Pinali a Njou‐Mboro‐Pinali 8:12 - Féké Testament 1947

¹² Da ko̱ klime la bilaou baï a Philippe ko̱ kème sa mboura bèlabaï toul bilkaou a Ouone ka ling a Jésus‐Christ, wonron njoukouli tèn waïnli mi ya baptême.

Pinali a Njou‐Mboro‐Pinali 8:12 ပူးပေါင်းရင်းမြစ်များ

Pinali a Njou‐Mboro‐Pinali 2:38

Da Pierre mi sa hi kli: Oui hèkè békéfèn abaï, da oui mbéo mbéo bon mi ya baptême ka bil ling a Jésus‐Christ baï jingna yèngna bi mboro békéfèn abaïli; da yé oui ma ya toul ndo̱ko̱ Saint‐Esprit.

Pinali a Njou‐Mboro‐Pinali 1:3

Da afal on ko̱ kème to̱ko̱ssé tou, kè ndé to̱ko̱ monè ka none hi kli kéng, ka mboro to̱ko̱na saonkè nyèta, kè tèn gui none kli mane name hanali bongkè‐nèng da sa baï toul fènli an bilkaou a Ouone.

Saint Matthieu 28:19

Da on, oui sé ka mosso njou‐séna bongli an bil pime pouli bon, ka nding baptême hi kli, ka bil ling a Baba da ka Goune tèn ka Saint‐Esprit,

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Pinali a Njou‐Mboro‐Pinali 2:41

Da kli on ko̱ ya baïnjakè, kli ya baptême; ka name o̱kèo̱, ro̱ko̱na laou an njoukouli on ko̱ mi taïnkon jing kli hèdi ténakè‐bongkè‐saï.

Galateli 3:28

Da ka bilè, Juif maléba Grec tane tiya, koï maléba goune gangna tane tiya, wonron njoukou maléba waïn tane tiya, baï ko̱ oui bon ba njoukou mbéo bo̱l ka bila Christ‐Jésus.

Romainli 10:10

Baï njoukou on ko̱ mi tou saon ka laou‐è mi kan guédék, da ka sana bi kala ka njaka mi ko̱ njoukou jing yana‐baï‐toul. Baï ko̱ Takarata a Ouone mi sa:

1 Corinthienli 11:11

Da ka bila Nanjou waïn mi kaou tane wonron njoukou ya, da wonron njoukou mi tane kaou tane waïn ya.

Pinali a Njou‐Mboro‐Pinali 28:31

ka sa mboura bilkaou a Ouone, da kème to̱ko̱ saon baï a Nanjou Jésus‐Christ ndo̱t tane waou, da njoukouna mbéo mi tane dèn mboro nè ya.

Pinali a Njou‐Mboro‐Pinali 20:25

Da kassénaï, mono, mè toutou oui bon, ko̱ mème sèrè an woro baï, baï sana mboro bilkaou a Ouone, yé oui ba ko̱na noni ba aféké tane tiya.

Pinali a Njou‐Mboro‐Pinali 20:21

Mè sa bongbaï hi Juifli da Grecli toul hèkèna békéfèn aklili hi Ouone da toul tounassaon an Nanjou na Jésus‐Christ.

Pinali a Njou‐Mboro‐Pinali 18:8

Da Crispus zaworo a synagogue mi la bilaou a Nanjou tèn voulè bon, da njoukouli an pou Corinthe nyèta ko̱ klime la baï a Paul mi la bilaou, da ya baptême.

Pinali a Njou‐Mboro‐Pinali 11:20

Da njou‐hanali an woro kli ba njoukouli an Chypre da pou Cyrène, da ko̱ klime kan pou Antioche, kli ndé sa mboura bèlabaï hi Grecli kéng, kli sa mboura bèlabaï a Nanjou Jésus.

Pinali a Njou‐Mboro‐Pinali 5:14

Da njou‐lana‐bilaouli, mi taïnkon nyèta jing Nanjou guèbambèl, ro̱ko̱ta wonron njoukouli tèn waïnli:

Saint Luc 9:60

Da Jésus sa hi nè: Mo yèng an houli mi goro dodok houl klili fèn kli; da mo sé ka sa mboura bilkaou a Ouone.

Saint Luc 9:2

Da kè pi kli baï sana mboura bilkaou a Ouone; da baï haïna mona njou‐jangmali.

Pinali a Njou‐Mboro‐Pinali 8:4

Mono on, kli on ko̱ mi yaïli manguèl, kli sé guèl toutoul ka sa mboura bèlabaï baïnjaka.

Pinali a Njou‐Mboro‐Pinali 19:5

Da ko̱ klime la baï on, klime ya baptême ka bil ling a Nanjou Jésus.