Pinali a Njou‐Mboro‐Pinali 9:31 - Féké Testament 1947

³¹ Mono go̱ra église bon an guèl Judée da guèl Galilée tèn guèl Samarie mi iki tou, da mone kli mi pou kli tou, da klime sé ka waou nona Nanjou ka mboro vona go̱ro̱ kli ka Saint‐Esprit, da taïnkon nyèta.

Pinali a Njou‐Mboro‐Pinali 9:31 ပူးပေါင်းရင်းမြစ်များ

Romainli 5:5

Da oliya mi tane hi chonron ya, baï ko̱ sénahang a Ouone mi bèrè kon bil go̱ro̱ na, ka mbora Saint‐Esprit on ko̱ kème hi jinguèl hi na.

Romainli 15:13

Da kassénaï Ouone oliya on mi kon oui ka mba ka jangnandaï bon tèn go̱ro̱ iki ka mboro tounassaon, baï an ouime oli guèbambèl ka njèran a Saint‐Esprit!

Pinali a Njou‐Mboro‐Pinali 8:1

Da Saul mi ndé ji bo̱ko̱kè baï an klime i Étienne. Ka name o̱kèo̱ loukou sènafèn maïya mi tèn an bil église an pou Jérusalem; da kli bon mi yaïli manguèl sé guè Judée, da guèl Samarie, da yèng ba njou‐mboro‐pinali ka ho̱ko̱ kli on.

Éphésienli 4:12

baï mossona njou‐lana‐bilaouli guédék, baï ndingna bakara to̱ko̱na fènli da baï pouna kli‐mona Christ,

2 Corinthienli 13:10

Baï on mè dé fèn aïnli bi takarata baï ko̱ mème tane ti jing oui ya, mono on tokoré mème yé soko jing oui, mè tane ma baï ndingna fèn jing oui ya, ka mboro bina baïnjaka on ko̱ Nanjou mi hi mi jinguèl baï pouna mona njoukouli, da mi tane ti ba baï sokora kli bou ya.

2 Corinthienli 10:8

Baï ko̱ tongna mème jone moni nyèta toulkè païn toul bina baïnjaka na on, ko̱ Nanjou mi hi baï pouna mone baï, da tane ti ba baï wouna oui ya, chonron ba séna mi tane tiya,

2 Corinthienli 7:1

Mono on, yindi ko̱ mème sé hang baï nyèta, baï ko̱ name jing bina gonjaka on, dadaon an name tourou go̱ro̱ na fèna jing fèn dakamli bon a naïn‐mone, tèn esprit na, da gui jing tangna go̱ro̱ fofoto ka ngou waou nona Ouone.

Pinali a Njou‐Mboro‐Pinali 16:5

Da mona église bon mi pou kli ka tounassaon, da klime taïnkon guèbassoko.

Pinali a Njou‐Mboro‐Pinali 12:24

Da baïnjaka Ouone mi ti nyèta da taïnkon guèbambèl.

Pinali a Njou‐Mboro‐Pinali 6:7

Da baïnjaka Ouone mi ti guèbambèl da njou‐séna bongli mi taïnkon nyèta an pou Jérusalem, da ro̱kè sacrificateurli nyèta mi la bilaou.

Jude 1:20

Da oui on, ko̱ mème sé hang baï nyèta, oui pou mone baï ka mboro tangna fofoto tounassaon abaï da hiou Ouone ka Saint‐Esprit.

Hébreuli 4:9

Mono, name sabbat mi na baï a njoukouli a Ouone mi yan tana kli.

1 Timothée 1:4

maléba pèngna bong baï ya, tèn sarang bongbaï a tangkoli on ko̱ saonkè mi tane ga tiya baï on mi to̱ko̱ mboro njakana, da mi tane ga to̱ko̱ mboro pouna mone na a nona Ouone ko̱ ba ka tounassaon ya.

1 Thessalonicienli 5:11

Mono baï on, oui wara hana an go̱ro̱ baï mi vo ka pou mone hana, mahana ka on ko̱ ouime nding.

Colossienli 1:10

baï séna ka mboro on ko̱ ma an nona Nanjou, ko̱ mi bi wélé toulè jing fènli bon, da oui lé lénakè jing bèla pina bon, da taïnkon ka mboro touna Ouone.

Philippienli 2:1

Mono on, tokoré baï wara hana mana ka bila Christ, tokoré baï pouna mone hana mi mana jing sénahang, tokoré vona ka go̱ro̱ mbéo jing Esprit mana, tokoré ndingna haïo da ko̱na passé mana,

Éphésienli 5:21

Oui kaou bo̱ko̱ ndo̱ko̱ hana jing ngouna waou nona Christ.

Éphésienli 4:29

Oui yèng an fona baïli mi tane tèn kala an njaka baï ya, da oui sa ba bèla baïli ko̱ ma baï pouna mona njoukou on ko̱ fèn mi nak nè da an ouime hi ndingna mbo̱l hi kli on ko̱ mi la baï on.

Éphésienli 4:16

Ko̱ mi hi kli‐mone bon baï dossina bi hana ka mborokè, da mara pou bi mana da baï jingna njèran ka mboro hourou mone mana mbéo mbéo bon, mabong pina a fèn mondi mbéo mbéo bon, baï an kli‐mone mi hon ka pou bi fènè jing sénahang.

2 Corinthienli 12:19

Oui pane kèra guèbassoko ba name pari baï na jing oui lé? Name sa baï ka bila Christ an nona Ouone, yindi on ko̱ mème sé hang baï ta, fènli bon ba baï pouna mone baï.

1 Corinthienli 14:26

Yindi, mono on ba fèn lé? Ko̱ ouime ndoï jing hana, njoukou mane mbéo mbéo bon an woro baï mi kaou jing dinassing, njoukou aféké mi kaou jing to̱ko̱nafèn, njoukou aféké mi kaou jing bong njaka on ko̱ Ouone mi wéré nonkè hi nè, njoukou aféké mi kaou jing njaka baï aféké ka toul, da njoukou aféké mi kaou jing to̱ko̱na saon baïli toutoul toutoul. Dadaon oui nding fènli bon baï an mone baï mi pou oui.

1 Corinthienli 14:12

Mono on oui kéng, baï ko̱ nzala mi i oui baï toul toul ndo̱ko̱ a Esprit, oui nza mboro baï kana fèn on ko̱ ma pou mona église bèlta.

Romainli 14:19

Mono, dadaon an name sé ba fal fèn on ko̱ mi hi go̱ro̱ iki, da fèn on ko̱ ma pou mona jing hana.

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

Pinali a Njou‐Mboro‐Pinali 2:47

kli jone Ouone ta, da njoukouli bon ko̱ kli bèl mone kli ta. Da Nanjou mi kon njou‐afékéli on ko̱ kou tou toul kli name bon.

Pinali a Njou‐Mboro‐Pinali 5:11

Da njoukouli an bil église bon tèn kli on bon ko̱ mi la baï aïnli waou mi ba kli maïya.

Pinali a Njou‐Mboro‐Pinali 20:32

Da kassénaï mè yèng oui bi ndo̱ka Ouone, da baïnjaka ndingna mbo̱l nè, on ko̱ mi ma baï pouna mone baï, da hi fèn yanapélé hi oui an wora kli on bon ko̱ Ouone mi wal bi baï nè fènè.