeli difala‐séré dina tassi l’or ko̱ mba jing hèrè a Ouone ko̱ yan kambèlè go̱ kambèlè.

Apocalypse 15:1

Da mè ko̱ fèn to̱ko̱nakè aféké an nonkala loukoukè da kakaïya fèn, angeli difala‐séré ko̱ mana jing fèn békékèli difala‐séré ko̱ ba sèkèrèkè, baï ka mboro fèn békékèli on hèrè a Ouone mi mabongkè tou.

Apocalypse 14:10

yé kè njo vin hèrè a Ouone kéng, ko̱ mi si tane joukoura bil kopo hèrè amè, da yé kè ma to̱ko̱ssé an hèlè, da soufre, an nona tangna fofoto angeli, da an nona Goune badoua on.

Hébreuli 9:27

Da badi baï njoukouli bon mi hou bo̱ko̱ mbéo bo̱l, da afal fèn on ko̱ name walabaï mi gui.

Saint Luc 1:50

Da kème nding haïo hi mèran njoukouli tèn mèran njoukouli, Hi kli on ko̱ mi waou nè.

Saint Matthieu 5:12

Oui jangndaï ka kaou ka wala maïya, baï ko̱ toul ndo̱ko̱ abaï mana nyèta an nonkala; baï ko̱ kli ndé to̱ko̱ssé on hi prophèteli ko̱ gui dambèl ka titilikè hi oui kéng.

Apocalypse 20:15

Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.

Apocalypse 18:6

Oui féré nding jing nè mabahana ko̱ kè nding, da hi nè bo̱ko̱ séré an mi ma ka mboro pina nèli. An bil kopo on ko̱ kème si fèn an bilkè oui si fèn hi nè bo̱ko̱ séré.

Apocalypse 11:2

Da njaka sél ko̱ na kala an njaka temple, mo yèng nè kala da lé nè ya; baï ko̱ mi hi on hi mèran gentili, da kli ma nda ka bo̱ko̱ kli tangna fofoto pou on féou bongkè‐nèng‐faltoulkè‐séré.

Apocalypse 19:15

Da gamba on ko̱ ou maïya tèn kala njakè, da jing nè, kè ma té pime pouli bon; da kè ma na gangna toul kli jing bobono réme; da kè nda fèn ikina vin loukou njèran hèrè a Ouone, Njèran‐honta‐bon.

Apocalypse 10:7

Da ka name bo̱ko̱ a ange difala‐sérékè ko̱ kème hèdi baï oulakè, mono, didissi baï a Ouone mabongkè tou ka mboro bèlabaï, ko̱ kè to̱ko̱ hi koï nèli, propèteli jinguèl tou.

Apocalypse 13:16

Da kè nding njoukouli bon, lélé njoukouli, da loukou njoukouli, nguèra njoukouli, da foïna njoukouli, goune gangnali da koïli, mono on ko̱ mi hi kli baï déna an mboro wonron ndo̱ko̱ kli maléba an njaka moung kli,

Apocalypse 19:18

Mono on an oui ma baï sona naïn‐mona nanjoukaouli, da naïn‐mona njou‐onatoul béréli, da naïn‐mona njèran njoukouli, da naïn‐mona yangali, da akli on ko̱ kaou toul kli, da naïn‐mona njoukouli bon, goune gangnali da koïli, lélé njoukouli tèn loukou njoukouli.