Apocalypse 1:5 - Féké Testament 1947

⁵ da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

Apocalypse 1:5 ပူးပေါင်းရင်းမြစ်များ

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

Colossienli 1:18

Da kè ba toul a kli‐mone a église fènè; kè fènè ba titilikè da boutaïn tomna an wora houli, mono on an kème o toul fènli bon.

1 Titili Takarata a Pierre ko̱ dé 1:19

Da kè cho oui jing kakaïya séme a Christ mahana ka goune badoua tane nongno da tane bila.

Pinali a Njou‐Mboro‐Pinali 26:23

ko̱ yé Christ fènè ma to̱ko̱ssé da baï ko̱ kè ba titili njoukou ka mboro tomnahoulkèli, kè ma baï to̱ko̱na takanafèn hi Juifli, da ndé tèn mèran pime pouli kéng.

Apocalypse 19:16

Da kè jing ling on ko̱ kème dé bi la nè da ho̱lè: Nanjoukaou a nanjoukaouli da Nanjou a nanjouli.

Titili Takarata a Jean ko̱ dé 4:10

Da on ba sénahang, tane ti ba name ko̱ sé hang a Ouone ti dambèl ya, da ba kème ko̱ sé hang na, ka pi Goune nè, baï tèna ba sacrifice‐cho̱ko̱kè baï chona békéfèn nali.

Saint Jean 18:37

Da Pilate mi sa hi nè: Da mono on ko̱ mo ba nanjoukaou lé? Jésus mi féré sa: Mome ko̱ sa on ba mè ba nanjoukaou. Baï on mi mè tèn, da baï on mi mè gui mona njou‐koukoulali, baï sana bongbaï toul babaï. Njoukouli bon on ko̱ ba a babaï mi la mbo̱ko̱ ni.

Apocalypse 3:14

Mo dé takarata aïn hi ange église a Laodicée: Amen, gba sana bongbaï lodok, titili mossona fènli a Ouone, kè sa fènli on:

Apocalypse 7:14

Da mè sa hi nè: Nanjou ni, mo toutou. Da kè sa hi mi: Njoukouli on ba kli ko̱ tèn kala ka bil loukou to̱ko̱nassé on; da kli tourou la akli tou, da kli nding a la akli mi poukou ka séme a Goune badoua.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

1 Timothée 6:15

kè on ko̱ yé kè ma to̱ko̱ bi kala ka name nè fènè, kè on ko̱ ba loukou nanjoukaou mbéo bo̱l ka babaï, ko̱ mi jing jangnandaï Nanjoukaou a nanjoukaouli da Nanjou a nanjouli.

Éphésienli 2:4

Da Ouone ko̱ mi jing nguèra haïo baï kakaïya sénahang nè ko̱ kème sé hang na jing rou,

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Galateli 2:20

Mè hou an di‐croix jing Christ tou, da tane ti ba mè on mi ko̱ yan ba aféké ya, da ba Christ mi ko̱ yan an bili; da yana on ko̱ mème yan jing naïn‐mone kassénaï, mè yan ka ba tounassaon on, ko̱ mi na an bila Goune a Ouone, kè on ko̱ mi sé hang ni ta, ka hi monè fènè baï touli.

Apocalypse 11:15

Da ange a difala‐sérékè mi oul. Da bo̱ko̱ baïli béta nyèta mi ti gui ka nonkala, ka sa: Bilkaou a koukoula gui ba bilkaou a Nanjou na tou, da a Christ nè; da kè ma na gangna kambèlè go̱ kambèlè.

1 Timothée 6:13

Mè sa bi njako̱ ka nona Ouone, kè on ko̱ mi hi yana hi fènli bon, da an nona Christ‐Jésus, kè on ko̱ mi sa bèla bongbaï bi kala an nona Ponce Pilate.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

Saint Jean 15:9

Mahana ko̱ Baba mi sé hang ni, mème ndè sé hang baï kéng. Oui bi an bil sénahang ni.

Saint Jean 13:1

Da ambèl name gnèna laka Pâque, Jésus toutou ko̱ name nè mi hèdi tou, baï an kème ourou an koukoula aïn, ka féré sé guè mona Baba nè fènè, da kème sé hang dodok njoukou nèli an koukoula aïn da kème sé hang kli bo̱l tèn sèkèrèkè.

Romainli 8:37

Da an bil fèn aïnli bon name ta toula fèn gnèran fènli, mbo̱l kè on ko̱ mi sé hang na ta.

Saint Jean 13:34

Mè hi féké bina baïnjaka guingna hi oui: Ouime sé hang hana ta; mahana ko̱ mème sé hang baï, oui ndé sé hang hana kéng.

Saint Jean 3:32

Baï on ko̱ kème la da ko̱ tou, kè sa bongbaï on, da njoukouna mbéo tane ga la bongbaï nè ya.

Saint Jean 3:11

Babaï, babaï, mi mè sa hi mo, na to̱ko̱ toul fènli on ko̱ name toutou, da na sa bongbaï toul fènli on ko̱ name ko̱ tou, da oui tane ga la bongbaï na ya.

Saint Matthieu 20:28

mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

Saint Jean 3:16

Baï ko̱ Ouone sé hang an njoukouli ta mi ko̱ kè hi pomboï Goune nè, njoukou ko̱ mi la bilaou‐è kè ma limna ya, yé kè jing yana kambèlè.

Romainli 3:25

Kè on ko̱ Ouone mi same, ka hi nè ba sacrifice cho̱ko̱kè, ka mboro tounassaon ka séme nè, baï to̱ko̱na guédék nè baï ko̱na tang békéfènli pa, ka mboro pana mona Ouone.

Hébreuli 10:29

Laou baï kèrè ba fèn, ko̱ yé barabaï nyèta ba tana an toula njoukou on ya lé kè mi wal baï ko̱ kème ma, ko̱ mi nda Goune a Ouone ka bo̱kè, da kè ko̱ séme bina gonjaka an none hana ko̱ mi walè bi baï nè fènè, mahana ka ladidifèn da kè poukou Esprit a ndingna mbo̱l lé?

Apocalypse 2:13

Mè toutou guèl on ko̱ mo bi, mè toutou guèl on ba dodok kangala njaka bara a Satan mi yé, da mo ba ling ni pouta, da tane ga njé njaka toul tounassaon ami jinguèl ya, tongna ka name a Antipas njou‐lodok ko̱ sa bongbaï ni, ko̱ kli i nè an woro baï, guèl ko̱ Satan bi amè.

Apocalypse 11:3

Da yé mè ma hi njèran hi njou‐sana bongbaï nili séré, da kli ma to̱ko̱ bong njaka Ouone, mane name ténakè‐bo‐faltoulkè‐ténakè‐séré‐falbo̱ko̱kè‐bongkè‐difala‐mbéo, la bouna mone kli ba saki.

Apocalypse 19:11

Da mè ko̱ nonkala mi bourou, da mono pouki yanga, da ling a kè on ko̱ kaou toulè ba Lodok da Babaï, da kè wal baï da rou béré guédék.